JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN lamenta Prezidente RAEOA servisu de’it iha Díli

PN lamenta Prezidente RAEOA servisu de’it iha Díli

Reprezentante povu iha uma fukun Parlamentu Nasionál (PN), Noemia Sequeira, lamenta Prezidente Autoridade Reziaun Administrativa Espesiál Oe-Cusse Ambeno (RAEOA) no Zona Espesiál Ekonómia Sosiál Merkadu (ZEESM), José Luis Guterres, hafoin simu pose la halo servisu iha Oe-Cusse, maibé iha de’it Díli.

“Prezidente autoridade hela de’it iha Díli bainhira Sekretáriu Rejionál no Diresaun sira atu hetan despaixu, karta tenke haruka mai iha Díli prosesu ne’ebé kleur Prezidente RAEOA hela iha Díli, oinsa mak nia bele halo preparasaun ba situasaun emerjénsia ne’ebé agora akontese iha semana kotuk, iha fiskalizasaun halo husi komisaun G no komisaun F, maibé Prezidente autoridade rasik hela iha Díli. Preokupasaun ha’u nia mak ne’e sé akontese buat ruma, ha’u la hatene Oe-Cusse atu sai saída, iha Oe-Cusse mós Sekretáriu Rejionál no Diresaun preokupa, sira presiza atu hetan despaixu kontinua halo atendementu públiku povu iha Oe-Cusse, maibé sira hein semana  rua to’o fulan sira hetan despaixu, tanba karta tenke haruka mai Díli, sa’e aviaun no ró mai Díli”, reprezentante povu ne’e liu husi husi debate urjénsia ho ministériu sira kona-bá polemíka vírus corona, iha PN, Segunda (03-02-2020).

Nune’e mós, deputada bankada CNRT, Maria Barreto hateten, laiha prezensa husi Prezidente RAEOA ne’e, fó impaktu ba servisu profisionál saúde, médiku no funsionáriu sira ne’ebé servisu integradu iha RAEOA.

“Ha’u sekunda preokupasaun husi ha’u nia kolega deputada Noemia kona-bá prezensa Prezidente RAEOA, tanba la ho ninia prezensa fó impaktu ba servisu atu prevene vírus corona iha RAEOA, tanba to’o iha loron 1, fulan Febereiru ne’e, funsionáriu iha RAEOA laiha orsamentu, sira uza ba sira-nia saláriu vensimentu seidauk simu no orsamentu operasionál iha edifísiu mós laiha, ida ne’e mak sai preokupasaun presiza hato’o ba Prezidente RAEOA”, afirma Maria.

Lee hotu :   FRETILIN apresia Xanana rezigna-an husi kargu REGNFM

Relasiona ho kestaun ne’e, GMN tenta konfirma ho Prezidente RAEOA- ZEESM, José Luis Guterres, husi via telephone, maibé Prezidente RAEOA rezeita fó informasaun no delega kompeténsia ba Xefe Gabinete interinu RAEOA, Agostinho Caet.

Xefe Gabinete interinu RAEOA ne’e hateten, informasaun ne’ebé membru PN sira foti iha plenária ne’e laloos, tanba Prezidente RAEOA ba dala-rua iha Oe-Cusse hodi observa servisu, hafoin simu pose iha fulan tolu liu ba no maske Prezidente la aktivu servisu iha Oe-Cusse loro-loron, maibé sempre akompaña servisu iha Oe-Cusse.

“Ami hanoin liafuan ida nunka ne’e, ami hanoin sala karik, tanba hafoin simu pose konsege ba lidera isar bandeira, hodi halo enkontru ho entidade sira no natal hamutuk ho komunidade sira no razaun Prezidente seidauk ba RAEOA, tanba iha asuntu lubuk ida ne’ebé autoridade anterior husik hela ba autoridade agora presiza haree hanesan kazu ró haksolok ne’ebé sai preokupasaun ba públiku, rezolve asuntu finansiamentu iha dívida balun ne’ebé eis Prezidente RAEOA seidauk resolve. Dezafiu ne’ebé Prezidente RAEOA enfrenta kona-bá prosesu asesu osan iha banku, tanba eis Prezidente RAEOA laiha hand over ba Prezidente RAEOA atuál, sé mak asina dokumentu sira, ita tenke buka tuir, ita tenke konsulta ho Ministériu Finansas no autoridade relevante hanesan banku atu haree kontratu ne’e oinsa, alende Prezidente RAEOA, sé mak bele asina dokumentu, sé la rezolve, sei la asesu fundu husi autoridade iha banku “, tenik Agostinho.

Enkuantu Prezidente autoridade RAEOA-ZEESM, José Luis Guterres, simu pose husi Primeiru Ministru, Taur Matan Ruak,  iha tinan 2019 ne’e, hafoin simu pose Prezidente RAEOA, iha loron 28, fulan Novembru, partisipa serimónia isar bandeira, iha fulan Dezembru tinan 2019 han hamutuk ho populasaun Oe-Cusse, hafoin ne’e la ba Oe-Cusse to’o ohin loron, tanba presiza halo servisu administrasaun balun iha Díli. ety

Add to Comments Here!!!!

error: Content is protected.
Secured By miniOrange
You might also like:
Pasiente sofre mál nutrisaun sanulu baixa iha HNGV

Xefe Departamentu Kontrolu Kualidade, Hospital Nacional...

Kumpri períodu inkubasaun loron 14, Membru F-FDTL rua fila-fali ba uma

Hafoin kumpri períodu inkubasaun durante loron...

MDI alerta ba sidadaun Xinés, kona vírus corona labele tama TL

Ministru Defeza no Interiór Interinu, Filomeno...

Close