JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Relatóriu komisaun C hatudu argumentu falsu, FRETILIN : OJE 2020 laiha kualidade

Relatóriu komisaun C hatudu argumentu falsu, FRETILIN : OJE 2020 laiha kualidade

Reprezentante povu iha uma fukun Parlamentu Nasional (PN), liu-liu bankada FRETILIN krítika maka’as relatóriu pareser husi komisaun C PN ba Orsamentu Jeral Estadu (OJE) 2020, tanba konsidera relatóriu ne’e hatudu deit argumentu falsu, hodi halo orsamentu ne’e laiha kualidade.

Realidade hatudu iha ezekusaun orsamentu real ba Ministériu Petróleu no Rekursu Minerais (MPRM) ne’ebé laiha ministru, tanba rekuza simu pose, maibé ninia ezekusaun orsamentu to’o ona porsentu 80,3.

Maibé Ministériu Agrikultura no Peskas (MAP) ne’ebé iha Ministru no Vise Ministru emposadu no orsamentu ki’ik liu ne’e, konsege ezekuta deit posentu 54,4.

“Relatóriu pareser komisaun C PN ne’ebé trata asuntu finansas publika hatudu deit argumentu falsa, ne’ebé halo orsamentu ne’e laiha kualidade no orsamentu mal-preparadu visius legalidade no konstitusionalidade. Haree ba ezekusaun real husi setor ida-idak, hanesan MPRM ne’ebé laiha Ministru tanba rekuza atu hola pose, maibé ezekuta 80,3%, maibé MAP ne’ebé Ministru no Vise Ministru emposadu no orsamentu ki’ik liu MPRM, konsege ezekuta deit porsentu 54,4% to’o loron 24, fulan Outubru, ho situasaun hanesan ne’e, laiha garantia ruma katak, iha  tinan 2020 kapasidade ezekusaun ne’e sei di’ak liu, maibé governu hakarak osan bar-barak tan”, Xefi bankada FRETILIN, Aniceto Guterres liu husi   ninia deklarasaun polítika iha debate OJE iha faze jeneralidade, Tersa (03-12-2019).

Nia akresenta, ho situasaun ida ne’e VIII governu la hatene sukat ninia kapasidade atu halo ezekusaun ba OJE, tanba iha ministériu balun la konsege ezekuta orsamentu ho di’ak.

‘Matan fuan boot liu kabun, hahan bikan tolu la konsege han hotu, husu fali ona bikan lima, tau osan bar-barak, maibé governu la sukat ho ninia kapasidade atu ezekuta, la sukat kapasidade ita nia ekonómia atu absorve osan no haluha katak, ekonómia ne’ebé depende ba despeza públika hanesan ekonómia Timor-Leste ni’an mak wainhira ezekusaun fraku, desempeñu ekonómiku mós ki’ik ka fraku. Ita haree husi estrutura orsamentu 2020 ne’ebé porsentu 66 husi orsamentu ne’e ba despeza korente, signifika investe barak liu iha konsumu do que produsaun. Despeza konsumu la estimula kresimentu ekonómiku, sa tan kresimentu sólidu no ho kualidade. Despeza korente estimula deit kresimentu temporáriu, tanba nia kresimentu bazeia ba konsumu. Ho ekonómia importasaun hanesan dau-daun ne’e, tanba kuaze sasan hotu ita importa mai husi rai-liur”,.

Lee hotu :   Japaun seidauk deside konstroi Aeroportu Comoro

“Iha tinan 2019 kresimentu real porsentu 3.9, maibé governu dehan, porsentu 5.1. Ba tinan 2020 International Monetary Fund (IMF), Banku Mundial, no Asian Development Bank (ADB) dehan, kresimentu porsentu 4.9, depois husi tinan 2020 to’o 2030 nia media mak porsentu 5. Entaun, porsentu 5.1 ne’e númeru mai husi ne’ebé, sura halo nusa mak ne’e? Ida fali 2020 porsentu 7.2 ne’e iha ne’ebé? Ne’e númeru fiktisiu karik, ita bele si’ik kualker númeru hodi halo polítika no bosok malu, maibé ita la fó konfiansa ba investor sira atu kuda sira nia osan iha Timor-Leste. Investor sira haree mak buat sira hanesan ne’e, la’os rona istoria no investor sira, liu-liu investor rai-liur sira fiar liu instituisaun ho kredibilidade hanesan IMF no Banku Mundial, do que ita nia dadus no prozesaun sira ne’ebé la kredivel”, afirma Xefi bankada FRETILIN.

Entretantu Orsamentu Jeral Estadu (OJE) tinan 2019 ba MPRM hamutuk USD 380,364 no ba MAP USD 14,709. ety

Add to Comments Here!!!!

error: Content is protected.
Secured By miniOrange
You might also like:
BCTL kria sistema pagamentu eletrónika

Banco Central Timor-Leste (BCTL), kria ona...

Francisco David ofisialmente subtitui matebian Gilman Exposto

Meza Parlamentu Nasionál (PN), iha plenária...

PM Taur apoia partisipasaun TL iha espozisaun Dubai

Maske púbiku kestiona no krítika governu...

Close