JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hakotu impase polítiku, líder istóriku hamosu pontu importante tolu

Hakotu impase polítiku, líder istóriku hamosu pontu importante tolu

Prezidente  Repúblika (PR), Francisco Guterres ‘Lú Olo’, hatete, durante diálogu ho líder istóriku sira hanesan, Taur Matan Ruak, José Ramos Horta, Marí Alkatiri, Lere Anan Timur, no Roque Rodrigues, deside pontu importante tolu, no Eleisaun Antesipada mak últimu rekursu hodi hakotu impase polítiku iha rai-laran.

“Ohin ami nain hira halo reuniaun, pontu sira importante ne’ebé mak asentu iha reuniaun ida ne’e mak, primeiru eleisaun antesipada hanesan rekursu ikus liu, segundu mak partidu polítiku sira ne’ebé mak iha asentu parlamentar, sira hotu tenke halo movimentu polítiku oinsa mak bele dezeña sira-nia opiniaun, hakarak atu bele hetan solusaun ba impase polítiku ida ne’e, no terseiru lugar Primeiru Ministru sei mantein nafatin hanesan Primeiru Ministru ba VIII Governu, to’o hetan solusaun ba situasaun polítika atual  ne’ebé mak iha ita-nia rain” realsa Xefe Estadu Lú Olo ba Jornalista sira, hafoin remata enkontru ho líder istóriku sira, Segunda (10/02/2020) iha Palásiu Prezidensial Nicolau Lobato Bairo Pité Díli.

Lú Olo afirma,  Prezidente Repúblika ho haksolok konvida líder istóriku sira ka  líder nasional sira, no mós Xanana Gusmão,  atu bele rona diretamente sira-nia opiniaun kona bá situasaun polítika ida ne’e.

“Ha’u hakarak fó hatene sai ba públiku tomak hanesan, Prezidente da Repúblika katak, hahú iha dia 20 de Janeiru, Prezidente da Repúblika asume tomak situasaun polítika ne’ebé mak mosu iha Parlamentu Nasional, bainhira Parlamentu Nasionál la husik Orsamentu Jeral Estadu nian liu, nune’e ha’u promove diálogu ho partidu polítiku sira ho nia liders bankada sira, ho mós sosiedade sivíl, veteranu sira, konviksaun relijioza ho ema barak ha’u simu iha fatin ida ne’e, hodi rona sira-nia pontu de vista ba situasaun polítika atual atravesa iha ita-nia rain”, dehan realsa Lú Olo.

Lee hotu :   PN kansela viajen PR ba Japaun no Indonézia laiha impaktu relasaun bilateral

Xefe Estadu ne’e akresenta, Prezidente Repúblika halo diálogu ne’e hodi buka solusaun ida ne’ebé  diak liu ba nasaun, liu husi hanoin di’ak líder sira hotu, para  bele ultrapasa situasaun ne’ebé oras ne’e dadaun la’o iha nasaun ne’e, Prezidente Repúblika nia vontade mak ida ne’e duni no nia  kontenti, tanba líder nasionál, ka istóriku sira, bele simu Xefe Estadu nia konvite ne’e hodi hasoru malu, hodi ko’alia pontus importante hirak ne’e.

“Solusaun ne’e  ita buka dalan, oinsa mak bele diak liu ba ita-nia rain, husi solusaun polítika, maibé la ses husi dalan husi konstituisaun ninian, siginifika katak, ita sei buka maneiras hotu hotu, sei iha nafatin tempu ba  Prezidente da Repúblika,  para nune’e  bele ko’alia bebeik, hodi hetan  solusaun polítika”, fundamenta Xefe Estadu.

Lú Olu subliña, maske Xanana Gusmão la partisipa iha diálogu ne’e, maibé Xefe Estadu hatene katak, Xanana Gusmão, líder bo’ot ida ne’ebé lakohi atu situasaun ne’e kontinua arasta nafatin hodi fó terus ba nia povu.’

“Ha’u fiar katak,  ohin (horiseik) la mai prontu iha tempu seluk dalaruma, nia despoen nia vontade atu hamutuk hodi hetan solusaun ba problema rai laran”, tenik Lú Olo.

FRETILIN preokupa

Vise Xefe bankada FRETILIN, Francisco Miranda Branco, kontinua preokupa, tanba líder karismátiku, Kay Rala Xanana Gusmão, la marka prezensa iha diálogu ho líder nasionál sira, hodi diskute no koloka hanoin hamutuk ho Prezidente Repúblika (PR), Francisco Guterres Lú Olo, antes foti desizaun ba inserteza polítika atual.

“Polítika ida mafé, tanba ita hakilar ba mundu, katak G7+ tenke ka’er ba diálogu mak solusaun ba problema hotu-hotu, maibé iha ita-nia rain, ita fila kotuk ba diálogu, hanoin ne’e laloos, nusa mak ita halo diskursu didi’ak, proklama ba rai hotu-hotu katak, diálogu mak solusaun ba konflitu hotu-hotu,

Lee hotu :   Laiha distansiamentu sosiál, PN husu Governu halo limitasaun ba ema tama iha FT

Maibé ita-nia rain rasik ita fila ba diálogu, tuir loloos, jerasaun foun sira labele ka’er atitude sira hanesan ne’e, uluk ita fahe tiha Timor-Leste ba Lorosa’e no Loro monu, saída mak ita hakarak loos ba rai ida ne’e”, dehan Vise Xefe bankada FRETILIN ne’e ba jornalista sira iha PN, Segunda (10/02/2020).

Nune’e, deputadu opozisaun ne’e afirma, FRETILIN prontu ba Eleisaun Antesipada (EA), maibé presiza túr hamutuk halo diálogu mak foti desizaun hamutuk.

“Diálogu la’os liu husi karta, diálogu ne’e tenke tu’ur hamutuk, matan ho matan, no oin  ho oin, la’os hakerek karta ba malu fali, situasaun ida ne’e mak ami-nia preokupasaun ba pozisaun ne’ebé líder balun hatudu dadauk. Diálogu tenke tu’ur hamutuk mak ko’alia, la’os liu husi média, nusa mak ita hakilar ba  mundu dehan diálogu hanesan medida ida solusaun ba situasaun hotu iha kada país, maibé iha rain rasik ita fila kotuk ba diálogu, saída mak ida ne’e. Ami prontu ba EA, maibé ita tu’ur hamutuk mak ita ko’alia, la’os liu husi karta no liu husi média, entaun ita hakilar ba  mundu tenke diálogu?, dehan diálogu mak solusaun ba problemas, maibé iha ita-nia rain rasik ita fila kotuk ba diálogu, edukasaun sívika polítika saída ba ita-nia jerasaun foun”, tenik Branco.

Relasiona ho asuntu ne’e, GMN tenta konfirma ho Vise Xefe bankada CNRT, deputadu Patrocino Fernandes, maibé lakohi fó komentáriu, tanba konsidera kompetensia Xefe bankada nian, hafoin ne’e, tenta konfirma tan ho Xefe bankada CNRT, deputadu Duarte Nunes, maibé la konsege, tanba okupadu hela.

Antes ne’e, liu husi grande entrevista iha estudiu 2 GMNTV, Prezidente CNRT, Kay Rala Xanana Gusmão  deklara ona katak, Eleisaun Antesipada mak dala úniku liu hodi solusiona impase polítiku ne’e.

Lee hotu :   Debate osan falsu ho MDI, FRETILIN abandona plenária

Tanba ne’e, iha Segunda ne’e, eis Primeiru ministru ne’e, la partisipa iha diálogu ho Xefe estadu.Oly/say

Add to Comments Here!!!!

error: Content is protected.
Secured By miniOrange
You might also like:
Faustino: Governu sei kria uluk kondisaun antes reforsa tan membru UPF

Komandante Jerál Polícia Nacional Timor-Leste (PNTL)...

Família hetan ona Justino Lopes nia mate-isin ne’ebé Lafaek “lori lakon”

Família husi Justino Lopes (matebian) ne’ebé...

Kandidatu estudante la pasa ba UNTL tinan 2020, Longuinhos: Sei iha oportunidade ba tinan oin

Relasiona ho estudante kandidatu ne’ebé la...

Close