JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Lú Olo ho Taur tenke ba hasoru duni Xanana

Ramos Horta: Lú Olo ho Taur tenke ba hasoru duni Xanana

Eis Prezidente Repúblika, José Ramos Horta, hatete, atu hakotu impase polítiku iha rai-laran, Prezidente Repúblika (PR), Francisco Guterres Lú Olo no Primeiru Ministru (PM), Taur Matan Ruak, tenke hasoru malu duni ho prezidente partidu CNRT, Kay Rala Xanana Gusmão, hodi buka solusaun ba impase polítiku iha rai-laran.

Ramos Horta haktuir, normal ba Prezidente Repúblika  no Primeiru Ministru  ba  hasoru Xanana Gusmão, tanba Xanana  hanesan maun bo’ot ida.

“Normal, tanba ha’u uluk Prezidente  dala hira, ha’u nu’udar Prezidente  haluha tiha ha’u nia kargu Prezidente, ha’u ba avo nana nia uma uluk iha Lecidere ne’eba nia bolu ka la bolu, konvida ka la konvida, nu’udar maun  bo’ot ida, ha’u bele Xefe Estadu no Prezidente, mas Xanana nafatin maun bo’ot”, esklarese Ramos Horta ba Jornalista sira Sábadu (8/02/2020) iha Estudiu 2 GMNTV, Bebora Díli.

Laureadu Nobel da Paz ne’e  akresenta, hanesan iha Afrika do Sul, Nelson Mandela la’os Prezidente ona, maibé hotu-hotu rona nafatin Mandela, portantu Xanana bele la Prezidente no la Primeiru Ministru, mas tanba nia mak ema ukun agora, ho nia vizaun no matenek, no nia bo’ot liu hotu, tanba idade.

“Tuir  tradiasaun Timor nian, ema katuas liu ita respeita, tuir maun Xanana nia estatutu iha istória ita bele hakat ba nia uma no kantor para ko’alia, no Jeneral Lere nia deklrasaun iha razaun, Prezidente  Lú Olo, Taur Matan Ruak ho Maun  Xanana tenke hasoru malu”, hakotu Horta.

Antes ne’e mos, Xefe Estadu Maior F-FDTL Major Jeneral Lere Anan Timor mos prefere, Prezidente Repúblika, Francisco Guterres Lú Olo ho Primeiru Ministru, Taur Matan Ruak, tau lai kargu Estadu nian iha fatin tun ba hasoru maun Xanana hodi koalia ba malu, nune’e hakotu impase polítiku rai-laran ne’ebé dura ona to’o hin loron.

Lee hotu :   PTR husu entidade kompetenti kumpri rekomendasaun auditoria ZEESM

Xanana nia deklarasaun ba impase polítiku ne’e onestu

Eis Prezidente  Repúblika, José Ramos Horta hatete, durannte nia akompaña  intrevista Prezidente Partidu CNRT, Kay Rala Xanana Gusmão  nian iha studio 2 GMNTV Bebora Díli, nia konsidera deklarasaun Xanana nian ba impase polítiku iha rai laran ne’e, Xanana deklara ho matenek no  honestidade, hodi loke dalan ba líder polítiku sira tu’ur hamutuk, atu bele solusiona impase rai laran.

“Ha’u agaradese ba  GMN, ne’ebé konvida ha’u mai rona direta iha ne’e, ha’u gosta tebes, primeiru maun Xanana bele hatete brilliante,  nia resposta ne’e honestu, diretu, kona-ba situasaun ne’ebé ita moris dadaun, atravesa iha Timor Leste, nia ko’alia ho kalma, jornalista mós ke’e ba-mai, halo pergunta diak nu’udar jornalista profisional”, dehan Lauriado Nobel da Paz Ramos Horta ba Jornalista GMN, Sábadu (08/02/2020), hafoin remata akompania Prezidente Partidu CNRT iha entrevista espesial,  iha Estudiu 2 GMN TV, Bebora  Díli.

Nia afirma, saida mak hanesan  Xanana Gusmão, Prezidente nia interpretasaun ba nia poder konstitusional atu bele fó pose ka labele fó pose ba membru ne’ebé mai husi Primeiru Ministru ba VIII Governu ne’e, hanesan CNRT bele esklui aan husi koligasaun foun ruma.

“Labele, ita hotu tenke buka solusaun ida diak ba rai ida ne’e,  tenke maun bo’ot Xanana Gusmão elementu CNRT mós partisipa, ne’e duni ha’u mós fiar ita-nia Prezidente Repúblika ema  ida matenek, diak  humilde  mais luta,  nia mós sei haree hanoin didiak, tanba ne’e mak nia halo diálogu hodi  konsulta, sei ba to’o konselhu Estadu, ha’u fiar sei iha solusaun ida,  hein ké partidu bo’ot sira,  lidér bo’ot sira hanesan, Maun Xanana, Mari, Taur Matan Ruak ema ida ne’ebé diak tebes sira sei tu’ur hamutuk, para haree tinan 3 mai ne’e, saida mak bele  halo”, realsa Horta.

Lee hotu :   HORTA HUSU ESTADU TULUN TRABALLADOR TIMOR OAN IHA KOREA

Eis Xefi Estadu ne’e akresenta, projetu bo’ot iha tasi mane,  ho krize mundíal ekonomia,  finansas  ho problema bo’ot iha Xina tanba moras, sira nia ekonomia tun, Timor tenke haree  didiak,  tanba impaktu ba mundu ne’e hotu-hotu, tanba Timor Estadu ida frazil.

“Ha’u  rona maun bo’ot  Xanana ko’alia ho  honestidade matenek, vizaun hatete buat barak ne’ebé uluk ha’u hatete ona, maibé ha’u kontente tanba  nia la taka,  hanesan  Prezidente, ka Sekretariu Jeral Partidu FRETILIN no seluk, loke  dalan  para hotu tu’ur para hetan solusaun ida que labele esklui maun  bo’ot  Xanana labele esklui  CNRT”, hatutan Ramos Horta.

Horta fundamenta, tuir rasiosiniu Xanana nian katak, CNRT labele halo parte iha koligasaun foun ruma, tanba CNRT hatete 100 porsentu sertu seguru, ké Prezidente la fó pose, entaun eleisaun antesipada CNRT manan maioria absoluta, tanba governu la fó pose.

“Buat ne’e kestaun  de prinsípiu, em que konstituisaun hatete, Prezidente hili Primeiru Ministru ne’ebé partidu mais votado koligasaun, no fó pose ba governu ho proposta, so proposta ne’e siginifika katak, taxa tivu, so proposta la’os  rekomendasaun, sé rekomendasaun Prezidente tuir ou la tuir, se mak fó naran ba formasaun governu, mak Primeiru Ministru, entaun sé prinsípiu ida ne’e  konseitu ita la konkorda malu para ké eleisaun antesipada CNRT manan bo’ot karik, ita fila ba problema ida ne’e, ne’e duni ha’u rasik la fiar ké solusaun mak eleisaun antesipada, Prezidente sei buka solusaun ida ké hotu-hotu tama”, tenik Horta.

Xanana: Lú Olo mak abut husi impase polítiku

Eis Prezidente Repúblika, Kay Rala Xanana Gusmão, hatete katak, abut husi impase polítiku iha rai-laran dura to’o agora ne’e mai husi Prezidente Repúblika (PR), Francisco Guterres Lú Olo, tanba rejeita fó pose ba membru Governu CNRT ninian atu bele kompleta estrutura membru VIII Governu.

Lee hotu :   HAKOTU IMPASE POLÍTIKA, MAUN BOOT NAIN 3 TENKI DIÁLOGU

“Abut husi impase polítiku ne’e husi Prezidente Repúblika tanba rejeisaun la fó pose ba membru Governu husi CNRT nian”,dehan Xanana tan.oly

 

Add to Comments Here!!!!

error: Content is protected.
Secured By miniOrange
You might also like:
Xanana Gusmão: Solusaun “justa no democrática liu” Eleisaun Antesipada

Prezidente Partido Congresso Nacional de Reconstrucão...

Suku Manelobas “halerik” ba eletrisidade, estrada no bee moos

Komunidade sira iha Suku Manelobas ,...

FRETILIN defende demissão de Taur

O Vise-chefe da Bancada do Partido...

Close