JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Angelina Sarmento: Kompozisaun meja PN tenke hili foun

Angelina Sarmento: Kompozisaun meja PN tenke hili foun

Primeira Vise Prezidente Parlamentu Nasionál, Maria Angelina Sarmento deklara, nia parte ho Vise sekretária 2 ne’ebé nomeia husi bankada PLP, sei la rejigna aan to’o hetan kompozisaun meja PN foun.

Angelina hateten, kompozisaun meja PN tenke hili foun hotu, la’os troka de’it Vise husi PLP, maibé inklui Prezidente PN, Arão Noe de Jesus Amaral rasik, tanba hetan apoia votus husi bankada PLP.

“Presiza iha duni mudansa, tanba iha postura ida liuba ne’e kompozisaun meja ne’e mai husi CNRT, PLP ho KHUNTO, PPN husi CNRT no Vise segundu husi KHUNTO, inklui sekretária CNRT, Vise ida husi PLP no UDT/FMN nu’udar aliadu estratéjiku iha tempu ne’ebá, maibé agora konjuntura foun ne’ebé mai husi partidu nen ne’ebé forma koligasaun foun ne’e, klaru katak tenke iha duni mudansa ba meja, tanba Prezidente PN ida agora tu’ur iha meja hanesan prezidente ne’e mai no hetan hotu votus apoiu husi PLP, Vise sira mós hanesan, eleisaun ketak-ketak, ba Prezidente ketak, no ba vise sira ketak-ketak, votus ida fó ba Prezidente PN Arão Noe ne’e mai mós husi PLP, agora tanba iha konjuntura foun, presiza iha fali eleisaun ba meja foun, tanba husi konjutura foun ida ne’e mak hahoris governu ida, entaun ita haree took iha faze tuir mai, se CNRT sira aprezenta proposta koligasaun foun ne’e aprezenta, karik hato’o proposta foun ba meja PN nian, ita haree took nia kompozisaun ne’e atu mai husi ne’ebé-ne’ebé, ami hanesan ona opozisaun ida, entaun opozisaun mós iha ninia direitu atu hato’o mós nia kandidatura”, hateten Angelina Sarmento ba jornalista sira iha nia rezidensia Tai-besi, Tersa (25/02/2020).

Lee hotu :   Ohin, TR dada sorteiu ba ParPol

Primeira Vise PN ne’e afirma, nia parte la presiza atu rejigna aan husi nia kargu atual, tanba bainhira proponente sira aprezenta kompozisaun meja foun, automatikamente sei troka.

“Hanoin la presiza atu rejigna aan, maibé iha tempu kuandu deputadu sira proponente propoin meja foun, iha konjuntura polítika foun, postura husi koligasaun sira ne’e, bele aprezenta kandidatu, maibé partidu polítiku sira seluk mós iha direitu atu aprezenta nia kandidatu ba meja, rejimentu mós fó dalan, la’os de’it partidu maioria de’it mak bele aprezenta nia kandidatu, maibé partidu sira seluk mós bele halai hamutuk hodi aprezenta sira-nia kandidatu ida ba meja PN, depois votasaun mak ita haree, kuandu votasaun mak kandidatu Prezidente foun mak hetan votus barak liu, nia konsekuensia mak Prezidente PN ida agora labele kontinua assume nia kargu, kuandu halo eleisaun ba Prezidente PN, klaru tenke halo mós eleisaun foun ba vise Prezidente na’in 2, inklui sekretária da meja ho nia Vise”, informa Sarmento.

Entertantu, kompozisaun meja Parlamentu dadaun ne’e mak hanesan, Prezidente, Arão Noe de Jesus Amaral, husi bankada CNRT, Vise Primeiru Maria Angelina husi bankada PLP, no Luis Roberto husi bankada KHUNTO, nu’udar Vise segundu.

Aleinde ne’e, Sekretária meja, Maria Terezina Viegas husi CNRT, no Vise Primeiru Isabel Ximenes, husi bankada UDT/Frenti-mudança, no Regina Freitas husi bankada PLP.say

 

Add to Comments Here!!!!

error: Content is protected.
Secured By miniOrange
You might also like:
Horta: Aprezenta membru Governu foun tenke kompetente

Eis Prezidente Repúblika, José Ramos Horta...

PM husu MAE orienta xefi suku identifika valeta laiha kualidade

Primeiru Ministru (PM), Taur Matan Ruak,...

Koligasaun foun deside Xanana lidera IX Governu

Xefe bankada CNRT, Daurte Nunes, informa,...

Close