JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Projetu iha RAEOA la fó benefísiu ba povu ■LUGU sei halakon tendénsia partidária

Projetu iha RAEOA la fó benefísiu ba povu ■LUGU sei halakon tendénsia partidária

Prezidente Autoridade Rejiaun Administrativa Espesial Oecusse Ambeno (RAEOA), José Luis Guterres, hateten, projetu hirak ne’ebé implementa iha RAEOA la fó benifisiu maioria ba povu iha rejiaun ne’e, tanba povu barak mak seidauk sente dezenvolvimentu ne’ebé la’o dadauk.

José Luis Guterres  hato’o lia hira ne’e ba jornalista GMN, hafoin partisipa iha serimonia isar bandeira iha RAEOA (28/11/2019).

José Luis Guterres konsidera, povu RAEOA barak mak seidauk partisipa direta iha projetu sira ne’ebé implementa ona durante  Mari Alkatiri nia mandatu. Tanba ne’e, iha tempu badak nia sei tun diretamente hamutuk ho komunidade sira atu rona sira-nia preokusaun nebé sira enfrenta.

“Ha’u lakohi povu Oe-Cusse sai penonton ba dezenvolvimentu iha rai ida imi nian. Kompromisu ne’ebé halo ida hakarak mos transparensia, ohin loron ita iha sistema jestaun finansa públika ne’ebé seidauk liga iha Díli ne’eba (mai Oe-Cusse). Ita tenke halo esforsu para que povu ita nian joven sira katuas sira bele asesu para hatene lolos orsamentu mai husi Estadu nia ba iha ne’bé? Imi iha direitu para hatene buat sira ne’e hotu! Emquanto ita-nia sistema sei laiha, ha’u sei halo esforsu para koalia ho autoridade ne’ebé eleita husi suku, lia nain, joven sira atu nahe biti bo’ot koalia iha fatin ida ne’e, obrigasaun moral administrasaun ida ne’e atu fó relatóriu ba imi sobre buat ne’ebé halo tiha ona ka buat ne’ebé seidauk halo, no obra ne’e iha ne’ebé? No halo nusa?”dehan  José Luis Guterres.

Alende ne’e LUGU mos sei diskuti ho Ministériu Transporte Telekomunikasaun kona-ba aero-portu internasional Rota de Sândalo Oe-Cusse Ambeno, ne’ebé oras ne’e seidauk hetan autorizasaun husi Organisaun Internasional Aviasaun sivil hodi halo operasaun.“Hau-nia hanoin aeroportu ne’e mos presiza retabiliza. Aeroportu agora ne’e ita iha deit aviaun ida, agora aviaun ne’e mos hanesan iha ona problema. Importante liu mak ita retabiliza aeroportu Oe-Cusse para aviaun husi rai seluk bele mai iha ne’e, husi Kupang, Bali, husi fatin seluk. Ita seidauk iha autorizasaun husi Organisaun Internasional Aviasaun sivil, ne’ebé ami sei servisu hamutuk ho Ministériu transporte ita nian para ita bele halo prosedimentu hotu para que lalais ita bele iha aeroportu ida que internasional iha Oe-Cusse”,dehan José Luis Guterres. José Luis Guterres mos apela ba povu atoni, iha nia mandatu sei halakon diskriminasaun ba povu maske mai husi partidu la hanesan, maibe sei servisu ho transparansia atu nune povu mos akompaña obra sira ne’ebé mak implementa.

Lee hotu :   Marí Alkatiri: “Rezolve impase polítiku, órgaun soberania sira tenke iha inisiativa”

“Sei haree obra sira ne’ebé hala’o iha kualidade ka lae? Segundu ha’u-nia preokupasaun bo’ot mak projetu ne’e osan Estadu nian fó ba rai Oe-Cusse, maibe ita la haree emprezáriu Oe-Cusse oan sira no povu Oe-Cusse hanesan benefisia ba iha maioria osan ne’ebé implementa mai iha ne’e. importante ita bele diskuti ho emprezáriu sira ne’ebé mai husi rai liur ne’ebé halo projetu sira ne’e, para sira fasilita mos emprezáriu nasionál no mos kria empregu ba ita nia ema, buat ida osan ne’e hanesan Estadu Timor nian, ne’ebe la kusta buat ida ita koalia ho sira para bele iha kooperasaun. Ema atu servisu ne’e rai Oe-Cusse nia oan barak, tékniku mos iha, se lae osan ne’ebé maioria ita investe iha obra sira ne’e sei ba iha liur no ita iha ne’e haree deit”,afirma José Luis Guterres.Nis

 

Add to Comments Here!!!!

error: Content is protected.
Secured By miniOrange
You might also like:
MS dá prioridade a programa de nutrição

O Conselho de Segurança Alimentar e...

Komunidade Leorema hatudu atrasaun iha nakukun laran

Komunidade  suku  leorema  hatudu atrasaun dansa...

Padre David : Sasán mundu labele sai Patraun ba sarani Katólika

Vigáriu Paroquia Liquiça,  Padre Davíd Alves...

Close