JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN konsidera polítika Governu impede kualidade iha UNTL

PN konsidera polítika Governu impede kualidade iha UNTL

Deputadu Komisaun G, ne’ebé trata asuntu edukasaun, juventude no desportu, Francisco Miranda Branco, konsidera, polítiku sira halo polítika hodi impede fali Universidade Nasional Timor-Lorosa’e (UNTL) atu garante kualidade edukasaun ba estudante sira, tanba rekruta estudante ho númeru ne’ebé bo’ot, liu-liu iha polítika rejime espesial.

“Ita ko’alia kona-bá kualidade, maibé iha parte seluk ita impata  tiha kualidade edukasaun, realidade mak ida ne’e, polítiku sira mak sala, polítiku sira mak define tiha planu estratejiku dezenvolvimentu ba ema, maibé iha tinan hirak nia laran ne’e ita haree investe ba sasán de’it. Ita tenke tau prioridade uluk ba ema, depois segundu mak sasán, Estadu  Timor-Leste tenke ultrapassa situasaun ida ne’e, labele fó sala fali ba universidade sira, tanba universidade nia kapasidade mak ida ne’e, rasio estudantes no professors. Ne’eduni tuir kualidade ne’e impossível tebes, bainhira la’o nafatin ho situasaun ida hanesan ne’e, tanba ne’e polítiku sira mak tenke define polítika ida di’ak, realidade ita-nia país nian, ita-nia sistema ensinu ne’e hakarak oinsa loos, karik hakarak domina siensia teknólojia, maibé realidade ita la domina.

Ezemplu mákina oan ruma aat de’it, ita laiha ema atu hadi’ak, ne’e moe bo’ot, ki’ik bo’ot ita tenke ba rai liur”, kestiona deputadu FRETILIN durante audiénsia ho UNTL, Kuarta (08/01/2020).

Deputadu opozisaun ne’e salienta, maske Governu ezije ona kualidade, maibé iha asaun no implementasuan polítika seidauk sériu hodi forma rekursu nu’udar númeru primeiru ne’ebé prioridade liu iha prosesu dezenvolvimentu.

Tanba iha era globalizasaun, kampu traballu presiza tebes kualidade edukasaun.

“ Kampu traballu ezije kualidade husi ita-nia ensinu tékniku no vokasional sira, maibé Timor-Leste sei iha problema ida bo’ot, tanba ita la sériu hodi forma ita nia rekursu iha edukasaun, maibé ita iha mak fa’an no sosa diploma ne’e, lamentável tebes”, tenik Branco.

Lee hotu :   Kazu tubaraun, PR Lú Olo orienta PGR atua ho kompetensia

Iha biban hanesan, deputadu bankada PD, António da Conceição mós sujere ba UNTL atu simu estudante tuir determinasaun númeru, bazeia mós kondisaun real ne’ebé iha.

“ Akumula númeru estudante iha UNTL tenke ajusta mós ba realidade ne’ebé mak iha, em termus infra-estrutura, ita labele hanoin de’it produz 17 mil, ensinu sekundáriu ne’ebé remata, depois ita hakarak sira tama hotu iha UNTL, ne’e la’os, se nune’e di’ak liu hamamuk tiha PN ho Palásiu Governu para estudante sira halo estudu, maibé fatin sira ne’e mak mellora uluk, depois UNTL laiha kondisoens. Tanba ne’e, rejime espesial ho rejime jerál bele determina númeru estudantes ne’ebé mak UNTL atu simu, se di’ak liu UNTL bele lori estudante ba iha fakuldade ne’ebé mak bele preparadu atu kompete iha kampu servisu ninian, ida ne’e prioridade ida ne’ebé mak bele determina, nune’e bele ajuda mós Governu atu bele rezolve problema ida dezempregu ne’e, tanba ita iha problema ida mak abilidade, no kapasidade skill laiha, hanesan IPB, no Hera ne’e mak presiza reforsa númeru estudantes”, rekomenda xefe  bankada PD ne’e.

Responde ba asuntu hirak ne’e, reitor UNTL, Francisco Miguel Martins mós rekoñese, polítiku sira nia ezijensia ho asaun diferente, maibé UNTL sei kontinua esforsu atu garante nafatin kualidade, liu husi halo jestaun tempu ba estudante sira.

“ Tinan ne’e UNTL atu simu 3 mil de’it, ne’ebé metade husi tinan kotuk ninian, prosesu asesu ba UNTL, tinan ne’e UNTL la responsabiliza, maibé responsabiliza husi ita-nia Governu, liu husi ensinu superior siensia no kultura mak halo diploma ministerial ida,  kona-bá prosesu ne’e kompetensia ministériu nian, komisaun organizadora simu estudante foun mós ministériu ensinu superior mak halo iha nia okos rasik, UNTL simu buat ne’ebé ta’is mós ona husi MESSK, tanba ne’e, ami instituisaun téknika, ami respeita tanba universidade governu nian, bainhira governu halo regularizasaun seluk, UNTL implementa polítika ne’ebé mak regula tiha ona liuhosi diploma ministerial. Maske diploma ministérial ne’e mós la diskute uluk ho UNTL, maibé diskute uluk ho entidades Estadu  nian balun, tuir loloos ministru ensinu superior ne’e tenke iha hela de’it UNTL, tanba ne’e governu ninian, duke fó importânsia liu ba universidade privada”, afirma Retór UNTL ne’e.

Lee hotu :   Kazu hapara funsionáriu kontratadu 273, KFP submete ona pareser ba PM

Miguel akresenta, nia parte ho estrutura tomak UNTL ho esforsu maka’as atu kontinua garante kualidade, maske tinan kotuk liuba UNTL konsege simu estudante ho númeru ne’ebé bo’ot tebes.

“Estrutura UNTL ne’e rigor hodi halo jestaun ba sala de aulas, depende mós númeru aulas no dixiplina ne’ebé iha, departamentu ida alunus hira, depois fahe ba klasse hira-hira, ba klasse paralelos, ida ne’e mak akontese iha UNTL, tanba ne’e, dehan espasu lato’o depois alunu sira balun hamriik ne’e la’e, nunka akontese, tanba ita implementa ho loloos no responsabilidade.”dehan Martins.

Maske nune’e, akadémiku ne’e konkorda ho sujestaun husi deputadu sira ne’ebé ho interese atu garante kualidade edukasaun.

“Konkorda tebes ho sujestaun deputadu António da Conceição nian, presiza duni halo peskiza ida, maibé ita-nia Estadu  no governu seidauk konsidera fundu universidade ne’e nia natureza oin seluk ho instituisaun públiku sira seluk iha TL, maibé alokasaun orsamentu ne’e mak, parte polítika seidauk tasak loloos haree ba edukasaun, hodi investe ba edukasaun ida kualidade, tanba ne’e mak ita-nia edukasaun sei la’o tuir realidade”, salienta Francisco.

Nune’e, ba tinan 2020, UNTL sei simu de’it estudante rihun 3, metade husi númeru tinan kotuk nian.say

Add to Comments Here!!!!

error: Content is protected.
Secured By miniOrange
You might also like:
CAC la tauk investiga líder nasionál ne’ebé komete korrupsaun

Komisáriu Comissão Anti Corrupção (CAC), Sergio...

PM orienta ekipa interministerial uza Fundu Kontijensia apoia vítima dezastre naturál

Primeiru Ministru (PM), Taur Matan Ruak,...

Xefe Suku Madohi husu komunidade halót ona sasan kro’at

Xefe Suku Madohi Beranadino de Cristo...

Close