OJE sumba la hamate funsionamentu PN

Vise Xefe bankada FRETILIN, Francisco Miranda Branco informa, Orsamentu Jerál Estadu (OJE) ne’ebé la pasa no sumba iha Parlamentu Nasionál (PN), sei la hamate funsionamentu iha PN, tanba ne’e, deputadu sira iha bankada parlamentares hein de’it Prezidente PN atu konvoka reuniaun líder bankada hodi prepara ajenda ba plenária.

“ To’o agora seidauk iha konvokatóriu atu halo ajenda ruma, Parlamentu ne’e sei normal hela, deputadu sira halo hela servisu iha sira-nia komisoens. Agora sei bele iha plenária, tanba ne’e hein de’it konvokatóriu husi PPN, atu halo ajenda”, afirma Deputadu Branco ba GMN, iha PN, Tersa (21/01/2020) ne’e.

Iha sorin seluk, relasiona ho situasaun polítika atúal, GMN tenta halo konfirmasaun ho Prezidente Parlamentu Nasionál, Arão Noe de Jesus da Costa Amaral, maibé ho hamnasa líder segundu órgaun soberanu ne’e resposta katak,  nia parte hateten, iha situasaun nune’e lakohi komenta.Say