JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

 Reativa GAM KORK – PSHT agradese Governu

 Reativa GAM KORK – PSHT agradese Governu

Organizasaun arte masial rua, Kmanek Oan Rai Klaran (KORK) no Persaudaraan Setia Hati Trate (PSHT) agradese ba governu, tanba  reativa ona Grupo Arte Marsial tolu nebe durante nee governu haruka taka.

Arte marsial sira nebe governu reativa maka KORK, IKS no PSHT.Oganizasaun tolu nee uluk governu hakruka taka, tanba  involve krime nebe mosu iha rai laran hodi halo povu paniku.

Responsável máxímu Kmanek Oan Rai Klaran (KORK), José dos Santos “Naimori Bucar”, hatete nia parte  prontu kumpri Lei no Orden ne’ebé governu hatun hodi reativa arte marsiais tolu nebe antes nee taka.

 “Ami sei kumpri nafatin lei no orden ne’ebé governu hatun, joven sira tenki haree malu hanesan maun alin governu, hadomi ita hodi reativa artemarsiais ne’e ita tenki kria paz no dame atu partisipa iha ita nia dezenvolvimentu hodi kontribui ba ita nia Estadu ne’e atu hakmatek hodi bele halo buat hotu diak”,dehan Naimori Bucar ba JNDiário, Kinta (20/02) iha Díli.

Nia promote sei buka tempu hodi organiza arte marsial sir aba halo juramentu iha Ramelau hodi kuidadu malu hanesan maun ho alin.

“Hau buka tempu para atu bele organizasaun hotu-hotu, ita hotu-hotu ba halo juramentu ida iha Ramelau atu nune’e ita oan sira ne’e bele kuidadu malu hanesan joven ida ne’ebé ba futuru rai ida ne’e hau hakarak kombina sira hodi sai belun ida ne’ebé diak labele haree ba organizasaun ita sobu malu, labele haree ba organizasaun para ita fahe malu ne’e sala, maibe organizasaun ne’e parte asegura de’it ita, tamba ne’e hanesan desportu ida, maibe laos uza ida ne’e hodi estraga no destroi malu ne’e sala”, dehan  Naimori Bucar.

Lee hotu :   OJE 2018 SEI KOBRE TINAN TOMAK

Responsavel KORK nee agradese ba Primeiru Ministru, tanba bele hola inisiativa, aprezenta proposta rezolusaun hodi reativa Grupu Arte Marsiais, no revoga tiha rezolusaun anterior.

“Hau louva tebes ita nia Primeiru Ministru Taur Matan Ruak ne’ebé reativa fila-fali artemarsiais 3 ne’e,atu nune’e Estadu bele halo lei ida hodi regula no governu bele kontrola ba artemarsiais hotu-hotu laos ba 3 ne’e de’it, maibe ba hotu kumpri ba lei hodi servisu hamutuk ho ita nia Estadu hodi bele hala’o dezenvolvimentu ba ita nia povu no nasaun ida ne’e”,dehan Naimori Bucar.

Nia mos promote sei koordena ho artemarsiais Ikatan Kera Sakti IKS, Persaundaraan Setia Hati –PSHT, hamutuk hodi kontrola membru sira, hodi bele kontribui ba estabilidade iha rai laran.

“Ita labele uza artemarsiais ne’e hodi destroi fila-fali  ita nia amizade,ita nia liberdade ,destroi ita nia governu ,ita nia estadu ida ne’e ,maibe joven sira tuir artemarsiais ne’e atu asegura ita nia an,iha momentu ema hanoin at ruma,naokten ruma,atu estraga ita nia an mak ita bele uza hodi bele salva ita nia an no ba estadu  ne’ebé presiza polísia no F-FDTL ema ne’ebé tenki hatene bela diri no bela diri atu destroi fila-fali malu ne’e laos””Naimori Bukar”esplika.

Nunee mos Prezidente Persaudaraan Setia Hati Trate, Pedro Aparício, agradese ba governu Oitavu Governu ne’ebé reativa ona atividade Grupu Arte Marsiál nian.

“Ami agradese boot ba Governu ida ne’e tanba ho fuan boot bele reativa”,dehan Pedro Aparício.

Nia parte promete sei kumpri regras sira nebe Estadu eziji atu arte marsial sira nee tuir.

“Ami mos sei kumpri regras sira ne’ebe maka ita nia Estadu eziji, ami sei rejista buat sira ne’e para buat sira ne’e lao tuir regra,” dehan, prezidente PSHT.

Lee hotu :   TR simu lista kandidatura partidu koligasaun no individu 10

Sosiedade Sivil konkorda

Iha parte seluk, FONGTIL konkorda governu reativa ativida  grupu arte marsiais, PSHT, Kera Sakti ho KORK, ne’ebé governu taka iha tinan 2013.

Diretúr Ezekutivu Forum ONG Timor-Leste-FONGTIL,Daniel do Carmo,  hatete, governu  presiza fó atensaun ba arte marsiais 3 hanesan Ikatan Kera Sakti(IKS) Persaundaraan Setia Hati (PSHT)  no Klibur Oan Timor rai Klaran(KORK) atu nune’e artemarsiais sira hala’o atividade lorloron bele organizadu.

“Hau konkorda governu reativa hikas artemarsiais ,maibe hau husu ba governu tenki kontrola didiak liu husi rejistu artemarsiais hotu iha Timor-Leste,presiza rejistu fatin treinamentu ka atividade,tenki deside mestre ida atu hanorin artemarsiais sira nia atividade loro-loron,tamba laiha hirak ne’e ita dezafia”Daniel hatete.

Daniel ,mós konsidera, Governu re-ativa artemarsiais ne’e, nu’udar dalan ida ne’ebé di’ak, tanba bele fasil liu ba instituisaun, halo kordenasaun ho federasaun organizasaun sira ne’e.

Iha tinan 2013, Konsellu Ministru hasai rezolusaun governu númeru 16/2013 kona-ba estinsaun GAM no determina estinsaun ba grupu Persaudaraan Setia Hati Terate (PSHT), Ikatan Kera Sakti (IKS) no Kmanek Oan Rai-Klaran (KORK), hodi bandu totál ba kualkèr atividade.

Nunee mos lei númeru 5/2017,  19 Abríl kona-ba rejime jurídiku prátika Arte-Marsiál no Rituál sira, Arma Branka, inklui Rama Ambon no Kinta alterasaun ba Kódigu Penál nebe Parlamentu Nasionál (PN) aprova iha loron 6 fulan Marsu 2017 no Prezidente Repúblika promulga iha loron 12 fulan Abríl 2017.

No Iha tinan-2017 nia laran, PN atualiza lei númeru 5/2017 kona-ba atividade Arte-Marsiál ho finalidade harii Komisaun Reguladór Arte-Marsiál KRAM ne’ebé tutela ba Sekretaria Estadu Juventude no Desportu. Tos/aba.

Add to Comments Here!!!!

error: Content is protected.
Secured By miniOrange
You might also like:
Embaixadór Xina ba TL: Hahán husi Xina iha TL la transmite COVID-19

Embaixadór Xina ba Timor-Leste (TL), Xiao...

Estranjeiru iha BI-Passaporte TL, MJ sei investiga servisu notariadu

Ministru Justisa Manuel Cárceres, promete, sei...

Ohin, Bolseiru Timor-oan 17 to’o iha TL

Sekretáriu Jeral Ministériu Negósiu Estranjeiru no...

Close