GMN TV Politika Naimori: KHUNTO prontu fila ba EA ■Seidauk hetan kontaktu ba forma Governu

Naimori: KHUNTO prontu fila ba EA ■Seidauk hetan kontaktu ba forma Governu

Konselleiru Másimu Partidu Kmanek Haburas Unidade  Nasional Timor Oan (KHUNTO), José dos Santos Naimori Bucar, hatete, iha desizaun final Prezidente Repúblika (PR) nian mak hakat ba Eleisaun Antesipada (EA), KHUNTO prontu simu.

Naimori afirma, KHUNTO fó fiar ba Prezidente Repúblika (PR) uza  kompetensia tuir konstituisaun RDTL haruka,  hodi foti desizaun ba impase polítiku iha rai-laran.

““KHUNTO prontu ba Eleisaun Antesipada, karik ne’e desizaun Prezidente nian, tanba la’os desizaun KHUNTO nian. Desizaun Prezidente nian ba Eleisaun Antesipada ne’e  los, karik dala ruma mos sei iha ne’e ita halo tuir, tanba ita kumpri ba ita-nia xefi Estadu, tanba nia mak nu’udar xefe ba nasaun ida ne’e. Ita hotu hotu tenki haree ona katak saida mak diak liu, tenke fila ba nai Prezidente rasik, nia mak tenke uza nia kompetensia ida ne’ebé mak nia atu bele hatete ida ne’ebé mak diak ba  povu Timor Leste,  entaun ida ne’e mak ita tenke rona husi nai Prezidente, tanba Prezidente mak iha kompetensia, tanba ha’u sente dalan susar oituan ona, so prezidente rasik hola desizaun diak ba ita hotu hotu” eklarese Naimori ba Jornalista sira Tersa (11/02/2020) iha Salaun Esperansa Elemloi, Díli.

Nia mos husu ba populasaun sira iha rai ida ne’e presiza pasiensia, hotu hotu tenke fo ba líder sira ne’ebé mak oras ne’e sei iha, liu liu maun bo’ot Xanana Gusmão, Taur Matan Ruak, Marí Alkatiri, José Ramos Horta, Lere Anan Timur sira sei kompletu, oinsa sira bele haree situasaun ida ne’e, maibe mos fila ba nai Prezidente rasik.

Naimori salienta tan, konvite ne’ebé simu mai husi Prezidente Repúblika rasik husi partidu  KHUNTO ba ona, ba nia  sei hasoru malu ho Xefe Estadu,  ikus liu iha Konselhu Estadu, hodi fo hanoin deit ba Prezidente Repúblika diak ba povu Timor-Leste, entaun Prezidente rasik mak sei deside.

“Postura Governu foun, ha’u sente katak hotu ita atu koalia mak ida ne’e so fo opiniaun  deit, ita fo hanoin deit ba nai Prezidente, tanba buat hotu iha nai Prezidente nia liman, ha’u iha Konsellu Estadu sei hein ikus liu,  entaun Konsellu Estadu mos ba fó hanoin deit ba nai Prezidente para hola desizaun ne’ebé diak ba povu Timor-Leste” akresenta Naimori.

Nia fundamenta, Partidu KHUNTO diak ba ema hotu, tanba tenke iha sentidu Estadu. KHUNTO halo polítika hodi atu jere povu, nia mos la simu kontaktu husi partidu polítiku ruma, inklui Xanana Gusmão seidauk iha kontaktu.

“Timor ne’e nunka mai atu hanoin fahe malu ba lideransa hotu hotu, liu liu lideransa ida ne’ebé katuas to’o ida kiik ne’e, tenke hamutuk para lori nasaun ba oin. Se ita hanoin fahe malu deit, ita lori povu ne’e ba iha ne’ebé?  entaun ita la bele halo buat ida ba povu ida ne’e”, tenik Namori.

Eleisaun antesipada iha mandatu Prezidente Repúblika, Francisco Guterres Lú Olo nian akontese ona iha tinan 2017, iha ne’ebé koligasaun Aliansa Mudansa ba Progresu (AMP) kompostu husi partidu tolu mak hanesan CNRT, PLP no KHUNTO. Maibe ukun la to’o rohan, tanba orsamentu la pasa iha Parlamentu Nasional. Nune’e oras ne’e dadauk iha hanoin balu husi sosiedade sivil katak, diak liu ba eleisaun antesipada tanba dalan ida ne’e mak viabel, justu no demokrátiku liu. Maibe opiniaun públiku balun lakohi ba eleisaun antesipada.

PR Lú Olo halo ona kontaktu ka diálogu ho entidade sira iha rai ida ne’e hodi solusiona inserteza polítika iha rai-laran, no falta Konsellu Estadu mak seidauk hala’o. Maibe tuir informasaun iha loron hirak tuir mai PR Lú Olo sei konvoka reuniaun Konsellu Estadu hodi hakotu ona impase polítiku iha rai-laran.Oly


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker