JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT-PLP “hadau lesuk” PD, Assanami: Ami prontu foti risku envolve iha Governu foun

CNRT-PLP “hadau lesuk” PD, Assanami: Ami prontu foti risku envolve iha Governu foun

Hafoin halo konferénsia estraordinária durante loron sorin, Prezidente Partidu Demokrátiku (PD), Mariano Asanami Sabino, prontu foti risku hodi envolve iha governasaun foun, atu nune’e hakotu impase polítiku ne’e.

Maske nune’e, PD rasik sei duvida ho opsaun ne’ebé partidu sira seluk fó hanesan husi CNRT ho PLP rasik. Tanba partidu CNRT ho Partidu Libertasaun Popular (PLP) fó opsaun ne’ebé diferente, maske PD prefere liu grande inkluzaun.

“Iha proposta rua, ida husi CNRT no ida husi PD, maibe seidauk bele deside proposta rua ne’e, hafoin halo sumariza mak foin fó sai ba média. PD ba impase ida ne’e, iha liafuan balun, tanba governasaun ida ne’ebé atu forma agora ne’e, hanesan salvasaun nasionál, tanba ne’e la’os IX governu, ida seluk, se presiza foti risku, PD sei foti rizku, tanba ne’e la’os eleisaun normal ida ne’ebé se mak manan nia mak ba ukun, maibe ne’e iha impase ida, entaun PD prontu foti risku. Durante ne’e partidu se de’it mak laiha relasuan di’ak, maibe iha tempu ida agora ne’e PD prontu atu la’o hamutuk, tanba ita labele tau problema kiik-oan ne’e ba interese nasionál. Tanba ne’e ami tenke firme hodi la’o hamutuk ba oin, maske iha passado ami mós la’o hamutuk ona ho FRETILIN, la’o ona mós ho CNRT dalaruma la’o iha dalan klaran mós iha, situasaun barak akontese. Maibe liafuan xave mak buat sira ne’e hotu ami aprende para hamriik, no ami la uza ida ne’e hodi satan atu salva nasaun,”deklara Asanami hafoin konferensia estraordinária ne’e, iha Sede nasionál PD Kolmera, Kinta (20/02/2020).

Líder másimu PD ne’e mós afirma tan, PD prefere iha konjuntura formasaun governu foun, atu labele iha tan odiu no vingansa ba problema pasadu nian hodi  satan malu, liu-liu lakohi taka dalan ba xefe Estadu nia servisu ba estranjeiru.

Lee hotu :   FRETILIN la admite nia kuadru sira tama VIII governu

“Situasaun ida difisil ne’e, devia ita ba grande inkluzaun la’e, maibe ami nian mak ne’e, ami hamrik iha ne’ebé de’it, importante Governu ida ne’ebé tenke nakloke. Se ita mai husi impase ida mak ba ita taka-an fali, ne’e signifika ita la sai husi impase ne’e. Ami kadeira 5 de’it ne’e labele atu garante buat ida, maibe atu hateten de’it katak eleisaun antesipada ne’e rekursu ikus liu. Maibe la’os hamriik iha kotuk liu, nia (EA) komesa besik-besik ona, kuandu tempu ne’e remata. Tanba ne’e ita tenke buka malu ko’alia, PR rasik sei haree ida ne’ebé mak tuir konstituisaun para hodi forma governu.”afirma

Maske nune’e, desizaun ikus ba opsaun ka proposta ne’ebé partidu CNRT ho PLP fó, PD sei halo sumáriu no sei fó sai Sesta, loron 20 fulan Fevereiru, tinan ne’e.

Antes ne’e, PD mós hasoru malu ona ho Partidu Libertasaun Popular (PLP),  CNRT, FRETILIN no KHUNTO.Say

 

Add to Comments Here!!!!

error: Content is protected.
Secured By miniOrange
You might also like:
PNTL hamoos ona letra iha moru-lolon

Polísia Nasionál Timor-Leste (PNTL)  hahú hamoos...

Vítima inundasaun iha Metiaut seidauk hetan apoiu husi Governu

Isabél Correia da Costa mós nu’udar...

Kazu tentativa omisídiu aman-oan iha Hera, TDD aplika medida rua ba arguidu sira

Tribunál Distritál Díli (TDD), iha Kuarta,...

Close