JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Rezultadu ezekusaun exselente, maibé povu kontinua halerik

Rezultadu ezekusaun exselente, maibé povu kontinua halerik

Deputadu bankada PD, Adriano do Nascimento kestiona, rezultadu ezekusaun Orsamentu Jerál Estadu (OJE 2019) exselente, maibé povu iha baze kontinua halerik ba eletrisidade, estrada no bee moos.

“Atinjimentu ida ne’e, estatístikamente korreto, administrativamente aprezentadu no arkivadu, maibé kestaun kualidade de obras no benefísiu direita ba povu sai kestaun, tanba povu iha Aldeia no Suku lubuk mak seidauk asesu ba eletrisidade, estrada, bee moos no saneamentu to’o agora, maske governu tau ona osan iha nia planu orsamentu 2019 nian. At liutan, povu iha Covalima, iha ha’u nia rain moris fatin, taa malu tanba de’it bee moos, hodi hatutan sira-nia moris iha 2019. Ki’os, loja no restaurante lubuk ida mak ema la ba hodi sosa sira-nia produtu, maske loke hodi hein loron tomak, inklui empreza lubun ida mak taka ona sira-nia negósiu, tanba osan laiha atu selu traballador”, hateten deputadu Adriano iha diskusaun OJE 2020 ba dahuluk nian, Kuarta (15/01/2020).

“Kestaun seluk, universidade privadu no públiku produz lisensiatura no mestradu lubun bo’ot, maibé intelektual sira ne’e, seidauk hetan servisu, husi oportunidade servisu ne’ebé mak Governu AMP promete. Infelizmente VIII Governu hapara funsionáriu kontratadu lubun ida, nomeadamente iha ministériu edukasaun  270 resin, iha ministériu saúde 190 resin, inklui mós iha ministériu sira seluk, maske funsionáriu sira ne’e servisu tinan 4 ba leten, no balun servisu tanba hetan bolsa estudu husi Governu. Estatístikamente ezekusaun exselente, maibé tanba saída mak empreza lubun ida mak taka nia negósiu, tanba ema la sosa produtu ne’ebé iha, Suku no Aldeia lubun mak sei halerik, tanba sa mak governu sei deve nafatin empreza balun nia osan, hanesan husi kompaña ETO, SAKOM ho montante juta USD 60.6, ba servisu EDTL, deve mós kompañia barak ne’ebé hetan ajudikasaun direita, inklui projetu USD 143 balun ba eletrisidade no seluktan ne’ebé kuaze juta USD 500 resin”, akresenta deputadu PD ne’e.

Lee hotu :   Pozisaun ne’ebé iha temporáriu, líder sira tenke buka tuir Xanana

Membru Parlamentu Nasionál ne’e mós preokupa ho destinu Estadu no povu Timor-Leste ne’ebé kontinua depende ba Orsamentu Jerál Estadu.

“Kestaun seluk kona-bá reseitas Estadu nian, Estadu Timor-Leste sei iha dezafiu bo’ot, hodi sustenta povu no nasaun nia moris iha futuru, tanba líder polítiku sira ne’ebé ka’er ukun hatoman an halo polítika estrutura orsamental ho natureza estrutura konsume mais, duke produz, ne’e signifika, polítika orsamental Estadu nian, hatúr de’it iha konsetu konsumista, hodi fornese subsídiu, viajen estranjeiru, akizisaun, bens no moveis, no seluk-seluk tan, duke hatúr iha business oriente, tanba to’o agora ita-nia reseitas ne’ebé bo’ot liu mak mai husi mina, bayu undan, infelizmente produsaun gás tun ba bebeik, reseitas ne’ebé ita simu mós mihis dadauk iha ita-nia liman. Ita-nia gas iha GS seidauk produz buat ida, no pipeline atu dada mai TL seidauk hahú, maske TL sosa ona ativu”, subliña Nascimento.

Entertantu, orsamentu jerál Estadu tinan 2019 ne’ebé ho montante billaun USD 1.4, VIII Governu konsege ezekuta to’o 84%.say

Add to Comments Here!!!!

error: Content is protected.
Secured By miniOrange
You might also like:
FRETILIN husu PM buka reseita alternativa ba TL ■CNRT silénsiu iha debate OJE 2020

Deputadu bankada opozisaun FRETILIN, Antoninho Bianco,...

PD: Inkonsisténsia líder AMP afeta ba dezenvolvimentu nasionál

Deputadu opozisaun PD, Adriano do Nascimento...

Fó seguransa ba FM, Governu sei sosa Ró rua ba F-FDTL

Governu da-ualu planeia ona atu sosa ...

Close