JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ezije Governu rezolve problema projetu 143

PN ezije Governu rezolve problema projetu 143

Deputadu bankada CNRT, Domingos Carvalho de Araújo, husu VIII Governu Konstitusional, atu rezolve ona problema projetu 143 ne’ebé seidauk hetan pagamentu 100%, hodi afeita ba empreza sira-nia destinu.

“Projetu 143 ne’e, ita prevê ona nia orsamentu, maibé tanbasá mak labele selu no tanba saída mak labele fó kontratu ba kompaña sira ne’ebé mak servisu hotu ona, tanba problema sira hanesan ne’e, kompañia na’in sira balun mós divorsíu ho sira-nia kaben, tanba kareta ema foti nia uma, ema foti moos hotu, Governu ne’e nia hanoin ne’e tau iha ne’ebé, ne’e mak deve nafatin emprezáriu sira ne’e”, kestiona deputadu komisaun E ne’ebé trata asuntu infraestrutura ne’e, durante diskusaun OJE tinan 2020 iha faze jeneralidade loron daruak nian, Kinta (16/01/2020).

Deputadu Carvalho haktuir, ho problema sira ne’e hotu, afeita mós ba loja sira-nia reseitas tama, lahanesan ho tempu sira anterior, tanba reseitas husi ema sosa menus tebes.

“ Ita haree agora ne’e, iha loja bo’ot sira mós kestiona, uluk hatama reseits kuaze USD 2 mil kada loron, maibé agora atu hatama de’it USD 800 de’it mós defisíl, nune’e, hamate ita-nia traballadór sira ne’ebé ba servisu iha loja, oinsa mak sira-nia vida kontinua moris di’ak, bainhira governu deve ladauk fó. Ema servisu hotu ona, atu halo pagamentu, maibé kontratu laiha, entaun oinsa buka meius para fó kontratu ba sira”, tenik Domingos.

Hatán ba asuntu ne’e, Primeiru Ministru, Taur Matan Ruak, deklara, governu sei halo esforsu maka’as atu rezolve hotu problema refere, maibé kompromete sei fó esplikasaun klaru liu iha faze espesialidade.

Entertantu, tuir informasaun ne’ebé GMN asesu, husi projetu 143 ne’e, iha projetu 98 mak iha kontratu, no projetu 95 mak konsege halo ona pagamentu, husi projetu sira ne’ebé iha kontratu, maibé balun seidauk sei iha prosesu verifikasaun, tanba  laiha kontratu.

Lee hotu :   MTK Agostinho: Ha’u iha koñesimentu kona-ba ligasaun internet ilegál ne’e

No projetu 143 ne’e, aprova husi Konsellu Administrasaun Fundu Infraestrutura (KAFI), iha tinan 2017.

Maske nune’e, projetu hirak ne’ebé laiha kontratu, sei iha faze avaliasaun, maibé iha prosesu tékniku, iha legalidade ne’ebé iha posbilidade atu halo pagamentu.

Antes ne’e mós, membru Parlamentu Nasionál, konsege kria Komisaun Inkéritu Parlamentár (KIP), hodi halo fiskalizasaun ba kualidade projetu 143 ne’ebé aprova husi KAFI.say

Add to Comments Here!!!!

error: Content is protected.
Secured By miniOrange
You might also like:
Tinan 2019 MP rejista kazu krime hamutuk 4988

Prokurador Jeral Repúblika (PJR), José da...

FRETILIN prepara ona proposta 30 hodi altera OJE 2020 ■CNRT lakohi fó komentáriu

Vise Xefe bankada FRETILIN, deputadu Francisco...

Horta sadik Taur litik Governante hatudu progresu servisu

Eis Prezidente Repúblika (PR), José Ramos...

Close