PR Lú Olo hahu rona CNRT, KHUNTO no UDT

Prezidente Repúblika (PR),  Francisco Guterres Lú Olo, hahu  Kinta (23/01), ohin, rona partido politiku sira nebe hetan asentu iha Parlamentu Nasional antes foti dezisaun ba impasse politiku nebe nasaun nee infrenta.

Iha loron dahuluk nee,  Xefe Estadu  rona uluk opinaun husi Partido Congresso Nasional Reconstrucção Timorense (CNRT),  KHUNTO iha parta dadersan no partido União Democratico Timorense (UDT)/ Frente Mudansa iha parte lokraik.

Tuir infromasaun nebe redasaun Jornal Nacional Diario asesu husi fonts balu CNRT nian katak katak Prezidente Partido CNRT, Kay Rala Xanana Gusmão iha possibilidade boot sei la partisipa iha enkontru ho Xefe Estadu nee.

Tuir  Konstituisaun Repúblika, liuhusi númeru 1, artigu 74,   fó  kbiit ba Prezidente Repúblika atu kaer metin unidade Estadu nian no  funsionamentu normal instituisaun demokrátika Estadu nian,  hanesan Parlamentu Nasional no Governu.

Nunee Prezidente Repúblika  konvida uluk líder  partidu  polítiku ho ida-idak nia bankada parlamentar, atu rona ida-idak  ninia hanoin no proposta-solusaun kona-ba  situasaun polítiku-konstitusionál nebe nasaun nee hasoru ohinloron.

Alen de rona partidu politiku sira, Prezidente Repúblika mos sei rona mós titulares, eis-titulares, juristas, konfisoins relijiozas, akadémikus, emprezárius no  organizasaun sosiedade sivíl no ikus liu reuniaun Konsellu Estadu antes toma dezisaun.rau