JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN: Númeru krime aumenta tanba fatór ekonomia sosial

PN: Númeru krime aumenta tanba fatór ekonomia sosial

Membru Parlamentu Nasional (PN) husi bankada UDT/Frenti Mudansa, Francisco David Xavier Carlos konsidera, númeru krime iha Timor laran kontinua aumenta husi loron ba loron, tanba fatór ekonomia sosiál hodi hamosu dezempregu aumenta kada tinan, joven barak abandonadu.

 “Ita dalaruma fó sala ba juventude sira, dalaruma ita kondena sira sala, maibé lahatene tanba sa mak sira halo sala, ne’e impaktu sosiál. Tanba uluk sira nia inan aman sira lakon sira-nia vida tanba ho esperansa ida katak, ukun aan sira moris di’ak ona, maibé realidade laiha, tanba ne’e mak buat sira nunka reduz, maibé aumenta tan de’it, tanba ne’e mak ministériu relevante ho ukun na’in sira, bele halo to’ok estudu ida, tanba sa mak krimindalidade ne’e tinan-tinan aumenta?. Sei karik ema hotu iha rendimentu, servisu, automátikamente, krime ne’e sei menuz”, hatete, deputadu UDT/FM ne’e iha plenária Segunda (09/12/2019).

Alende ne’e, deputadu FRETILIN, Fabião de Oliveira, mós preokupa, tanba deskonfia, KPK ho autoridade lokál balun rasik envolve iha krime.

“Agora ita tama ona ba fulan adventu, maibé krime ne’e aumenta nafatin,

Tuir ha’u nia haree, krime ne’e, krime organizadu, presiza Governu atu  matan ba aktu sira ne’e, sela’e dun de’it mak arte marsiais. Tau tiha KPK iha Suku sira hodi ajuda lideransa lokal sira atua situasaun, sebele karik prevensaun ba krime ne’ebé akontese iha rai laran, maibé iha membru KPK balun mós envolve fali iha krime sira ne’e hotu, át liu mak rona dehan Xefe Suku sira mós inklina. Horseik (horibainruak-red) de’it ha’u sei rona dehan, Xefe Suku ho KPK rasik mak envolve direita iha krime sira ne’e, tanba ne’e, favor ida, hateten ba ministériu relevante sira, liu-liu ba komandante jerál PNTL, atu rezolve lalais problema sira ne’e, la’os dehan akontese tiha mak foin dehan atua ona, lori ona ba ida ne’e ida ne’e, ida ne’e problema akontese tiha ona, ema kanek ka mate tiha ona, oinsa mak atu halo prevensaun tan, tenke buka nia hun ne’e iha ne’ebé. Uluk se mak promete iha kampaña katak, sei reativa hikas arte marsiais, favór ida re-ativa para ita kontrola, Governu bele kontrola ba sistema oinsa, treina oinsa, iha Suku, Bairro sira. Akontese iha fatin-fatin ne’ebé hateten krime organizadu, maibé seidauk bele detekta, tanba ne’e mak governu, komando PNTL no autoridade relevante sira tenke tau atensaun, tanba ita-nia rai ne’e ki’ik hela, ho populasaun ne’ebé natón de’it, nusa mak ita labele rezolve, ita moe, oinsa ema estranjeiru atu mai investe, oinsa turista sira mai, kuandu haree ita-nia rai problema bebeik”, deputadu ne’e preokupa.

Lee hotu :   Kuadru CNRT rezigna-an husi VIII Governu

Nune’e, deputadu AMP, Luis Roberto hateten, atu labele fó kulpa de’it polísia, autoridade lokál ho juventude rasik presiza garante paz no estabilidade iha nia bairro rasik, liu-liu autoridade lokál sira, presiza kontrola nia komunidade ne’ebé hela iha Suku laran, atu nune’e, kriminozu sira labele subar ba mai, hafoin halo krime iha fatin seluk.

“Dala barak ita komunidade kestiona katak, ita nia PNTL inkapasidade hodi halo atuasaun ba ita-nia situasaun rai laran, maibé dala barak mós falta kontribuisaun hodi kontrola husi ita-nia autoridade lokál sira, falta mós kontribuisaun paz husi ita-nia joven sira, ita labele fó sala bebeik ba ita-nia PNTL sira, tanba sira mós ema hanesan ita hotu, sira la’os robot. Tanba ne’e, husu ba autoridade lokál ho juventude sira, para bele kontribui ba paz no estabilidade iha ita-nia rai laran, liu-liu mak autoridade lokál sira, presiza kontrola ka chek iha sira-nia Suku laran ka Bairro laran, tanba dala barak Xefe Suku ho Xefe Aldeia rasik lahatene nia komunidade, na’in hira-hira sira lahatene, ema tama sai iha Bairro laran mós sira lahatene, tanba sira ladun identifika, tanba dalaruma, ema balun husi Suku seluk nian, ba halo problema fali iha Suku seluk tiha halai liu mós ita lahatene. Tanba ne’e autoridade lokál sira mós presiza kontribui maka’as ba paz no estabilidade, la’os fó sala de’it mak PNTL, sira stand by iha Díli laran, dalaruma hetan tuda tan”, tenik Luis.

Deputadu komisaun B ne’e mós sujere ba ministériu relevante, atu bele kapasita tan Kosellu Polísiamentu Komunitária (KPK), nune’e, bele hatene oinsa halo atuasaun no kontrolu ho di’ak.

Lee hotu :   Hakotu empase polítika, BOAMP prefere opsaun 2

“Se ka’er stik karik bele hatene oinsa utiliza, tanba dalaruma KPK sira tu’un ba halo atuasaun, maibé sira halo liu tiha fali PNTL sira nia servisu, baku ema lahanoin, lori stik ne’e baku de’it ema nia ulun fatuk, ne’e bele oho ema,

Tanba ne’e, KPK atu harmoniza PNTL nia servisu, tenke fó formasaun, para hodi apoiu servisu PNTL nian iha rai laran”, rekomenda reprezentante povu ne’e.

Entertantu kaju krime kada semana no fulan sempre akontese iha Timor laran, liu-liu bairro sira iha Díli laran.say

Add to Comments Here!!!!

error: Content is protected.
Secured By miniOrange
You might also like:
PN husu ba PM Taur troka Vise MS nain rua ■Élia rekoñese iha dezintendimentu

Reprezentante povu iha uma fukun Parlamentu...

FRETILIN : MS ladauk aloka osan alozamentu ba pasiente iha Bali

Reprezentante povu iha uma fukun Parlamentu...

Konsidera hadau malu poder, Luis Lobato sujere PM troka Vise MS na’in rua

Eis Vise Ministru Sáude (MS), Luis...

Close