JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Problema inundasaun iha Díli, FRETILIN : governu tau planu urbanizasaun iha gaveta

Problema inundasaun iha Díli, FRETILIN : governu tau planu urbanizasaun iha gaveta

Reprezentante povu iha uma fukun Parlamentu Nasional (PN), Favião Oliveira, konsidera problema inundasaun kontinua akontese iha Díli, tanba governu falla iha planu urbanizasaun no planu refere tau iha gaveta de’it.

“Realidade hatudu bainhira tempu udan Díli no fatin seluk sempre afeta ba inundasaun, maske tuir dadus husi tinan 2011 governu  hari’i fundu infra-estrutura to’o tinan 2020, governu aloka ona hamutuk USD billaun 4 resin iha fundu infra-estrutura no gasta osan boot hahú husi tinan 2007 to’o ohin loron, iha tinan 2020 governu halo tusan hamutuk USD billaun 574,6 husi rai-liur, halo projetu infra-estrutura sira, maibé komunidade sira kontinua afeta ba inundasaun. Ita gasta osan billaun ba billaun, iha tinan 12 ne’e, ita nia Estadu hahú simu osan mai husi tasi Timor atu hadi’a ita-nia estrada valeta no infra-estrutura sira seluk, maibé iha tempu udan Díli sempre afeta ba inundasaun, hodi fó sofrimentu ba komunidade, estraga sasan  barak, tanba falla iha polítika públika, razaun problema inundasaun ne’e ohin loron ne’e, tanba governu ka’er ukun iha tinan 2007, halo servisu implementa planu urbanu ne’ebé primeiru governu FRETILIN lidera ba Díli no Baucau ne’e tau de’it iha gaveta”, deputadu husi bankada FRETILIN ne’e liu husi plenária, Tersa (04-02-2020).

Nia subliña katak, ho aktu hirak ne’e sidade Díli sai sabra’ut no rungu-ranga, maibé to’o ikus fó sala fali ba povu dehan, povu mak halo uma la tuir regras.

“Governu falla hamosu polítika urbanizasaun, laiha polítika regula abitasaun no garante kualidade ba povu nia hela fatin, autoridade no líder polítika sira fó sala de’it ba povu, maibé tuir loloos hala’o sira nia kna’ar ho di’ak, hodi hamosu polítika abitasaun no planu urbanu”, tenik Favião.

Lee hotu :   PR fo apoia masimu servisu Tribunal Rekursu

Hatán ba preokupasaun ne’e, deputada husi bankada CNRT, Bendita Moniz hateten, labele jeneraliza buat ne’ebé la di’ak, dehan di’ak no buat ne’ebé di’ak mós dehan la di’ak nafatin.

“Ha’u hakarak hateten buat ne’ebé di’ak, ita tenke hadi’a di’ak liu tan, buat ne’ebé seidauk iha ita buka atu hadi’a, ita atu suporta governu, sé de’it ita hotu hamutuk atu hadi’a”, tenik Bendita.

Ho problema hirak ne’e, FRETILIN hato’o ona pedidu ba meja PN hodi halo debate urjénsia ho governu hodi buka solusaun.

Entretantu tuir dadus husi Sekretáriu Estadu Protesaun Sivíl iha 2019 no 2020, família hamutuk rihun 7.457 mak sai vítima ba dezastre naturál ne’ebé kompostu husi vítima inséndiu no inundasaun. ety

 

Add to Comments Here!!!!

error: Content is protected.
Secured By miniOrange
You might also like:
AMD Sobu baraka iha Kampu Alor la koopera ho komunidade

Governu liu husi Autoridade Munisípiu Díli...

Loke jogu ilegál, TDD aplika pena multa ba arguidu na’in 3

Tribunál Distritál Díli (TDD), liu husi...

PN lamenta Prezidente RAEOA servisu de’it iha Díli

Reprezentante povu iha uma fukun Parlamentu...

Close