KM aprova proposta lima aprezenta husi MRLAP

Konsellu Ministru (KM), aprova proposta lima ne’ebe aprezenta husi, Ministru Reforma Lejislativa no Asuntu Parlamentares (MRLAP).

Ne’ebe proposta aprova primeiru, koalia kona-ba altersaun pensaun vitalisia, proposta aprova segundu, programa reforma administrativa, proposta aprova terseiru aprova komisaun interministerial hodi difikulta falsifikasaun dokumentus sidadaun.

Kuatru proposta aprova lei autorizasaun lejislativa, no Kinto proposta aprova dekretu lei organizasaun administrativa direta no indireita husi Estadu nian.

Lia hirak ne’e, hato’o husi, Ministru Reforma Lejislativa no Asuntu Parlamentares (MRLAP), Fidelis Leite Mangalhães, ba Jornalista sira iha Palasiu Governu, Kuarta (19/02/2020).

“Ha’u rasik aprezenta proposta lima, koalia kona-ba programa ba reforma administrasaun publika, ne’ebé hetan aprovasaun no programa ne’e koalia kona-ba, sei hadia liu tan jestaun funsionamentu ministeriu nian no ajensia governu, konsellu ministru halo aprovasaun ba rejime juridiku seguransa sosial ba titulares orgaun soberania, halo alterasaun ba pensaun vitalisia, proposta ne’e sei hato’o ba Parlamentu Nasional”, esplika, Fidelis Leite Mangalhães.

Fidelis hatutan katak, iha reuniaun ne’e, aprova mós komisaun interministerial ida, ne’ebé aprezenta husi  MRLAP sei servisu hamutuk ho Ministeriu Justisa inklui Ajensia teknolojia informasaun no komunikasaun (TIC), hodi difikulta falsifikasaun dokumentus sidadaun nian, iha rejistu moris nian, direitu asesu ba pensaun.

Fidelis akresenta tan katak, proposta dekretu lei husi organizasaun administrasaun, direita no indireita Estadu nian, ho objektivu prinsipal halo intervensaun lejilativa, organiza adekuadamente ba administrasaun.

Promove mós nia efikásia iha atuasaun atu fasilita lais liu prosesu interoperasionalidade no interkomunikabilidade husi rekursus umanus no materiais.Cin