JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Programa 5 sai prioridade ba VIII Governu ■FONGTIL: Governu la sériu hadia povu nia moris

Programa 5 sai prioridade ba VIII Governu  ■FONGTIL: Governu la sériu hadia povu nia moris

Primeiru Ministru (PM), Taur Matan Ruak, hateten, Orsamentu Jerál Estadu (OJE) tinan 2020, sei fó prioridade ba programa importante 5 ,ne’ebé VIII Governu trasa ona.

“Prioridade governu nian ba tinan 2020, liu husi proposta Orsamentu Jerál Estadu (OJE) atu finansia programa VIII governu konstitusionál iha tinan fiskál 2020 iha setór 5 maka define ona nu’udar prioridade prinsípal mak hanesan kapital sosiál,dezenvolvimentu ekonómiku,hadia konektividade nasionál,konsolidasaun no hametin seguransa no relasaun  esterna no hametin justisa demokrásia no deireitu humanu” Primeiru Ministru Taur Matan Ruak,hatete lia hirak ne’e,hafoin aprezenta proposta Orsamentu Jerál Estadu (OJE) 2020,iha Parlamentu Nasionál (PN), Kuarta (15/01).

Primeiru Ministru Taur Matan Ruak, iha nia diskursu hateten, Orssamentu Jerál Estadu (OJE) ne’e, atu finansia programa VIII governu konstitusionál , iha tinan fiskál 2020, iha setór 5 ne’ebé defini ona, nu’udar prioridade prinsipal.

Programa prioridade lima ne’ebé sei implementa , iha tinan ida ne’e mak hanesan, kapitál sosiál  dezenvolvimentu ekonómiku, hadia konetividade nasionál, alénde konsolidasaun, hametin seguransa no relasaun sterna, hametin justisa demokrásia no deireitu humanu.

Programa no medida foun sira husi kapitál sosiál ne’e inklui halo uma ba veteranu, investe iha bee no saneamentu, konstrusaun torre, ba transmisaun televizaun, sosa ambulánsia, konstrusaun ba eskola, no sala de aula, inklui konstribuisaun ba seguransa sosiál.

Nune’e mós investe iha ekonómia no finansas públika,iha setór ne’e sei fasilita investimentu setór privadu , kriasaun kampu servisu, suporta setór agrikultura, Expo Dubai,subsídiu ba grupu kooperativa no subsídiu ba grupu feto iha área rural.

Alénde hadia konetividade nasionál , atu kria infra-estrutura, lojístika sosa ró nakroma 2 ,no provizaun servisu foun aviasaun sívil, konsolidasaun no hametin defeza seguransa no relasaun sterna, suporta polísia komunitária, polisía fronteira no sosa ró. Programa dalima mak konsolidasaun, hametin justisa , demokrásia no direitu umanu iha Timor- Leste.

Lee hotu :   Governu desvia programa ho OR, Opozisaun insiste la apoia

Governu nia polítika ne’e , bazeia ba Planu Estratejiku Dezenvolvimentu Nasionál ,(PEDN) ne’ebé implementa liu husi Orsamentu Jerál Estadu (OJE) kada tinan.

FONGTIL: Governu la sériu hadia povu nia moris

Fórum Organizasaun Naun Governa mentál TimorLeste (FONGTIL) konsidera VIII Governu Konstituisionál ne’ebé lídera husi Primeiru Ministru, Taur Matan Ruak, laiha seriedade hadia povu nia moris, tanba Orsamentu Jerál Estadu (OJE) tinan 2020 ho montante biliaun USD 1.668 Governu la investe bo’ot iha setór produtivu hanesan edukasaun saúde no agrikultura inklui be’e no saneamentu.

“Ita-nia povu maioria moris husi vida agrikultura, problema edukasaun kontinua eziste iha rai-laran inklui problema atendimentu saúde sei hasoru dezafiu inklui infraestrutura báziku, be’e no saneamentu sai kestaun bo’ot, maibé iha OJE 2020 governu la tau prioridade ba setór hirak ne’e”,kestiona Diretór Ezekutivu FONGTIL, Daniel dos Santos Carmo, ba JN-Diário Kuarta (15/01/2020), iha Kaikoli, Díli.

Diretór FONGTIL ne’e afirma, ida ne’e demonstra katak VIII governu abandona setór produtivu sira “Kuandu la investe agora ita sei hasoru dezafiu iha futuru, liu-liu edukasaun. Bainhira ita la investe mak kualidade rekursu umanu iha futuru sei sai problema. Tanba ne’e governu tenke konsidera,setór edukasaun saúde agrikultura no infraestrutura sai setór produtivu ne’ebé presiza investe osan bo’ot.”nia dehan.

 “VIII governu ladun fó importánsia ba investimentu iha setór produtivu. Ida ne’e atu hatete katak, programa VIII governu ne’ebé hatete setór produtivu sai prioridade maibé iha istória OJE 2020 nian setór produtivu kuaze governu abandona. Ida ne’e ita labele halo buat ida no labele hadia povu nia moris se wainhira ita la investe orsamentu bo’ot ba setór produtivu ”, informa Daniel.

Lee hotu :   20% edifisiu KFP la diak

Nia haktuir, problema be’e mos no saneamentu sai problema dezde Timor-Leste restaura nia independensia to’o agora. FONGTIL preokupadu no triste liu mak iha OJE 2020 ne’e, Governu halo redusaun maka’as iha setór be’e no saneamentu, ida ne’e hatudu povu matan mos hodi haree ba alokasaun OJE 2020 ne’ebé la haliis ba problema sosiál no setór produtivu iha rai-laran.

 “Ita haree governu la sériu tanba iha proposta OJE, Governu foti modelu hanesan Timor-Leste Nasaun ne’ebé dezenvolvidu, hodi tau osan ba bens no servisu mak bo’ot ho intensaun atu selu ema, maibé osan atu ema halo servisu laiha. Ita nasaun sub-dezenvolvidu maibé ita halo hanesan nasaun ne’ebé dezenvolvidu”.Daniel preokupa.Tos/Fel

Add to Comments Here!!!!

error: Content is protected.
Secured By miniOrange
You might also like:
Uza motor Estadu iha loron feriadu, MP aplika prizaun fulan 6 ba BG

  Ministériu Públiku (MP), liu husi...

Komunidade ne’ebé hela iha rai protejidu prontu koopera ho Governu

Komunidade sira ne’ebé dadaun ne’e konstroe...

Manuel Tilman: TL labele ansi atu iha moeda rasik

Eis deputadu Primeira Lejislatura, Manuel Tilman,...

Close