JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2020 la pasa iha PN, PM Taur: Hein de’it desizaun husi PR

OJE 2020 la pasa iha PN, PM Taur: Hein de’it desizaun husi PR

Orsamentu Jerál Estadu (OJE) ba tinan 2020 ne’ebé ho montante biliaun USD 1.668 ne’e la passa iha faze jeneralidade iha Parlamentu Nasionál (PN), tanba deputadu CNRT ne’ebé nu’udar parte husi koligasaun AMP maioria fó votu abstensaun no ida kontra.

Hafoin anunsia rezultadu votasaun ba OJE ne’e, Primeiru Ministru Taur Matan Ruak deklara, pozisaun governu ba oin sei hein de’it desizaun husi Prezidente Repúblika Francisco Guterres Lú Olo.

Nune’e, xefe governu ne’e mós apela ba povu hotu, atu mantein paz hodi fó konfiansa nafatin ba governu da-ualu atu ultrapassa situasaun ne’e.

“Agora ita hein mak sua exselensia Prezidente Repúblika, PR akompaña naturalmente debate no desizaun PN nian. Sei konvoka no ita haree took pasu loron hirak tuir mai ne’e oinsa? Maibe hotu-hotu tenke kalma, no fó fiar nafatin. Ita hein took saida mak akontese, bele dala ida tan, tanba desizaun agora fila ba PR, ba EA ka halibur fali partidu sira ne’ebé asentu iha PN, ne’e PR mak hatene ona. Tanba hanesan CNRT nia deklarasaun, sira la kontente ba buat rua, ida tanba sira-nia membru sira seidauk toma pose, ida seluk tanba iha buat balun ne’ebé sira la gosta iha governasaun,”deklara PM Taur Matan Ruak ba jornalista sira, hafoin hiit an sai husi PN, Sesta (17/1/2020)  kalan.

Xefe governu ne’e mós deklara prontu hasoru kualker situasaun ne’ebé xefe Estadu sei deside iha loron hirak tuir mai.

“Governu preparadu hodi simu desizaun saida de’it mak Parlamentu toma, infelizmente ida ne’e mak akontese. Klaru sei iha konsekuensia ida ba ita nia nasaun mak ita sei fila fali ba duodésimu, no duodésimu ne’e hanesan 2017 no 2018 sei lori konsekuensia ba ita-nia vida ekonómiku paíz nian, maibe ne’e normal iha polítika no nasaun demokrátiku.”tenik Taur.

Lee hotu :   Camilo Ximenes: FRETILIN forma governu labele hein Xanana

Eis prezidente Repúblika ne’e mós f’o apelu ba povu tomak, atu kontinua depózita konfiansa ba líder sira, hodi solusiona problema hirak ne’e.

“Ha’u tatoli lia menon ba joven sira no inan aman sira, atu konitnua fi’ar nafatin ba órgaun estadu sira. Ami sei halo esforsu para ita ultrapassa ida ne’e, ho hanoin katak dala di’ak ba dezenvolvimentu mak viabiliza programa no atividades governasaun nian,”dehan PM Taur .

Iha deklarasaun votu, Deputadu bankada PD Mariano Asanami Sabino vota a favor nu’udar deputadu, la’os hanesan Prezidente Partidu Demokrátiku.

 “Ha’u fó livre ba membru sira atu vota tuir konsiénsia. Hanesan deputadu ida ha’u-nia votu  a favor ne’e para maun sira koalia ba malu, respeitu malu, kaer telefone ne’e dere ba koalia ba malu. Tanba ne’e mak ha’u dehan katak, orsamentu ne’e ran Estadu nian. Primeira vez hamutuk ho FRETILIN mak orsamentu ne’e laliu. Uluk ha’u prezide AMP sempre iha enkontru regular iha AMP ida antigu, ne’ebé enkontru regular ne’e importante iha AMP. Husu ba maun sira atu koalia ba malu, maun sira mak aset Estadu nian para ami jerasaun ne’e bele hakat ba oin ho orgullu”,dehan Asanami.

Nune’e mos deputada Olinda Guterres husi bankada KHUNTO husu ba Primeiru Ministru lalikan laran taridu. Tanba koligasaun AMP sei iha tempu atu koalia ba malu. “Halo tok aprosimasaun ba malu, ne’ebé ita sei iha tempu. Ita lalika laran taridu. Ita bo’ot jeneral ida primeira vez foin akontese hanesan ne’e (orsamentu la liu iha jeneralidade)”,dehan Olinda Guterres iha deklarasaun votu ninian.

Prezidente Parlamentu Nasional, Arão Noe Amaral, fó obrigadu ba Primeiru Ministru no membru Governu sira-nia pasiensia hodi diskute OJE ne’e no bele simu desizaun plenária ne’e ninian. “Husu deskulpa ba desizaun ne’ebé Parlamentu toma ba proposta de lei orsamentu 2020. Ha’u hein katak ita esforsu nafatin para labele husik Estadu ne’e monu ba iha krizi ekonomia, krizi finanseira. Ha’u husu ba Primeiru Ministru hanesan lider máximu no mos kombatente ida halo esforsu para buat sira ne’e bele la’o diak fila-fali”,dehan Prezidente PN Arão Noe.

Lee hotu :   Sistema demokrasia iha TL sai ezemplu ba mundu

OJE 2020 biliaun $1.668 ne’e hetan votus a favor 13, kontra 15 no abstensaun 25, maibe iha deputadu 12 mak marka prezensa wainhira halo votasaun ba OJE 2020 ne’e rasik.say

 

Add to Comments Here!!!!

error: Content is protected.
Secured By miniOrange
You might also like:
Asosiasaun HAK: Deputadu sira sosa kareta foun fó benefísiu ba kompañia

Adjunto  Diretór Asosiasaun HAK, Sisto dos...

Ramos Horta: Juventude mak autór ba lixu

Eis Prezidente Repúblika no Lauereadu Nobel...

PM Taur husu hadia lei fó dalan ba emprezáriu lori Governu ba Tribunal

Primeiru Ministru, Taur Matan Ruak, husu...

Close