JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Krizi polítika-ekonomia dura to’o agora, Ramos Horta: Hún ne’e mai husi PR Lú Olo

Krizi polítika-ekonomia dura to’o agora, Ramos Horta: Hún ne’e mai husi PR Lú Olo

Eis Prezidente Repúblika (PR), José Ramos Horta, deklara, krizi polítika, ekonomia no sosial iha Timor-Leste ne’ebé dura to’o ohin loron ne’e, nia hún lolos mai husi Prezidente Repúblika, Francisco Guterres Lú Olo, ne’ebé la fó pose ba membru Governu husi Aliansa Mudansa ba Progresu (AMP).

“Problema hahú iha aitarak laran (Palásiu Prezidensial) ne’ebé Prezidente (Lú Olo) nia pozisaun, desizaun la fó pose. Ha’u lahatete prezidente laiha razaun, maibe ha’u nia opiniaun mak devia fó pose. Maibe Prezidente iha konviksaun no nia interpretasaun, entaun hahú provoka tensaun ho AMP, liu-liu CNRT mak lakon lobuk ida. Maibe ha’u nu’udar ema ida que esperiénsia liu karik prezidente, idade liu, ha’u hatete, diak liu amu prezidente haree rekonsidera didiak, husik ba Prokurador Jeral Repúblika, husik ba Tribunal sira mak deside se ema ne’e kulpadu ka lae? (Prezidente) fó pose ba ita rezolve problema”,dehan eis PR Horta iha Grande Entrevista GMN TV ne’ebé hala’o iha Bebora, Díli, Segunda (6/1/2020).

Ramos Horta fó hanoin katak, PR Lú Olo mak fó ona pose bele loke dalan ba diálogu hodi hetan konsensu nasional ida ne’ebé PR Lú Olo rasik mak hanesan dada dalan ba konsensu nasional ne’e.

Laureadu nobel da paz ne’e afirma, nia la koalia lor-loron ho líder karismátiku Kay Rala Xanana Gusmão kona ba polítika rai laran nian, tanba Xanana okupadu ho servisu.

“Ha’u la koalia lor-loron ho maun boot Xanana, maibe buat ne’ebé lee, ita rona saida mak nia hatete, ita haree hahalo parlamentu nian husi bankada AMP nian veta viajen prezidente entaun abut mak ida ne’e, ita labele subar fali”,dehan eis Ministru Negósiu Estranjeiru iha primeiru Governu konstitusional ne’e.

Lee hotu :   PD husu líder sira diálogu, CNRT konsidera la presiza

Nia dehan, problema polítika interna ne’ebé la’o ladun diak iha rai laran ne’e la’os tanba arogansia husi líder jerasaun tuan sira.

Ramos Horta mos fó solusaun hodi hakotu krizi polítiku no ekonómiku ida ne’e mak presiza hanoin klean hodi hakiduk mai kotuk hafoin aranka ba oin hodi rezolve pproblema hirak ne’e, liu-liu líder partidu polítiku sira ne’e. Tanba se lae povu mak sai vítima ho hahalok hirak nune’e.

Eis diplomata senior Timor-Leste ne’e mos afirma, ho situasaun rai-laran ne’ebé la’o ladun diak hanesan ne’e Timor-Leste nia adezaun ba ASEAN sei la akontese, kuandu Governu paralizadu.

“Ne’e sei la akontese se Governu paralizadu. Tanba Embaxada sira haree akompaña ne’e influensia tebes. Singapura akompaña 100% situasaun iha Timor. Se ita la rezolve problema polítiku nune’e, ita-nia kolaborasaun, kontribuisaun ba ASEAN saida? Entaun diak liu lalikan tama (ASEAN), tinan lima ka sanulu tan, no se nia responsabilidade? Ne’e Governu aktual, Prezidente Repúblika, no sira ne’ebé oras ne’e kaer poder Estadu. Se mak kaer poder Estadu? Prezidente Repúblika, Parlamentu Nasional no Primeiru Ministru”,dehan Ramos Horta.GMN

Add to Comments Here!!!!

error: Content is protected.
Secured By miniOrange
You might also like:
Mikrolet 94 hato’o pedidu halo sirkulasaun iha area ponte comoro três

Mikrolet 94 ne’e sei sirkula ho...

Prizioneiru na’in ida hakotu iis iha prizaun Becora

Prizioneiru João Baptista da Silva, husi...

FONGTIL : Tinan rua, AMP seidauk bo’ok programa

Diretór Forum Organizasaun Naun Govermental Timor...

Close