JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ezije Governu kontrola komunidade labele konstroi uma arbiru

PN ezije Governu kontrola komunidade labele konstroi uma arbiru

Tinan 2018 to’o mai tinan 2020, familia 7.457 iha Timor-Leste mak sai vítima ba Dezastre Naturais (DN). Tanba ne’e Parlamentu Nasional ezije Governu kontrola komunidade sira atu labele konstroi uma arbiru.

Tanba ne’e, Parlamentu Nasionál (PN), liu husi Deputada CNRT, Maria Fernanda Lay ezije Oitavu Governu Konstitusional, atu kontrola komunidade hirak ne’ebé konstroi uma latuir regra, liu-liu konstroi uma iha valeta leten no foho lolon sira, tanba fó impaktu ba Dezastre Natural (DN) liu-liu inundasaun iha tempu udan.

Maske nune’e, reprezentante povu ne’e afirma, la’os Timor-Leste de’it mak afeita ba inundasaun, maibé iha nasaun barak, liu-liu nasaun viziñu Indonézia.

Tanba ne’e, reprezentante povu ne’e ezije ba governu atu halo kontrolu ba sidadaun sira antes,  atu labele mosu inundasaun, tanba inundasaun sai proekupasaun ema hotu nian.

 “La’os Timor-Leste de’it mak afeita inundasaun, maibé hanesan Amérika, Jakarta pior liutan, ha’u mós konkorda katak, natureza intensidade, tanba mudansa klimátika nia impaktu. Dalaruma ita nia populasaun balun fatin laiha, ba ateru fali valeta balun, hodi satan tiha bee ne’e, problema ida tanba fo’er sira oi-oin de’it mak bee lori bainhira udan, preokupasaun ida mós kona-bá segmentasaun, hanesan iha Meti-aut, ema ba kee fatuk no rai iha foho loloon, hodi halo uma, haluha katak, foho ne’e bele doko ita. Tanba ne’e, husu ba ministru kompotentes para tau matan, mota oan mosu bar-barak ne’e tanba ida ne’e, ema fa’an tiha iha karaik, nia ba halo uma iha foho leten, lori fatuk sa’e labele, entaun nia ba ke’e de’it mak foho, ida ne’e evidensias, inklui iha parte hudi laran nian, ha’u haree plástiku sira mutin-mutin ne’e mak taka bee dalan, tanba ne’e mak bee sa’e ba estrada, ida ne’e proekupasaun ita hotu nian”, kestiona deputada Fernanda Lay bainhira debate urjensia ho Ministru Obras Públikas ho ekipa Sekretáriu Estadu relevante sira, iha plenária, Tersa(04/02/2020).

Lee hotu :   PR sei partisipa enkontru anual ONU iha Setembru

Iha biban hanesan, deputada bankada FRETILIN, Maria Angélica Rangel konsidera, Governu mak la implementa programa tuir planu 2020, tanba ne’e, atu labele fó sala de’it ba komunidade, Governu rasik mak presiza iha polítika prevensaun ne’ebé rigorozu.

“Sei planu Governu nian mak implementa tuir planu 2020, ida la akontese hanesan ne’e, bainhira ita implementa programa no planu tuir tempu médiu no longu prazu, buat hirak ne’e sei la akontese, tanba ha’u haree iha planu ne’e, iha 2015 ne’e, maioria drainazen iha Díli ne’e ita atinji tiha ona, signifika katak, buat sira ne’e labele akontese ona, maibé prontu tanba natureza ne’e ita labele dehan katak labele mai. Ita-nia komunidade ba halo iha valeta no ba halo uma iha foho loloon sira ne’e, Governu nia esforsu atu komunidade labele halo uma ne’e rasik iha kala’e. Tanba uluk tempu Indonézia nian, ita halo uma tenke husu lisensa ijin membanggun rumah ne’e, agora Estadu ida halo ka la’e, tanba ita la’o kuaze tinan 20 ona, ita labele du’un sala de’it ba ita populasaun ne’ebé halo uma, sira mai iha Díli tanba sira nia nesessidades, tanba sira-nia kabun, ita mak tenke ordena katak, fatin ne’e la’os atu halo uma, ne’e la’os atu halo fahi luhan, ou fatin lamerese ema atu hela ba, hanesan mota Komoro ibun sira ne’e, atu halo uma karik halo iha fatin ne’ebé dignu, iha foho loloon ne’e, ema ta’a ai arbiru no sunu rai arbiru, maibé Governu halo saída, tanba ita lahalo prevensaun mak hanesan ne’e”, tenik deputada Fretilin ne’e.

Tuir dadus ne’ebé  Sekretáriu Estadu Protesaun Sivíl fó sai katak, husi tinan 2018 to’o mai tinan 2020 ne’e, iha família rihun 7.457 mak sai vítima ba Dezastre Naturais (DN), hanesan inséndiu no inundasaun.

Lee hotu :   Veteranus nia luta seidauk hotu, Xanana mak mata dalan

Husi dadus família vítima hirak ne’e, ba tinan 2019 nian, iha família rihun 3.698 mak Governu responde ona, maibé la inklui RAEOA.

No iha família vítima kuaze rihun 3.759 mak Governu planeia atu responde iha tinan 2020 ne’e, maske nune’e, tuir previzaun sei aumenta dadus iha 2020 ninian, tanba mosu inundasaun.

Husi dadus refere, seidauk inklui mós vítima inundasaun husi Munisípiu sira seluk.

Ba 2018 nian, Governu distribui ona rekonstrusaun ba iha dadus família 881, ne’ebé kompostu husi Munisípiu 8, Baukau, Manatutu, Vikeke, Aileu, Ainaru, Manufahi, Kovalima no Likisa.

Segunda faze ba 2018 nian, iha família kuaze 1.100, hanesan Lautem, Díli, Ermera no Bobonaro.

Maske nune’e, iha mós dadus balun husi Atauro nian mak falla iha 2017, tanba prosesa hela oinsa dadus sira ne’e atu bele hetan ho lolos fali.say 

Add to Comments Here!!!!

error: Content is protected.
Secured By miniOrange
You might also like:
Governu atribui sertfikadu nasionalidade Timor-oan ba sidadaun estranjeiru 129

Governu liu husi Servisu Rejistu Notariadu...

CNJTL: EA la’os solusaun rezolve impase polítiku ■Sujere Governu grande inkluzaun ba PR

Prezidente Konsellu Nasionál Juventude Timor-Leste (CNJTL-sigla...

Ofisial PNTL nain 4 partisipa misaun paz iha Sudaun Sul

Ofisiál Polísia Nasional Timor-Leste (PNTL) nain...

Close