JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu ba PM Taur troka Vise MS nain rua ■Élia rekoñese iha dezintendimentu

PN husu ba PM Taur troka Vise MS nain rua  ■Élia rekoñese iha dezintendimentu

Reprezentante povu iha uma fukun Parlamentu Nasional (PN), liu-liu deputada bankada Kmanek Haburas Unidade Nasional Timor-Oan (KHUNTO), Olinda Guterres, hateten, aktu haksesuk malu entre Vise Ministra Saúde (MS) na’in rua (2), hanesan ministra Elia António Amaral no Bonifácio Maukoli dos Reis halo ne’e hamoe deit Estadu, tanba hada’u malu poder iha Diretor sira-nia oin. Tanba ne’e mak diak liu tenki troka tiha sira nain rua hodi hadiak fali imajen Ministériu Saúde nian no servisu ne’e bele fila fali ba normal.

“Membru governu bainhira haksesuk malu poder, ida ne’e halo ita moe deit, nune’e di’ak liu troka sira na’in 2, tanba Timor ne’e ema matenek barak, la’os sira na’in 2 deit, bainhira mosu remodelasaun troka sira na’in rua. Troka sira na’in 2 la signifika haruka membru KHUNTO maka atu troka, maibé fihir ema ne’ebé matenek mak troka Vise MS na’in 2 ne’e“, deputada bankada KHUNTO ne’e liu husi ninia intervensaun iha plenária, Segunda (09-12-2019).

Deputada bankada FRETILIN, Lídia Norberta, mós lamenta ho atitude membru governu na’in 2 ne’e no konsidera aktu hadau malu poder ne’e, la’os deit MS, maibé akontese mós iha Ministériu Agrikultura no Peskas (MAP).

“Ami lakohi ko’alia, maibé vídeo ne’e sai ona viral, ida ne’e ha’u lamenta tebes, maibé la’os akontese deit iha MS, maibé akontese mós iha MAP haksesuk malu kona-bá sistema aprovizionamentu projetu ruma, atitude refere reflete buat ne’ebé la di’ak, nune’e membru governu tenki fó atensaun ba povu nia halerik no deputadu sira halo kontaktu eleitoral. Ita lakon tempu ba ita-nia uma laran, ita haksesuk malu to’o buat barak ita la fó atensaun, ne’e lamenta tebes, ami fó hanoin deit, atitude ida ne’e labele repete tan”, tenik Lídia.

Husi parte seluk, Sekretáriu Estadu Komunikasaun Sosiál (SEKOM),  Merício Akara, mós deskontenti ho atitude Vise MS na’in 2 ne’ebé deskuti malu tanba poder no husu atu halo  investigasaun ba autór ne’ebé publika vídeo enkontru interna ne’e.

Lee hotu :   Governu husu tan millaun USD 150, AMP konsidera seidauk prioridade

“Ita husu atu halo investigasaun, sé mak halo rekaman ba enkontru internal, hafoin divulga, maski ita halo entrevista ho média nasionál bainhira fontes dehan labele públika média mós labele públika, tanba diskusaun internal, vídeo ne’ebé viral iha média nasionál sira laiha, maibé funsionáriu sira deit, tanba ne’e sei halo investigasaun kle’an iha motivu ne’ebé negativu hodi diskredita instituisaun no superior rasik. Ha’u hanoin sei hetan sansaun tuir étika profesionalizmu bainhira enkontru internal labele fó sai ba públiku, ida ne’e hanesan lisaun ida, superior hotu antes atu enkontru tenki aviza bele rekor ka la’e“, tenik Mericio.

Hatán ba kestaun ne’e, Vise Ministra Saúde (MS) Kuidadu Saúde Primária interina, Élia dos Reis Amaral, rekoñese, akontese duni dezintendimentu entre nia ho Vise MS ba Dezenvolvimentu Estratéjiku Saúde, Bonifacio Mau Coli dos Reis, maibé la’os kona ba hadau malu poder.

“Iha momentu ida ne’e, ami ami na’in 2 hakarak klarifika kona-bá gravasaun ne’ebé agora dau-daun viral iha média social, iha momentu ne’ebá akontesementu dezintendimentu internal, dezintedimentu internal iha kada instituisaun ne’e normal, maibé atu haree ba lala’ok servisu, saída mak ladun di’ak, atu halo ba di’ak,“ Vise MS interina ne’e liu husi komunikadu imprensa iha salaun Palaçio das Cinzas, Caicoli-Díli, Segunda (09-12-2019).

Entretantu antes ne’e mós, Eis Vise Ministru Sáude (MS), Luis Lobato, lamenta ho atitude Vise MS na’in rua (2), hanesan ministra Elia António Amaral no Bonifácio Maukoli dos Reis ne’ebé hada’u malu poder iha Diretor sira-nia oin, hodi hamo’e deit setor saúde, ho nune’e nia parte husu ba Primeiru Ministru PM), Taur Matan Ruak atu troka sira na’in 2.

Reitor UNPAZ: Kulpa ne’e PM Taur nian

Dezintindimentu membru Governu husi Vise Ministra Interina ho Vise Ministru ne’ebe viral ona iha media social, Reitor Universidade da Paz (UNPAZ), Aldo Amaral, rekoñese kulpa husi Xefe Governu Taur Matan Ruak nian.

Tanba, Primeiru Ministru fo desizaun ba membru Governu rua ba sira nia kargu lá permanente hodi lidera Ministeriu Saude, tanba Vise ministra saude nain ida tenke lidera interina ka interinu durante fulan 6 deit.

Lee hotu :   PR Lú Olo: Subtitui kandidatu membru Governu nain 9, ha’u foin fo pose

Maske nune’e, Reitor UNPAZ ne’e dehan lá presiza demostra diskuzaun iha internal iha Ministeiru kona ba desizaun, vise ministru nain rua ne’e la presiza divulga ida ne’e ba públiku.

Maibe, Reitor ne’e dehan katak Vise nain rua mos laiha intensaun atu divulga inforMaibe aun ne’e ba públiku, ne’e servisu ne’ebé akontese desintedimentu entre sira nain rua ba desizaun balun deit, haree parte terseiru aproveita ida ne’e depois divulga ida ne’e ba iha media social agora viral los ba diskusaun ida ne’e.

Reitor UNPAZ ne’e mos dehan destinu Vise nai rua ne’e mos sai ameasa bo’ot tanba Governu rasik hanoin atu halo remodelasaun, wa’inhira sira nia atetude hanesan ne’e estraga imajen Oitavo Governu nian.

Primeiru Ministru bele uza nia kompetensia iha remodelasaun sira bele hetan.

“Primeiru Ministru tanba sa mak tenki fo vise minstru ne’e durante fulan 6 ida tenki sai ministru interinu durante 6 meses ida tenki sai ministra interina katak desizaun husi Primeiru Ministru ne’e rasik depois de 6 meses troka, ba responsabilidade ida ne’e mak halo sira servisu de kontinuadade laiha,” deklara, Reitor UNPAZ Aldo Amaral ba JNDiário, Segunda (09/12/2019).

Reitor UNPAZ ne’e hatutan katak, desizaun politiku ne’e mak situasaun ne’e akontese, lá presiza ida ne’e akontese enkuantu wainhira ida deit maka toma responsabilidade durante tinan 4 nia mak Ministru Interinu ne’e nia deit ona.

Wa’inhira laiha komperasaun interna ne’ebé diak ita uza konsetu hodi binga malu, depois bele implika ba desizaun sira ne’ebé sira halo na realidade akontese ita haree iha púbilku.

“Ha’u nia hanoin kona ba atetude husi vise ministru no ministra sira no sekretariu sira hanesan ne’e kompetensia husi Primeiru Ministru bele halo desizaun ruma, hahalok ne’ebe’ vise ministru nain rua divulga ba publiku, estraga dignidade Oitavo Governu nian,” dehan, Reitor UNPAZ ne’e.

Lee hotu :   PR Lú Olo: Polítiku no povu lalika politiza FM

Reitor UNPAZ ne’e reforsa liutan, Primeiru Ministru haruka ema ne’ebé mesak lá komprende hotu deit jere fali instituisaun sira hanesan Ministeriu Saudé, podia buat ne’e hanesan sira koalia deit hakarak halo diskusaun depois parte terseiru aproveita ida ne’e par-divulga ida ne’e ba públiku, ne’e imajen ida ne’ebé la diak ba Oitavo Governu liu-liu ba Primeiru Ministru.

FONGTIL husu PM Taur tenke foti desizaun hasoru Vise MS

Diretur Ezekutivu FONGTIL, Daniel Dos Santos, lamenta  ho krize lideransa ne’ebé akontese iha ministériu saúde fó impaktu ba prestasaun servisu ministériu nian. Tanba ne’e husu ba primeiru ministru atu foti desizaun sériu ba kazu hadau malu poder entre vise ministru saúde nain rua ne’e.

Diretur Ezekutivu FONGTIL, Daniel Dos Santos, hateten, tuir loloos governante sira labele lori interese privadu no poder tama iha instituisaun ne’ebé sira lidera.

Tanba Daniel esplika, wainhira governante sira lori sira nian interese ba istituisaun estadu bele hamosu konflitu no hafoer imajen estadu

“Kazu ne’e primeiru ministru tenke asume responsabilidade hodi hola desizaun,”deklara Diretór Ezekutivu FONGTIL, Daniel Dos Santos, ba Jornalista sira iha FONGTIL, Kaikoli, Díli, Segunda (9/12/2019).

Soeidade sivíl ne’e mós husu ba Primeriu Ministru nu’udar lider máximu governu nian  tenke halo intervensaun hodi solusiona disputa poder governante sira hodi labele prejudika servisu Estadu.

Alénde ne’e xefe governu atu halo avaliasaun ba membru governu sira hodi bele identifika kapasidade no konñesimentu ninia membru sira tanba mós sai ona rezultadu konferensia nasionál amp nian ne’ebé hala’o dala rua ona iha tinan ida nia laran iha golgota no tibar iha fulan neen liu ba.

Enkuantu kazu konaba disputa poder entre ministra saúde interina ho vise ministru saúde ne’e konsege sai virál iha rede sosiál no hetan reasaun krítika alénde husi sosiedade sivíl akadémiku sira inklui mós deputadu sira iha Parlamentu Nasional. Ety/eni/Eus

Add to Comments Here!!!!

error: Content is protected.
Secured By miniOrange
You might also like:
FRETILIN : MS ladauk aloka osan alozamentu ba pasiente iha Bali

Reprezentante povu iha uma fukun Parlamentu...

Konsidera hadau malu poder, Luis Lobato sujere PM troka Vise MS na’in rua

Eis Vise Ministru Sáude (MS), Luis...

Sosiedade sivíl preokupa VIII Governu monta asesór barak laiha kapasidade

Sosiedade sivíl, Padre Julio Crispim Ximenes...

Close