JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PLP baruk ona ho CNRT forma IX Governu

PLP baruk ona ho CNRT forma IX Governu

Vise Prezidente Konsellu Polítiku Nasionál, (CPN_Sigla Portugés) Partidu Libertasaun Popular (PLP), Francisco de Vasconcelhos, deklara, PLP baruk ona no sei la hasoru malu ho partidu CNRT atu diskute formasaun IX Governu.

PLP hato’o deklarasaun ne’e, tanba CNRT mak sobu bloku koligasaun Aliansa Mudansa ba Progresu (AMP) ne’ebé forma entre partidu PLP CNRT ho KHUNTO, nu’udar alternativu ba impase polítiku ne’ebé akontese iha tinan 2017, maibé la konsege lori mandatu governasaun da-ualu ne’e to’o tinan 5.

“Ho CNRT, lae! tanba hori-bainhira ami hamutuk halo koligasaun, maibé depois sira (CNRT) soe hela tiha ami, sira (CNRT) vota kontra tiha orsamentu jerál Estadu. Tanba ne’e hamutuk ho CNRT lae”, deklara Francisco de Vasconcelhos ba jornalista sira, hafoin sorumutu ho estrututra Partidu Demokrátiku (PD) iha sede PD, Kolmera Díli, Kuarta (19/02/2020).

Nune’e, Francisco afirma, PLP laiha tan intensaun atu hasoru malu ho CNRT, tanba CNRT mak baku fila tiha bloku koligasaun AMP.

Atual deputadu PLP ne’e subliña, la’os grande inkluzaun de’it mak solusaun, maibé vontade polítiku mak nu’udar fatór prinsipal.

“Ami laiha intensaun ho CNRT. Ita temi kona-bá grande inkluzaun, ita haree ida ne’ebé mak sentidu di’ak liu, Aliansa Mudansa ba Progresu ho Aliansa Maioria Parlamentár ami mak forma, depois de EA iha 2018, nia rezultadu ne’e saida? fila baku fila tiha. Entaun saida mak ideal ba ita ne’e vontade, vontade polítika ne’e mak ezijensia. tanba ne’e diálogu ne’e, komunikasaun ne’e importante. Husi diálogu para ita buka se mak iha vontade di’ak. Grande ema hotu tau hamutuk tama iha luhu ida, maibé vontade ne’e, ita buka ida ne’ebé mak iha vontade ne’e, nune’e tinan-tinan ita labele halimar ho jogu kontra jogu. Ita iha Planu Estratéjiku Dezenvolvimentu Nasionál ida ne’ebé durante ne’e PN ko’alia, ne’e katak, ba bem estar povu, hasai povu husi ki’ak no mukit, la’os jogu kontra jogu, hatun ida, hasai ida, ne’e la’os preferensia ba PLP”, tenik Francisco.

Lee hotu :   Afilia ba FRETILIN, Alkatiri konsidera fila ba uma rasik

Vise Prezidente CPN ne’e prefere iha koligasaun ida ne’ebé kumpri nia kompromisu katak, tenke aprova proposta orsamentu, programa no lei prioridade seluk tan.

“Polítika ne’e la’os estatis, maibé dinámiku. Komunikasaun sira ne’e hodi viabiliza para ita hetan ema ne’ebé mak iha vontade di’ak, hodi hadi’a rai ida ne’e. CNRT vota kontra OJE ne’e signifika CNRT sai ona husi koligasaun AMP ne’e, tanba iha prinsípiu koligasaun ne’e dehan katak, iha buat tolu mak importante katak, programa ho OJE tenke pasa, no lei sira ne’ebé importante tenke pasa. Uluk iha formasaun AMP ne’e, iha mós hanoin balun para kontrola votus, kualker desizaun partidu nian, labele votus sai, maibé CNRT fila vota kontra tiha orsamentu ne’e se mak viola”, katak polítiku ne’e.

Antes ne’e, Xefe bankada CNRT deklara ona katak, desizaun ba vota abstensaun no kontra ne’ebé CNRT fó, nu’udar alternativa, hodi promove diálogu, atu buka solusaun ba impase polítiku ne’ebé mosu, no oinsa solusiona lista kandidatu membru governu pendente sira.

Alénde ne’e, Xefe Estadu mós halo ona ronda diáogu ho partidu polítiku sira, ne’ebé iha asentu parlamentar, atu halo movimentu polítiku no eleisaun antensipada nu’udar últimu rekursu, no opsaun seluk mak, Taur Matan Ruak kontinua sai Primeiru Ministru.

Entretantu, iha loron hirak ne’e nia laran, hahú mosu ona, kontaktu entre Partidu sira iha asentu parlamentar, ne’ebé inísia ho enkontru entre Partidu PD ho FRETILIN, PD ho CNRT, PLP ho FRETILIN, no PLP ho PD .say

Add to Comments Here!!!!

error: Content is protected.
Secured By miniOrange
You might also like:
Governu aprova rezolusaun reativa atividade GAM

Governu liu husi Konsellu Ministru (KM),...

SEAV konvida PR partisipa selebrasaun loron nasionál veteranu

Sekretáriu Estadu Asuntu Veteranu (SEAV), Gil...

Dekanu UNTL rejeita halo diskriminasaun ba estudante defisiente

Dekanu Fakuldade  Siensia no Saúde (FSS)...

Close