JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT husu PR Lú Olo foti desizaun ho imparsiál no tuir K-RDTL

CNRT husu PR Lú Olo foti desizaun ho imparsiál no tuir K-RDTL

Xefe bankada Kongresu Nasionál de Rekonstrusaun Timorense (CNRT_sigla portugés), Duarte Nunes, liu hosi deklarasaun bankada, iha plenária Tersa (11/1/2020), husu Prezidente Repúblika (PR) Francisco Guterres Lú Olo atu foti desizaun ba inserteza polítika ne’e, ho imparsial no bazeia ba konstitusaun haruka.

“ Ita hotu respeita ita nia PR, nia esforsu atu rona parte hotu-hotu, hodi konsulta no tenta buka konsensu hodi hola desizaun ba situasaun ida ne’ebé mak ita hasoru ne’e. Ami bankada CNRT, fi’ar nafatin ba PR, atu buka solusaun ne’ebé demokrátiku, justu bazeia ba Konstituisaun RDTL. Ami CNRT hakruk, tanba durante ne’e ami nia pozisaun nunka hakarak hakat konstituisaun ne’ebé ita aprova no ita konsidera hanesan ita-nia lei, ne’eduni ita hotu sei kontribui ba susesu no esforsu ne’ebé PR halo to’o ohin loron,”afirma xefe bankada CNRT ne’e iha Parlamentu Nasional.

Nune’e, xefe bankada PD, deputadu António da Conceição, akresenta, rezultadu díalou entre líder nasionál ne’e, pozitvu tebes, tanba sei fó biban ba Partidu polítiku sira ne’ebé hetan asentu iha Parlamentu Nasionál ba kinta lejislatura, hodi buka malu atu buka solusaun alternativu, tanba opsaun ba Eleisaun Antesipada (EA) nu’udar rekursu ikus.

“Fó apresiasaun ba esforsu ne’ebé mak PR halo to’o agora, ita haksolok no kontente, tanba mensajen ida ne’ebé mak sira tranzmite, sei enkoraja nafatin partidu polítiku ne’ebé hetan asentu iha PN ne’e, atu hatúr saída mak interesse nasionál. Ami mós apresia tebes bainhira PR dehan EA ne’e últimu rekursu, la signifika la’e,  maibe últimu rekursu de’it.Ne’e dezafia ita polítiku hotu, tanba ne’e ohin ita tenke ko’alia asuntu sira ne’e hotu ho klean iha PN nu’udar deputadu. Dezafia duni ita nia kapasidade iha komunikasaun, kapasidade diálogu, no hatene mós atu koloka saída de’it mak ita reklama dehan unidade nasionál. Tanba ne’e mak ami hanoin, bainhira ita hotu hatán malu iha PN ida ne’e, hodi dehan katak duni mak hola desizaun koletiva ba  orsamentu ida la passa iha PN ne’e. Maibe ida ne’e mós la’os ikus atu ita labele buka dalan, atu partidu boot rua, ida ho figura istóriku no ida partidu istóriku, atu iha kapasidade atu hases ita nia diferensia pesoal no individuais, hodi bele koloka saída mak povu ida ne’e hanaran ita reprezenta. Se ita reprezenta, ita tenke hatudu aktu de solidariedade ba saída mak agora sira hasoru iha sira nia moris lorloron, iha balun iha fatin balun iha tempu udan nune’e, la hetan atu han dala tolu, maibe han dala rua ou dala ida de’it, Ida ne’e ita sei nafatin kontesta malu, hodi ba husu tan dala ida sira, katak lia loos mak liuhosi fali eleisaun, ne’e la justu,”tenik deputadu António da Conceição iha plenária ne’e.

Lee hotu :   Xanana halo deklarasaun iha rai liur, PM Alkatiri: “Ha’u lakohi responde”

Líder PD ne’e mós dezafia partidu CNRT ho Fretilin atu toma responsabilidade nu’udar partidu bo’ot iha PN, hodi halo diálogu atu buka solusaun alternativa, nune’e labele haterus bebeik povu hodi ba eleisaun.

“Ami dezafia partidu boot rua, ami la husu ita hotu nia responsabilidade ba vída,  maibe povu fó ona fiar ba imi, se ita bele, ite tenke ko’alia, diálogu ho honestu, ita labele halo diálogu ida ne’ebé ho rezervas,  la’os diálogu ida ne’ebé tenke hetan saída. Hanesan ami deklara, katak ba ami, diálogu ne’e la’os atu fahe kadeira, diálogu atu ko’alia kona-bá objetivu husi estadu, tuir Konstituisaun RDTL,”dezafia deputadu husi bankada ne’ebé ho nia moto ba o Timor maubere oan prontu serví ne’e.

Hafoin halo diálogu ho líder istóriku sira iha Segunda (10/2/2020), Xefe Estadu Francisco Guterres Lú Olo deklara ona katak, iha opsaun tolu, atu hakotu inserteza polítika ne’e, mak hanesan; husu partidu polítiku sira ne’ebé hetan asentu iha PN ba kinta lejislatura, atu dezeña hanoin oinsa hakarak fó solusaun ba impase polítiku ne’e; Primeiru Ministru (PM) atual Taur Matan Ruak sei mantein nafatin to’o hetan governu foun, no ida seluk, Eleisaun Antesipada nu’udar rekursu ikus hodi solusiona impase polítiku ne’e.Say

 

Add to Comments Here!!!!

error: Content is protected.
Secured By miniOrange
You might also like:
Deskonfia fahe tutan ema nia video privada, PCIC detein ona joven ida

Polícia Cientéfica Investigacão Criminal (PCIC) detein ...

EDTL halo inspesaun ba konsumidór uza ahi ilegál

Ekipa Inspesaun Eletrisidade Timor-Leste (EDTL) halo...

Obriga estudante hemu tua, Diretór Eskola husu deskulpa ba Inan-Aman

Profesor Eskola Hotelaria no Turismu Becora...

Close