OJE 2020 la aprova, implika ba verifikasaun dadus veteranu

Sekretáriu Estadu Asuntu Kombatente Libertasaun Nasionál Gil da Costa Monteiro “Oan Soru” hateten, bainhira Orsamentu Jerál Estadu tinan 2020, la aprova mak sei implika ba verifikasaun dadus Veteranu nian.

Tuir Oan  Soru,  prosesu  verifikasaun  dadus veteranu iha 12 munisípiu inklui Rejiaun Administrátiva Oecussi Ambeno hala’o tiha ona durante fulan rua ho balun hahú  iha loron 15  fulan Outobru no   Novembru to’o  loron 17 fulan  Dezembru tinan 2019, komisaun verifikasaun deside hapara tanba laiha orsamentu.

Tanba ne’e, Oan soru husu ba  sidadaun ne’ebé mak naran tama iha lista verifikasaun, ne’ebé mak  seidauk verifika husi komisaun verifikasaun atu hein ho paSiénsia,  bainhira tinan 2020 aprova.

“Orsamentu aprova ka la aprova nai Parlamentu Nasionál ho Prezidente Repúblika  nian, ne’ebé  orsamentu la aprova   ita bele hapara  verifikasaun, mas  em prinsipiu orsamentu iha  verifikasaun la’o nafatin”,esplika Oan Soru ba  jornalista iha GMN, Bebora, Díli, Segunda (13/1/2020).

Antes ne’e,  komisaun  verifika ona  dadus  rihun sanulu resin hat ho balun, ne’ebé mak rejista iha  Sekretaria Estadu Asuntu Kombatente. No Orsamentu Jerál Estadu tinan 2020, ba  Sekretaria Estadu Veteranu Kombatente Libertasaun Nasional propoin millaun USD 100 resin.avi