JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN mak ba forma Governu, Akadémiku konsidera PR laiha duni neutralidade

FRETILIN mak ba forma Governu, Akadémiku konsidera PR laiha duni neutralidade

Dekanu Faspol Universidade Nasional Timor-Lorosa’e (UNTL), Camilo Ximenes, hatete, atu hakotu impase polítiku iha ra-laran, dalan diak liu mak ba Eleisaun Antesipada (EA). Maibe Prezidente Repúblika (PR), Francisco Guterres Lú Olo, deside fó ba partidu FRETILIN hodi buka nia aliadu asentu parlamentar ba forma Governu da-sia mak neutralidade PR nian laiha ona.

Tuir Akadémiku UNTL ne’e katak, iha entrevista ne’ebé GMNTV halo ho maun bo’ot Kay Rala Xanana Gusmão, nia hatete momos katak, hun husi impase polítiku ne’e mai husi PR Lú Olo, iha ne’ebé rejeita fó pose ba membru Governu sira husi partidu CNRT nian ne’ebé forma koligasaun Aliansa Mudansa ba Progresu (AMP). Entaun husi perspetiva maun bo’ot Xanana nian ne’e, Camilo haree katak, PR Lú Olo tenke tetu didiak atu labele fo ba malu deit.

Bainhira husu kona ba se PR Lú Olo fó tiha ba partidu FRETILIN hodi buka nia aliadu ne’ebé hetan asentu parlamentar hodi ba forma Governu foun iha situsaun ida agora, bele dehan PR Lú Olo laiha ona neutralidade? Camilo Ximenes hatán, “Karik ita atu dehan hanesan ne’e (laiha neutralidade). Tanba última entrevista ne’ebé mak ita-nia maun bo’ot Xanana halo quer dizer atu fó ona resposta ba ema balu dehan katak, ninia hún VIII Governu monu ne’e mai husi ne’ebá (PR Lú Olo). Entaun atu fó resposta ba ida ne’e mak ita hotu ba ida ne’e (EA) hahú husi zero, ita ida-idak buka ita nian. Ita fó deit ba ida, quer dizer que afinal ita mak gosta duni ida ne’e”.

Tuir Camilo Ximenes, maun bo’ot Xanana Gusmão nia deklarasaun ne’ebé fó sai iha media, iha sentidu dupla no klean tebes atu ema kompriende hodi hakat ba oin.

“Primeiru ita akompaña entrevista ne’ebé GMN TV halo ho maun bo’ot Xanana, iha lisaun barak mak ha’u aprende. Ida seluk, liafuan sira ne’ebé mak nia hasai ne’e, liafuan sira ne’ebé mak bai-bain ema koalia no ema rona, maibe ba ha’u iha sentidu dupla. Agora ba ha’u devia-ser Prezidente Repúblika haree ona ho ida ne’e, ita la presiza tan ona husu opiniaun husi ema bar-barak. primeiru, karik ita-nia konstituisaun koalia katak, presiza rona duni partidu asentu parlamentar no rona konsellu Estadu nia hanoin. Atu kumpri ida ne’e ita tenke tuir deit konstituisaun Repúblika. Agora Prezidente Repúblika rona hotu opiniaun sira ne’e devia ser PR mak tenke pronunsia sai. Atu pronunsia saida? Iha buat ruma mak ita-nia maun bo’ot Xanana dehan, ida mak se nasaun ne’e atu ba diak no kredibilidade mak tenke ba eleisaun antesipada. Maibe mos ita-nia maun bo’ot ne’e la dehan katak ne’e ha’u mak koalia be los ona. Maibe nia dehan, kompetensia sira ne’e iha hela PR Lú Olo nia liman. Quer dizer PR mak tenke buka meius oinsa mak solusiona ba impase polítika ida ne’e, entaun nia tenke pronunsia sai ona labele hein tan”,dehan Camilo Ximenes.

“Agora entre rua ne’e (Ba EA ka forma Governu foun), nia tenke eskolla ida. Desizaun sira ne’ebé mak nia eskolla ne’e kualker se deit tenke hakruk. maibe tenke haree, sera que desizaun ne’ebé mak hasai ne’e mak sai hanesan be solusiona problema kona ba impase polítiku ne’e ka desizaun ne’ebé mak ita hasai ne’e bele kria ou konvoka problema seluk ne’ebé mak a’at liu fali kona ba impase polítiku ida ne’e. Ha’u hanoin ita-nia Prezidente Repúblika tenke tetu didiak.”enik Camilo Ximenes.

Tuir Camilo, dalan diak no los liu mak ba eleisaun antesipada atu ema hotu fila-fali ba zero no hahú fali foun.

“Dalan ida deit no los liu mak mak eleisaun antesipada. Maibe PR bele buka mekanizmu oi-oin, maibe dalan los liu mak EA. Tanba saida mak ita eskolla EA. Tanba primeiru ita labele halo fali koligasaun iha dalan, tanba esperiensia iha ona partidu tolu iha AMP ne’e hanesan CNRT, PLP ho KHUNTO ita haree ona. Tanba ne’e mak ema ida-idak ba hadau, se mak programa diak, planu diak, nia karik manan iha EA ne’e hotu tiha mak ita mai tau hamutuk para ukun hamutuk, maibe kuandu agora mak ita fó ba malu, ha’u hanoin katak, ne’e desizaun ida ne’e bele rezolve ka aumenta problema”

Antes ne’e Prezidente  Repúblika (PR), Francisco Guterres ‘Lú Olo’, hatete, Segunda (10/02/2020) iha Palásiu Prezidensial Nicolau Lobato Bairo Pité Díli, katak, durante diálogu ho líder istóriku sira hanesan, Taur Matan Ruak, José Ramos Horta, Marí Alkatiri, Lere Anan Timur, no Roque Rodrigues, deside pontu importante tolu, mak PR Lú Olo husu partidu polítiku sira ne’ebé hetan asentu parlamentar atu buka malu hodi forma Governu, Primeiru Ministru, taur Matan Ruak mantein to’o hetan PM foun, no Eleisaun Antesipada mak últimu rekursu hodi hakotu impase polítiku iha rai-laran.

Lee hotu :   PM Taur husu hadia lei fó dalan ba emprezáriu lori Governu ba Tribunal

Nune’e mos Prezidente Partidu CNRT, Kay Rala Xanana Gusmão, hatete, hun husi impase polítiku ne’e mak Prezidente Repúblika, Francisco Guterres Lú Olo, tanba nia rejeita fó pose ba membru Governu husi CNRT ne’ebé nia dún matak katak, ema sira ne’e mesak koruptor, maibe konfirma ho Ministeriu Públiku, sira laiha kazu ruma. Xanana Gusmão mos dehan ona katak, dalan diak no justa liu mak ba eleisaun antesipada. Maibe se PR Lú Olo deside buat seluk mos ne’e desizaun iha PR nia liman. Tanba partidu CNRT sei la ba forma Governu ho se-se deit iha tempu ida agora ne’e, liu-liu tanba maske forma maibe PR Lú Olo sei la fó pose. Xanana mos dehan, CNRT sei la forma Governu hamutuk ho FRETILIN, tanba la’os ba ho FRETILIN mak PR Lú Olo fó pose, maibe ba ho AMP ka seluk nia lakohi fó pose, no mos CNRT ho FRETILIN hanoin la hanesan ne’e, labele.GMN

 

Add to Comments Here!!!!

error: Content is protected.
Secured By miniOrange
You might also like:
Naimori: KHUNTO prontu fila ba EA ■Seidauk hetan kontaktu ba forma Governu

Konselleiru Másimu Partidu Kmanek Haburas Unidade ...

Horta: Ema hotu tenke fó apoiu ba haforti servisu KAK

Eis Prezidente Repúblika, José Ramos Horta,...

UPF prende mina-rai ilegál tonelada tolu iha Mota-Ain

Polísia Unidade Patrullamentu  Fronteira, prende  mina-rai...

Close