JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kontinua adia ajenda LAK, Adriano lamenta meja komisaun A PN

Kontinua adia ajenda LAK, Adriano lamenta meja komisaun A PN

Reprezentante povu iha uma fukun Parlamentu Nasionál (PN), husi bankada PD, Adriano do Nascimento, sente lamentavel teb-tebes ho meja Komisaun A ne’ebé trata asuntu konstitusionál no justisa iha PN, tanba kontinua adia ajenda diskusaun Lei Anti-Korrupsaun (LAK).

“To’o ohin loron adia helan de’it atu halo diskusaun no aprovasaun ba LAK. Kona-bá LAK bankada PD ho FRETILIN mak propoin projetu lei ne’e atu halo diskusaun no komisaun A halo ona diskusaun tinan kotuk, maibé to’o ohin loron atu halo diskusaun muda hela de’it. Ha’u lamenta tebes ho meja komisaun A iha tinan kotuk ami deside atu debate iha fim de Fevereiru ou fulan Marsu, atu nune’e finaliza lei, maibé foin la-lais lei ne’e muda fali ba fulan Abril, lei ne’e muda hela de’it, nune’e ha’u preokupa no krítika Prezidente Komisaun A”, membru Komisaun A ne’e ba jornalista sira iha PN, Tersa (25-02-2020).

Adriano akresenta, atu halo diskusaun ba LAK ne’e kontinua adia hela durante fulan barak nia-laran ona, ho nune’e mak halo ema hotu preokupa bainhira mak lei ne’e implementa iha Timor-Leste.

“Tuir ajenda atu halo diskusuan ne’e iha fulan Fevereiru ou fulan Marsu nia-laran, maibé lei refere kontinua muda hela de’it durante fulan 6 ka 7 nia laran ona, maibé ohin loron kontinua adia atu halo diskusaun fali iha fulan Abril, ho nune’e públiku sira kontinua hein, tanba polítiku sira muda hela de’it. Ha’u la hatene bainhira maka atu aprova, ha’u ladún hatene ida ne’e, maibé faktu mak Komisaun A muda tan fali ona, lakohi diskute iha fulan Abril, kleur loos, maske muda ajenda, tanba presiza atu hadi’a tan artigu balun, uluk ami aseita malu ona atu halo diskusaun, haruka tékniku sira prepara artigu foun no kápitulu foun ba prevensaun, maibé agora dada malu hela de’it”, afirma deputadu husi bankada PD ne’e.

Lee hotu :   PN aprova voto de congratulação por deliberação da UNESCO de instituir Dia Mundial da Língua Portuguesa

Antes ne’e, Prezidente Repúblika (PR), Francisco Guterres “Lú Olo” husu ba PN atu halo aprovasaun la-lais ba LAK, tanba projetu LAK ne’e tama iha meja PN iha loron 9, fulan 7, tinan 2018 ne’e.

Relasiona ho lamentasaun husi deputadu bankada PD, Adriano do Nascimento ne’e, GMN seidauk hetan konfirmasaun husi Prezidente Komisaun A PN. ety

 

Add to Comments Here!!!!

error: Content is protected.
Secured By miniOrange
You might also like:
AMD identifika kompañia balu monta publisidade illegál iha Díli

Autoridade Munisipiu Díli (AMD) durante nee...

Basílio de Jesus promete sei hatutan servisu matebian Lino Saldanha

Komando Jerál PNTL noméa ona  Superintendente ...

PM konvida DJ STAE esplika preparasaun hasoru eleisaun

Primeiru Ministru Taur Matan Ruak, Tersa...

Close