JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana oin hahú debate proposta OJE 2020

Semana oin hahú debate proposta OJE 2020

Parlamentu Nasionál (PN), termina ona faze dahuluk diskusaun proposta Orsamentu Jerál Estadu (OJE 2020), ne’ebé halo audiénsia ho membro VIII Governu Konstitusional, inklui instituisaun estadu sira seluk, hodi halo aprenzentasaun relatóriu ezekusaun no programa ho polítika proposta OJE 2020 nian ne’ebé ho montante biliaun USD 1.668.

Tuir ajenda ne’ebé Parlamentu Nasionál prepara, sei hahú diskusaun faze jeneralidade durante loron tolu, hahú husi loron 15 to’o 17 diskusaun iha faze jeneralidade, no iha loron sanulu, hahú husi loron 20 to’o 30 fulan Janeiru ne’e, tama faze diskusaun iha espesialidade.

Prezidente Komisaun E ne’ebé trata asuntu infraestrutura, Abel Pires, hateten, durante diskusaun, governante sira  halo ona aprezentasaun lubuk kona-bá redusaun montante orsamentu kada ministériu, ne’ebé antes ne’e Primeiru Ministru, Taur Matan Ruak, deside retira iha PN, tanba konsidera montante bo’ot demais biliaun USD1.950,

Tanba ne’e, membru PN ne’e afirma, tama diskusaun faze jeneralidade sei diskute detalla de’it, kona-bá oinsa bele implementa orsamentu refere iha tinan 2020 ne’e.

“Redusaun kompara ho orsamentu ka redusaun kompara ho orsamentu ne’ebé 2020 tinan kotuk ami debate, agora barak liu ema hanoin redusaun ne’e kompara ho orsamentu ida liu ba ne’e, ne’e hotu sofre ba redusaun, eseptu Parlamentu Nasionál nian, tanba PN nia antes ne’e redus kedas, tanba ministériu barak mak sa’e, balun to’o 70%,  balun 40%, ida ne’e mak tenke redus”, hateten deputadu PLP ne’e ba jornalista sira iha PN, Sesta(10/01/2020).

Abel Pires afirma tan, iha diskusaun faze jeneralidade, PN sei foka liu ba oinsa ezekuta programa tuir planu ne’ebé loloos, no ba nesessidade Estadu no povu Timor-Leste nian, la’os ba pessoal.

Lee hotu :   FRETILIN manan sei dezenvolve sistema edukasaun no saude ho moderno

“Agora dadauk ne’e ita-nia problema la’ós ona montante, tanba montante loloos ne’ebé atu foti husi fundu petrolíferu ne’e USD 1.4 de’it, aumenta ho saldo iha ZEESM ne’e mak sa’e ba biliaun USD 1.668 ne’e. Tanba ne’e, agora ne’e ami nia haree liu-liu ne’e ba implementasaun programa ho loloos”, tenik Pires.

Entertantu, montante orsamentu jerál Estadu ba tinan 2020 ne’ebé antes ne’e governu aprezenta biliaun USD 1.950 ne’e, konsege reduz to’o biliaun USD 1.668, ne’ebé kompostu husi saláriu vensimentu millaun USD 235,610, bens servisu millaun USD 582,300, transferénsia públika millaun USD 329,706, inklui kapital menor millaun USD 31,548 no kapital dezenvolvimentu governu propoin dólar amerikanu USD 488,837.

Iha proposta anterior ne’ebé retira iha PN, ba saláriu vensimentu, governu propoin millaun USD 243.3, bens servisu millaun USD millaun 727.6, transferênsia públika millaun USD 469.8 inklui kapital menor millaun USD 52.2 no kapital dezenvolvimentu millaun USD 452.2.Say

Add to Comments Here!!!!

error: Content is protected.
Secured By miniOrange
You might also like:
MEJD ezekuta ona OJE 2019 porsentu 98.4

kalrifika, Ministériu Edukasaun Desportu no Joventude...

Sara Lobo Brites: Governu kontinua realoka orsamentu hodi selu projetu 143

Ministra Finansas (MF) interina, Sara Lobo...

OJE 2020 SEA nian redus ba millaun USD 1.8

Orsamentu Jeral Estadu 2020 ba Sekretariu...

Close