JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: Solusaun “justa no democrática liu” Eleisaun Antesipada

Xanana Gusmão: Solusaun “justa no democrática liu” Eleisaun Antesipada

Prezidente Partido Congresso Nacional de Reconstrucão Timorense (CNRT), Kay Rala Xanana Gusmão, hatete, CNRT sei laiha hanoin atu partisipa iha governu foun, maibe fó hanoin katak dalan diak atu solusiona impase polítiku iha rai-laran ho “justa no democrática liu” maka Eleisaun Antesipada.

Xanana Gusmão hato’o lia hirak nee iha programa Grande Entrevista iha GMNTV, Bebora, Sábadu (08/02), hodi koalia kona-ba situasaun polítika ne’ebé nasaun ne’e enfrenta durante ne’e.

Atu hatene líder Partidu CNRT ne’e nia opiniaun no reasaun kona-ba situasaun polítika iha rai-laran, le’e pergunta no resposta sira ne’ebé jornalista GMN, Expedito Dias Ximenes  hala’o ho Kay Rala Xanana Gusmão tuir mai ne’e.

GMN : Maun Boot foin fila husi rai-liur no ami rona katak, antes maun boot atu ba rai liur, maun boot simu konvite husi Prezidente Repúblika, atu hasoru iha palásiu prezidensial, maibe Prezidente rasik mos fo hatene, katak maun boot hakerek deit karta ida no karta ne’e, Prezidente rasik fó sai ba públiku, karik maun boot bele esplika took ba póbliku kona-ba kestaun ida ne’e?

 

Xanana Gusmão: Los duni katak hau simu karta husi excelencia Prezidente Repúblika atu ba hasoru no ha’u hakerek ba excelencia Prezidente Repúblika, atu dehan de’it katak momentu ne’eba ne’e ha’u la konsege ka laiha disponibilidade, tamba ha’u prepara-an hela atu ba Londres, ba hasoru ita nia advogadu sira ne’ebé ajuda Timor-Leste hasoru Australia.

Ho problema advogadu sira, probelam ne’e boot oituan, tamba kada sira ka kada ida, kaer kazu ida idak no ida fali kaer kazu seluk. Husi Amerika Latina, husi Sentru Amerika, problema mos iha Afrika, ne’e maka ami tenke konbina malu ho antesidenti ida, fulan 6, fulan 4 mas sira kansela iha ne’e, no kansela ne’e bele halo ami hasoru malu dala ida, lae susar teb-tebes wanhira hasoru ida por ida.

Tamba ne’e maka ha’u dehan ba Prezidente da Repúblika, ha’u mos tenke preparadu hodi ba ko’alia ho sira, tamba wanhira ita la preparadu, ita ba rona deit ne’e mak ha’u fo hatene ba Prezidente, deskulpa mais ha’u la ba, tamba buat ne’e nudar sidadaun ida simu kna’ar boot ida hodi servi ita nia rai.  Hau mos hetan problemas ho Indonesia hanesan mos uluk ho Australia ho ConocoPhillis, no buat nee laos fasil, komu ne’e mak ha’u okupadu hela hodi konsentra hela ne’e mak ha’u husu deskulpa ba Prezidente da Repúblika ha’u la ba ida, tamba ha’u tenke fo hatene kona-ba prosesu ne’e, tamba dezafius ne’e iha ne’ebé, ninia problema ruma nee iha ne’ebé, ehhh hodi nune ikus fali mai kuandu ha’u fó hatene ba Prezidente da Repúblika iha progresu ona ka nusa hodi nia bele komprende, ne’ebé ha’u hakerek duni surat ne’e ba.

GMN : Ha’u mos akompaña iha media, katak maun boot ba hasoru, Ministru koodenador polítiku seguransa ho Ministru Negóiu Estranjeiru, saida mak maun boot diskuti ho entidade rua ne’e.?

Xanana Gusmão: Iha nesesidade atu ba hasoru ministru no ita hatene katak komu ministru foun, ita mos bele komprende, katak dala ruma lahatene antesidenti kona-ba negosiasoens, tamba ne’e mak ha’u hatan hodi ba hasoru.

Hau bele dehan katak ha’u kontenti teb-tebes, tamba fó oprtunidade mai ha’u atu fó hatene ba nia ka fó lembra ba nia, katak Fronteira Terestre tinan 16 tiha ona, depois ha’u fó tuir difikuldades progresus no fó hatene ba nia mos katak iha Oe-cusse iha de’it segmentu rua ka tolu, ne’ebé  so falta ida ne’e de’it nia rona, nia ponta sira seluk mos aponta, ami k’oalia ho diak, no ha’u kontenti tamba nia rona tiha ona.

Depois nia dehan katak sim muito bem, agora ba nia dehan ita boot koalia de’it ho ministra, karik iha problema ruma mak ita rezolve, ne’ebé diak teb-tebes no ha’u kontenti liu, tamba nia dehan se bele tinan klaran ne’e ita bele rezolve ona rai fronteira nian.

Portanto tenke iha kontaktu ko’alia ba malu, husi kampu perspektiva legal, direitu internasional, tama direitu internasional orienta ita atu diskuti ne’e tratadu Holanda ho Portugal, sira hahu iha 1890 depois 1894 mak fiksa ona, tamba nee maka ha’u tenke to iha ne’eba para hodi haree kona buat sira ne’e hotu, no tuir mai ha’u ba hasoru duni ministra no ami esplika ba malu.

No alende  ne’e mos ha’u temi mos katak tamba ita iha fronteira rua ho indonezia, fronteira marítima rua ida Oe-cusse ninian no ida rai boot ninian, ne’ebé ami koalia ba malu hanesan buka justa, hodi nune ha’u mos kontenti, tamba ministra dehan muito bem ekipa teknika husi Fronteira Terestre se bele mak karik bele book-an dadauk ona, no ha’u mos aprezenta ita nia hanoin katak  se bele iha fulan Maio ne’e ita hahu ona negosiasaun formal kona-ba Fronteira Maritima.

GMN : Ita hotu-hotu senti katak ita iha hela impasse ne’ebé naruk iha ita nia rai laran, maun boot preokupa ka lae ho impasse ida ne’e?

Xanana Gusmão: Klaru preokupadu no ha’u hanoin katak nu’udar Timor-oan ita hotu preokupadu , tamba haree ba situasaun hanesan ne’e hare ba oin ba kotuk, sorin maka ha’u hakrak fó lembra de’it katak karik iha Timor-Leste nia laran balun seidauk fó fiar ba organizasaun intergovernamental ne’ebé hanaran G7+ nee agora nee bele haree ona katak iha duni nesesidade atu ita konsidera-an nafatin, tamba notisia diak ida mak nee G7+ konsege iha Dezembru tinan kotuk 2019 konsege ninia estatutu nudar Observador Permanente Nasoens Unidas nian, ne’ebé diak para atu kontaktu Nasoens Unidas hodi hadia Nasoes Unidas hodi fo apoiu ba nasoens sira ne’ebé ita temi dehan frazil.

Hau la temi katak Timor-Leste sei Estadu frazil, no kontestu de situasaun de estadu frazil iha rai barak G7+ iha hanesan iha Afrika  no nasaun sira seluk, ne’ebé hau la temi ita to’o iha neba, ita liu tan oituan ona husi neba, maibe atu fo lembra ba sosiedade katak iha ita nia prosesu konstrusaun do Estadu, nee ita labele nega katak ita sei iha hela frazilidade, kona-ba atu konsolida ita nia instituisaun Estadu. No frazilidade ida ne’ebé hatudu katak iha kampu polítiku governasaun ne’ebé hala ekonomia la lao karik ida nee hatudu Estadu frazil oituan karik.

Hau atu fo hatene iha reuniaun G7+  ninian dala ruma ami mos koalia kada Estadu ida idak husi membru sira ne lao oinsa, no ami mos temi kona-ba situasaun iha Guine Bissau Dr. Ramos Horta nia iha neba nudar representante espesial Sekretariu Geral ONU nian no nia kmos kompriende saida mak akontese no situasaun ne’ebé ne’ebé araska duni kada tinan.

No DR Ramos Horta nia tempu ajuda sira halo primeirus eleisoes demokratiku, mas depois de ida nee mos, ami deskonfia iha G7+  diskuti nee tamba sa nee tamba sa ? no ami haree katak konstituisaun Guine Bisau  nee ninian diferente ho ita nian, tamba konstituisaun Guine Bissau  fó poder liu ba Prezidente atu interfere iha governu, mas ita nian lae, tamba nee mak hau husu ba sosiedade intelektuais para iha koñesimentu global ida frazilidade.

GMN : Oras ne’e dadaun, liu-liu ita haree ba impasse ne’ebé la’o dadun ne’e, se ita akompaña sosiedade oras ne’e dadaun ezije diálogu, tanba sa maun boot la halo mos diálogu ?

Xanana Gusmão : Se ita temi kona-ba diálogu iha buat barak mak ita halo ne’ebé ida ne’ebé loss, ok diak se koalia kona ba diálogu situsaun aktual iha lideres balun ne’ebé hatetet katak Taur agora sai vítima ba CNRT nian,  se Taur sai vítima ba CNRT nian, oinsa mak CNRT bele halo diálogu ho partidu seluk no hau senti partidu sira agora loke matan ona, hodi dehan halo diálogu mas ami dehan deskulpa, tamba ami lakohi sai vítima CNRT ninian, ne’ebé diálogu kona saida tan?.

No antes de hau sai, hau rona katak Primeiru Ministru ba hasoru Prezidente da Repúblika no sai mai dehan katak buat hotu no fim nee buat hotu entrega ona ba Prezidente da Repúblika atu rezolve tuir konstituisaun.

Nudar Prezidente partidu ida, hau fiar katak sua excelencia Prezidente da Repúblika halo ita nia Konstituisaun ho Asembleia Konstituiante iha 2000-2002 nia hatene liu konstituisaun ke ne’ebé iha, hanesna kona-ba ninia kompetensia no  tuir Konstituisaun da Repúblika Demokratiku Timor Leste nian.

GMN : Maun boot koalia kona ba deklarasaun Primeiru Ministru nian hafoin hasoru przidenti da Repúblika, Primeiru Ministru hatete katak deputadu CNRT mak baku mate AMP iha dia 17 de Janeiro no maun Taur Matan Ruak mak hakohi iha loron 20, maun iha komentariu kona-ba ida nee ?

Xanana Gusmão: Hau mos hakfodak, antes hau sai nee, tamba hau mos la haree mas ema mak dehan, no hau rona katak iha jornais rua hanesan jornal STL no ida maka Jornal Diario ne’ebé publika akta de reuniaun alargada do konsellu diretivu AMP nian, ne’ebé sira halo iha 14 de Janeiru, ne’ebé iha neba nee konsellu husi AMP nee forma reprezentantes partidu tolu nee hotu, ne’ebé hau rona ida nee, no iha neba hau senti katak se deit maka le jornal nee bele hatene se mak oho AMP, se iha akta ne ita komprende didiak nee laos deputadu CNRT maka oho.

Ne’ebé hau tenke dehan katak hau hakruk ba deputadu sira, tamba sira iha parlamentu representante povu ne’ebé hili sira desde 2017 to’o agora no hau buka akompaña, deputadu CNRT iha neba laiha ida mak koalia mangame, ne’ebé aumesmu tempu naran koalia deit, mas hatudu sira nia maturidade politika ida nee halo ami partidu kiik CNRT senti katak ami iha kbiit, hatudu nia  koñesimentu iha aspetu legal, aspetu finansial no mos importante liu hatudu katak husi 2017 nia kompriende,Sistema ne’ebé governu kaer nee harii hela.

Tuir hau nia elusiu ba deputadus ba hau nia partidu, maibe atu dehan deit katak laos sira mak oho, tamba akta nee mak hatudu lolos, ka akta ne hatudu katak laos deputadu CNRT mak oho, no akta nee importante, tamba iha neba mos hatete katak abut ba impasse polítiku nee, tamba rezeisaun husi Prezidente da Repúblika  atu fó pose ba membru CNRT hodi bele ho Oitavu governu kompletu, nee tau hotu iha neba no asina husi reprezentante PLP, reprezentante KHUNTO, ho CNRT sira koalia, nee laos uniku reuniaun, AMP iha reuniaun bebeik, ne’ebé iha neba atu hatudu katak, aliansa nee laos aliansa ida dehan katak pronto no fim do mandatu mak ida nee, lae, maibe koalia nafatin bebeik no neneik, kona-ba problemas iha governu kona-ba problemas saida mak ita hasoru.

Mas ida nee hau lahatene, mas hau konvida hotu-hotu para hodi ba iha akta nee reuniaun alargada no konsellu diretiva da AMP iha 14 de Janeiro, ida nee mak foin hatudu katak abut ba impasse polita mak rezeisaun husi Prezidente, tamba maioria Oitavu do governu atu ba nee, maioria membrus lahatene buat ida, deskulpa mas iha inesperiensia atu ukun.

GMN : Primeiru Ministru iha dia do seguinte enkontru ho Prezidente Repúblika, iha seguintes Primeiru Ministru fó sai katak ita agora iha governu “too governu foun mosu”, atu sai husi impase ida nee maun boot CNRT iha  hanoin bele forma governu foun ida ?

Xanana Gusmão : Hau bele dehan perguntas ne’ebé  interesante, maibe difisil, mesmu hau laos jurist, maibe tuir hau nia hanoin, hau laos konstituisionista ka hau mak gere konstituisuan, maibe tuir hau nia kurize atu iha governu foun, hau senti katak Primeiru Minsitru tenke rezigna-an ou se laiha, hau hanoin katak iha 60 dias konta husi 1 de Janeiro Prezidente tenke halo buat ruma, karik dissolve parlamentu ne’ebé iha governu foun ka oinsa nee hau lahatene, tamba hau laos konstituisionista, jurista, mas hau tenke dehan ba publiku katak CNRT sei la hanoin atu partisipa iha governu foun.

GMN : Maun boot iha enkontru Prezidente Repúblika halo forsas polítika iha Parlamentu Nasional, CNRT sekretariu jeral lori mos maun boot nia karta ba iha Prezidente kona-ba situasuan atual ka impasse ne’ebé agora atravessa dadaun, karik maun boot hanesan Prezidente CNRT  bele hato’o took ideia saida mak maun bo’ot hato’o iha karta nee?

Lee hotu :   TL adere ba ASEAN, hein desizaun husi nasaun 10

Xanana Gusmão :Ohin hau esplika tiha ona tamba sa mak hau la ba, mas por kazu Prezidente halo favor bo’ot ida mai hau ne’ebé dehan katak bele hato’o hanoin ruma. Ne’ebé tuir hau nia analiza, hau hato’o katak CNRT la halo parte integral iha Oitavu governu, segundu Oitavu governu hatudu ona katak laiha kbiik, laiha kapasidade atu kaer ukun, mas Prezidente da Repúblika hasoru malu ona ho Primeiru Ministru hasoru ona ita boot no sae fali mai dehan katak CNRT laiha ona no mos entrega ona buat hotu hotu ba Prezidente da Repúblika atu haree tuir konstituisaun RDTL, no iha neba mos hau hakerek katak  CNRT labele senti-an ka labele aprezenta alternative ba solusaun ruma, tamba CRT iha serteza absoluta katak nia atu aprezenta solusaun ruma mos ema sei la fo pose, nee mak dehan esklui- an, tamba iha serteza absoluta.

GMN : Tanba sa mak CNRT iha devér atu bele rezolve impase polítiku ida ne’e?

Xanana Gusmão : La’os CNRT mesak mak iha dever, CNRT sei la book-an atu forma governu foun, tamba partidu iha razaun bo’ot ida, iha akta reuniaun alargada konsellu diretivu AMP nian iha dia 14 de Janeiro husi reprezentantes partidu tolu nian hotu, temi katak CNRT nia ema nain 9 la toma pose nee tinan ida ho balun tiha ona, tan nee CNRT hatene katak atu forma governu foun karik ho se- se deit ninia ema sei labele toma pose, tamba nee maka CNRT iha serteza absoluta ida nee, katak nia ema sira labele toma pose, tamba nee maka CNRT labele halimar fali halo diálogu.

GMN: Karik maun boot, artigu 106 , se ita bele haree lalais, maske maun boot , ohin hateten laos hatene lei maibe artigu 106 a linha 2 , hatete katak Prezidente nomeia e fo pose,  liafuan nomeia ne’e interpretasaun jurídiku oin-oin  maun boot?

Xanana Gusmão: Número 2, os restantes membros do Governo  são nomeados pelo Prezidente da República só Proposta do Primeiro Ministro. Iha VI Governo iha problema ho Prezidente Repúblika Taur Matan Ruak, tamba ida ne’e. Chefia Militar sob proposta. Prezidente la iha dehan ha’u hakarka ne’e, hakarak ne’eba la iha.

GMN: Ita sei haklean ida ne’e?

Xanana: Haklean mais lalika diskuti ho ha’u tamba ha’u kaer deit ida passagem sira uluk ne’e hodi ne;’e dehan katak só proposta. Hatene katak Primeiro Ministro mak apresenta , laos ida, beou.., ha’u hakarak ida ne’e lai. Ne’e iha Guine-Bissau. Prezidente da República iha Guni-Bissau ou hasai iha mandato 5 anos, 4 Primeiros Ministros ke iha ne’e la fó fatin.

GMN: Ohin maun boot koalia konabá  certeza absoluta, tamba sa maka maun boot bele dehan iha certeza absoluta? Ita ba iha ida ne’e?

Xanana Gusmào: Ha’u iha certeza absoluta tamba sa? Ne’e ha’u ladun lembra ona, parese ke iha Jullu nia laran ona atu fó pose buat sira ne’e hotu. Prezidente República depois de simu husi Primeiro Ministro ne’ebe inesitado husi AMP  ho lista ne’ebe menos Governo lori ba nia reseita ou rekusa atu fó pose ba ema lubuk ida, liu-liu husi CNRT, I ha’u bolu sira iha caso ka lae? I temi dehan ne’e tamba sira iha casos hasoru justiça. Ha’u bolu sira, sira dehan lae, lae. Ó Iha notificão ruman husi Ministério Público I sira dehan lae. O ida ne’e, ida ne’e, ida ne’e ha’u nian nian uluk, ha’u nian uluk mais problema la iha ona, nune’e.

 Pronto, atu bele iha  certeza ha’u hakerek ba Prezidente do Tribunal, ha’u hakerek ha’u husu dehan favour ida fó hatene, fó hatene took bá ha’u se karik maka nia haruka lista ida-idak la iha iha buat ida, lae la iha buat ida. Ha’u husu fali bá sira, tamba kuando ita atu dehan katak ita iha on caso ne’e Ministério Público mak tenke dehan ka lae. Ministério Público notifica ona imi? Dehan lae, ami la iha. Muito bem!

Ami hakerek ba Prezidente da República haruka certiões por ida-ida bá Prezidente da República dehan katak sira lá iha buat ida, la book an, dehan katak caso ne’e injustice, hodi ha’u lembra katak husi Parlamento ka deputados CNRT nian hakerek bá Minitério Público atu husu dehan caso iha ne’ebe, agora la hatan.

Ora bem! Prezidente da República depois rona katak nia husu bá Primeiro Minitro dehan tok ba atu bele pondera ne’ebe ha’u mos lahatene Português be ha’u  husu pondera ne’e sa ida? Pondera ne’e katak tau fali ema seluk. Ha’u dehan katak lae, desculpa ida nene sa problema.

GMN: Pondera ne’e hateten katak  haree fila fali?.

Xanana: Oh, haree fila fali. Ne’ebe ami haree fila fali, maibe haree nafatin. Ami dehan katak lae, ami mos iha prinsipiu, ami mos iha dignidade, ami dehan lae, tamba dignidade partidu. Demokrasia iha tamba partidus, se ita nia Parlamento Demokrata, partidus iha ne’eba, iha nia dignidade, iha nia misaun, ne’ebe ita lable dehan partidu seluk ne’e, entaun tenke fó valor ba partidu, ó atu ki’ik to’o iha ne’ebe ou o atu boot to’o iha ne’ebe hanesan, dignidade hanesan.

Mais ami koalia ba malu hanesan fó hanoin ba malu, hosi surat, hosi buat sira ne’e hotu, ha’u atu dehan deit ida ne’e, se mak estuda, ha’u la estuda, ha’u nian liceu 5 ano Dr. Fransisco Machado. Se mak estuda Direto hatene katak iha normas juridika ida dehan a presunçao de inocência, ami hakerek ba dehan katak fó pose sira, iha problema karik ami hasai para lori ba Tribunal, ne’emos lae. Tamba ida ne’e maka CNRT dehan iha absoluta certeza. CNRT labele book an agora inpedido, nia atu ba ita forma Governo o nia ema sira sedauk toma pose, ne’e certeza absoluta ne’ebe ami iha.

GMN:  Maun boot foin fila husi rai liur, maibe iha jornal balun publika katak Primeiru Ministru maka lakohi Prezidente da República fó pose, laos Prezidente mak lakohi fó pose, hatene ida ne’e? rona ida ne’e?.

Xanana Gusmão: Ha’u mos foin fila be ha’u la hatene. Dehan fali nune’e ka? Maibe, ha’u buka atu kapta ita boot nia koalia ne’e, maibe, karik buat ne’e los ka verdade ka hanesan hotu nune’e, karik nune’e, entaun ha’u atu dehan fali laos deputado CNRT mak oho AMP, karik fila ba Jornal be ohin temi ne’e dehan katak:

GMN: La’os prezidente mak lakohi, maibe Primeiru Ministru mak  husu?

Xanana Gusmão: Mak ida ne’e duni. Tamba ida ne’e, labele dehan katak deputado CNRT mak oho AMP, ne ka lae?

GMN: Ne’ebé se los mak oho?

Xanana Gusmão : Be ida ne’e dehan tiha ona. Jornal, ha’u la fiar ha’u lahatene , ha’u sei dauk lé, mais ita boot dehan katak jornal mosu hanesan ne’e, ha’u dehan ha’u la hatene verdade, entaun se mak oho? Se mak oho AMP,  lahos deputados CNRT, akta reuniaun ne’e klaru teb-tebes, ne’e mos klarifika liu tan karik verdade , ha’u ladehan katak ha’u fiar, ha’u seidauk lé, ita boot mak fó hanoin fali buat ida ne’ebe ha’u lahatene.

GMN: Maun boot, oinsa ho CNRT nia hanoin atu rezolve situasaun ida ne’e? Oinsa CNRT nia hanoin karik CNRT bele hamutuk ho FRETILIN hodi forma Governo?

Xanana Gusmão: Ha’u tenke hanoin kleur ne’e tamba ha’u tenke kordena ha’u nia hanoin ne’e para bele atu responde ita boot. Primeiro, ha’u hakarak esklarese bá povu tomak , ha’u hakru’uk bá partidu FRETILIN, partidu istoriku ida ne’ebe mosu kedas iha 1974 não é, imi seidauk moris karik. 1974 lori povu hetan ukun an iha 1999 no mos partidu ida ho maioria absolutism ne’e iha assembeleia constituinte no Primeiro Parlamento, ne’e iha assembeleia constituinte ne’ebe ha’u hakru’uk teb-tebes.

Ha’u atu dehan katak ho CNRT, kuitado partidu ki’ik oan ida, partidu foun ida ne’ebe foin mak mosu iha 2007, no mosu deit iha 2007 agora ne’e nia ema sira mesak korupsi hotu, barak tama ona kadeia ou 2 mil, 3, mil, 4,5 mil dólares ne’ebe julgamento iha Tribunal mos lá hatudu lo-los ne’e la’o di’ak ka la’o lá di’ak .

Prontu partidu ki’ik ida, partidu foun ida, nu’udar prezidente partidu ki’ik hanesan CNRT, ha’u sente diferença boot teb-tebes entre partidu istoriku ho ne’ebe mosu kleur ona ho CNRT ne’ebe iha ona ukun an nia laran mak buka hanesan hetan anin polítiku uituan ka lae?

Tan ne’e maka difisil bá ami CNRT , ami lakohi kedas atu todan fali bá  FRETILIN n’ebe istoriku ne’e, ne’ebe ha’u tenke esklarece ba publiku konabá ida ne’e  no CNRT I balun dehan katak ho CNRT nia beik ten I ami mos konkorda, ho CNRT nia beik ten ne’e maka nasaun agora mai to’o iha impasse polítiku sira hanesan nene.

Pronto, ha’u rona katak Primeiru Ministro dehan katak CNRT mak sunu kareta AMP. Se CNRT sunu kareta AMP, ha’u fiar teb-tebes iha ha’u nia laran katak FRETILIN lakohi katak ami ba sunu FRETILIN nia kareta, ne’e deskulpa, ne ka lae, ami sunu ona kareta husi AMP, agora ba lori fali FRETILIN hamutuk fali, ami sei sunu FRETILIN nia kareta.

GMN: Mais para sustentabilidade Governasaun, karik  CNRT ho FRETILIN ne’e ideal atu hakotu impase polítiku ne’e?

Xanana Gusmão: Desculpa ha’u tenke koalia, tamba ita temi diferensa sira ne’e hotu para ita atu haree dehan katak buat ruma entre partidu rua ne’e, I ha’u tenke dehan katak partidu CNRT iha esperiensia lahos ki’ik I lahos Kaman ho FRETILIN ne’e ha’u tenke temi hanesan ne’e. Konabá kestaun soberania nasaun, iha debate iha Parlamento Nasional konabá tratadu foun ratifika deit. Tratadu foun konabá fronteira ho Australia, partidu historiku ne’e hatudu katak labele duni hamutuk ho CNRT.

Partidu istoriku FRETILIN  husi hahu debate to’o fim, vota contra. Prezidente do Parlamento foun no fim ita kontente hotu, kontente hotu tamba ita manan iha Australia, tamba ita manan maioria ratifika tratadu ne’e, Prezidente Parlamentu konvida deputados hotu-hotu, publiku, audiensia, ita hamrik fó onra ba herois sira, temi Nicolau Lobato, sira tur kontra.

Agora ha’u atu esplika ida ne’e problema bo’ot ne’e. Problema de prinsipiu, lideres FRETILIN, Prezidente do partido, Sr. Lu-Olo, Secrtério do Geral Sr. Mari Alktiri tuir prosesu ne’e husi hahu. Ha’u sei Primeiro Ministro beik ten boot ida mais ha’u sei Primeiru Ministru iha V Governo, ha’u bolu bá Lecidere Ramos Horta, Fransisco Lu-olo, MarI Alkatiri, ha’u lori bá tamba ami halo hela prosesu ida preparasun, diskusaun, debate buat sira ne’e  hotu, fó hatene ba boot na’in tolu ne’e katak  ita iha ona ita nia preparasaun atu obriga Australia hodi tur iha mesa hodi koalia konabá buat ne’e, tamba sira rekusa bei-beik.

Fó hotu, fó hatene vantage, desvantegem oin nusa, ita atu la’o buat sira ne;e hotu I mos ha’u temi tan katak caso sira sadap ka sira rona tau aparelho hodi deteta ou espionagem ne’e hahu dehan mos ida ne’e bele sai buat foun ida para lori sira ba arbitragem, konbá buat sira ne’e hotu hodi forsa Autralia, ne’ebe husi hahu ida ne’e, tamba hotu-hotu simu ida ne’e maka ami mai ho konkordansia ba VI Governo, hodi hases an ba.

Primeiro Ministro Rui Maria de Araújo kuando ami komesa ona konsiliasaun nia kria konsellu konsultivo ida, laos loron-loron, semana-semana, fulan-fulan, mais bainhira ami ba iha negosiasoes ne’e  iha konsiliasaun konvokasoria ho Australia ne’e kuando iha problema foun ida kadificuldades ruman Primeiro Ministro Rui Maria de Araújo  konvoka  konsellu konsultivo iha ne’eba  Dr. Ramos Horta, Dr.Lu-olo, Dr. Mari Alkatiri,enginheiro  Estanislau, Enginheiro Hernani barak, membros Governo sira ne’ebe relevantes iha hotu ne’eba ami fó, dalaruman bolu advogados sira husi liur ba esplika di-diak, akompamnha prosesu ne’e.

Agora atu asina akordo Nova-Iorque ninian ne’ebe asina hanesan draft ida iha HAIA iha Olanda ne’eba halo tiha draft atu bele asina tenke haruka mai Governo tenke aprova textu i  VII Governo, Governo FRETILIN ninian haruka textu ne’e, texto acordo ne’e ho anexos hotu-hotu I ita nia advogados sira maka mai esplika hotu, VII Governo e Conselhos Ministros aprova  textu ne’e ho apêndice ho anexos sira ne’e hotu maka fó hatene bá  Secretario Geral, fó hatene bá Constituiusaun consiliaçao dehan katak aprovado tiha ona, ida ne’e mak  halo ke nomeia agente do Estado Agio Pereira ba assina,…, iha ne’eba akompanha hotu.

Lee hotu :   Assanami apela, Timoroan labele tula ibun ba lideransa nasional

Agora ba deskuti kestaun soberania dehan katak ..kontra. Kestaun de soberania , ne’e FRETILIN vota kontra, ne’e mak halo ha’u dehan ne’e, ohin ita bo’ot husu  bele hamutuk ho FRETILIN ne’e kestaun do prinsipiu, tamba CNRT maka sira vota kontra, tamba ha’u ne’e ema dehan  katak ba buka oin deit , ida ne’e problema bo’ot.

GMN: Ha’u hakarak hatutan, ida maun bo’ot koalia ne’e  bele dehan katak  assunto seluk ida . Maibe agora dau-daun maun boot ita iha impasse nia laran maun boot. Bele dehan katak jornal ?

Xanana Gusmão: Ita boot lá  fo importansia bá soberania nasional, fó  fali importansia bá fahe cadeiras bá hetan poder . Desculpa,…, se la fó importansia bá soberania nasional  e Prezidente iha konstituisaun dehan katak  defende garante soberania nacional, fó fali importansia ejije fali ha’u haluha tiha ida ne’e  para dehan katak oh imi fahe malu kadeira  para o bá tur iha Governo. CNRT, FRETILIN partidu istoriku, ha’u lá adora mais ha’u hakru’uk .

CNRT partidu ida ki’ik buat sira ne’e hotu. To’o kestaun hanesan nene, lae, ita dehan katak ita kria partidu atu buka  deit poder. Desculpa, agora , ha’u mos rona, lahatene  los ka lae dalaruma(na..na.)…, dehan katak oh FRETILIN sei la buka  atu koalia ho ema se-se deit. CNRT lakohi fó todan bá  partidu seluk  ne’ebe lakohi sai aitonka. CNRT iha nia posisi lakohi sai aitonka ba partidu sa ida deit, ne’ebe ha’u atu dehan karik  katak , Prezidente da República  maka  nia mos hatene ona katak kami esklui an husi alternative sa ida deit ne’e ita entrega ba Prezidente da República atu hare ka lae, atu koalia ho  partidus ka?, koalia ho líderes ka?.

GMN: Maun boot, koalia konabá  informasaun ne’ebe la’o e  bele dehan katak jornal balun ne’ebe ohin ita koalia katak Prezidente da República mos hakarak hanesan confessa buat ruman bá maun.?

Xanana Gusmão: Ha’u laos na’i lulik, desculpa, madre mos ha’u lae  apalagi na’i lulik .

GMN: Konfesa ne’e signifika katak atu hateten buat ruma ba interesse  nasional ?

Xanana Gusmão:  Hateten sa ida?

GMN: Karik hateten konabá problema sira ne’ebe CNRT sempre tau tomada de pose, konabá ohin karik  iha buat ruman ke Prezidente hakarak hato’o bá maun boot Xanana iha kontextu ida se mak lakohi semak  hakarak?

Xanana Gusmão: Atu confessa , be ha’u hakerek surat  ba nia, haruka por cada ida katak la iha buat ida, até promote dehan katak  fó pose bá iha kazu karik ami  sei hasai bá responsabliza konbá Tribunl buat sira ne’e lá iha ida. Oh! Atu dehan deit mai ha’u katak ai los duni, tamba buat ida be atu konfesa ne’e, dehan katak, ne’e halo ha’u hanoin nune’e, se lider boot ida, funu na’in  hanesan jeneral Taur Matan Ruak bele ba dehan bá Prezidente dehan  labele fó pose I nia tuir. Se lider boot liu jeneral Taur Matan Ruak mak dehan bá Prezidente dehan bolu sira mai halo Governo foun mas labele f´pose, CNRT tenke halo tuir deit ya pa.. ya pa.. demokrasia mak hanesan ne’e.

GMN: Mas se karik maun boot, se hamutuk ho FRETILIN karik bele toma pose?

Xanana Gusmão: What? Ha’u koalia inglesh uituan, tamba ha’u foin mai husi Londres be, What?. Ita boot Sr, Expedito keta atu sai bulak ona karik? Di’ak liu fila ba Manatuto bá suru boek bá han tiha bá para sente isin Kaman uituan. Ho AMP  labele toma pose, tamba mesak korruptus, ho fali FRETILIN  Prezidente da República bele fó pose, tamba FRETILIN dehan tenke fó pose.

What? Ha’u haree ona, ha’u komesa komprende ita bo’ot nia hanoin ida be, hanesan fali boek ne’e atu sa’ ona bo’ot liu fali boek. Oh! Taur mak lakohi, maibe se FRETILIN ba, FRETILIN dehan ba Prezidente  tenke fó pose,

Waow.. ne’e ha’u tenke dehan nu’udar Prezidente partidu ki’ik, partidu beik ten, partidu  lahatene ukun buat sira ne’e hotu, CNRT ami sei lá aseita. Ami sei la aseita tamba, se ho AMP besik tinan rua nia la fó pose, tamba koruptus ba fali ho FRETILIN dehan bele fó pose, ami tauk maka ami estraga fali FRETILIN, ami hanorin korupsaun, ami hanorin buat sira ne’e hotu, mais la di’ak ida, la di’ak tamba sa? . Tamba iha mesagem ofisial ida ne’ebe hotu-hotu hetan dehan katak la fó pose atu Prezidente sei la fó pose tamba  buat sira ne’e hotu, kazu iha justisa, atu  garante kredebilidade nasaun nian. Labele haluhan ida ne’e, atu garante kredebilidade nasaun nian.

Agora ho AMP korupsaun CNRT nian bele estraga kredebilidade nasaun  nian, mais se loke dalan, loke fali odamatan seluk ho fali FRETILIN, taka tiha matan ba korupsaun, kredebilidade nasaun nian tau tiha iha Gaveta ka?

Ita boot hanoin ida ne’e ka lae?. Ho AMP dehan la fó pose, ami dehan sira la iha problemas ne’e para garante kredebilidade nasaun nian, tamba ha’u Prezidente da República . Agora ita boot loke dalan ita hanesan iha ne’e diskusaun ida, dehan katak bá fali FRETILIN bele fó pose, kreadibilidade nasaun  nian vale ho AMP ho fali ho FRETILIN, CNRT ho FRETILIN ona kredebilidade nasaun nian.

GMN:  Karik iha Diálogu iha konsensu balun atu ba interese?

Xanana Gusmão: Desculpa, kredebilidade nasaun lahos diálogo. Kreadebilidade nasaun husi liur haree, kuando ita temi kreadebilidade nasaun ne’e  komunidade internasional haree, waow.. ho AMP koruptu ho fali FRETILIN ne’e taka tiha matan, ne’e kreadebilidade iha ne’ebe?  Ida ne’emak ami tau bá problema I ha’u  fiar sei la akontese. Ha’u fiar katak Prezidente da República aman bá nasuan i buat ne’e sei la akontese.

GMN: Foin dau-daun Jeneral Lere iha deklarasaun abertu bainhira nia halo visita ba iha Munísipiu, nia koalia abertu I foin hasoru Prezidente Republik mos nia koalia dala ida tan iha nia deklarasaun imprensa, katak di’ak liu  Prezidente Repúblika Dr. Fransisco Guterres Lu-Olo ho Primeiro Ministro maun jeneral Taur Matan Ruak tau ses tiha lai sira nain rua nia kargu Estadu nian ba buka maun Xanana hanesan maun ho alin. Oinsa komentariu maun nian?

Xanana Gusmão: Ha’u respeito jeneral Lere ninia hanoin, mas tuir politik ida ke la hun la dikin hanesan ha’u. Atu dehan deit, …, katak nasaun ne’e pertense ba ema hotu ou lideres boot n’ebe jeneral temi ne’e, Prezidente Repúblika, Primeiro Ministro, sira nain rua mak iha responsabilidade ba povu, ba Estadu atu resolve impase ne’e , hatene tamba sa?  Tamba Prezidente da República kaer instituisaun ne’e  bo’ot liu Estado nian, Pimeiro Ministro kaer instituisaun, sira nain rua mak reprezenta Estado, sira na’in rua mak iha legitimidadeatu turr hodi koalia, hodi resolve, ho fali ha’u, mai buka fali ha’u  atu halo sa ida? Nene’e mak ita temi hanesan dehan katak waow.. Ha’u fora do Governo, ha’u sidadaun komum ida biasa hanesan bai-bain, derepente reprezentantes orgauns soberania Estado.

GMN: Maibe maun boot, ema hotu temi maun boot hanesan aman bá nasaun ?

Xanana: Erro bo’ot ida Sr, Expedito. Ha’u aman ba nasaun, ne’e ita bo’ot bulak ka lanu?.koalia konabá aman, ha’u bele konta ha’u nia  istoria, bele ka lae? ‘’Antes de funu ha’u iha oan  rua, feto ida mane ida. Mane oan servisu la iha, baruk ten bo’ot ida tamba la iha kualidade ba ida ne’e, ne’ebe badiu hela.

Depois de funu ha’u iha oan tolu. Bo’ot liu ne’e naran Alex hotu-hotu kunhese ou balun la konhese. Alex agora 19 anos. Nia para tiha nia eskola, foin Secundária, temi karik dehan foin SMA, la kompleta tan  nia para hatene  servisu iha restorantene’e tamba tenke buka moris. Tamba sira ida mos halo part time ho organizaçoes balun ne’ebe, agora ho ha’u nia oan deit rasik ha’u labele tau matan ona,ha’u aman ba nasaun  ne’e.

GMN: Maibe maun boot Veteranu  ida mos, maun boot. Mundo tomak hatene Maun Xanana, maun Veterano?

Xanana Gusmão: Ita bo’ot sala. Lei kombatebtes de libertasaun nasional dehan katak se maka konsidera an partisipa iha funu ba rezista an , hodi prova nia halo saida-saida, hodi hetan nia titulu nu’udar Veterano no hetan kondekorasaun.

Momentu ida ne’eba ha’u haree, eipa ha’u halo lerek sa ida? Ha’u nia partisipasuan funu ne’e minima teb-tebes , ha’u ba rejista an halo sa ida? Komu ha’u la rejista an, lakohi, tamba ha’u nia partisipasau iha funu minima teb-tebes, ha’u laos veteranu, labele temi ha’u veteranu .

GMN: Mais é povu Timor-Leste hotu hatene, mais como pode ser maun boot?

Xanana Gusmão: Pode e deve, tamba Lei. Ema sira be estuda lei ne’e, buat ki’ik bo’ot lei. Se sira dehan Lei, ita hakru’uk ba Lei. Lei iha Timor lei mak as liu iha ne’e.

GMN :  Maun boot ita hanesan lao dok oituan ona, ita fila fali ba matéria ohin kalan nian. Ami mos rona katak simu ona convite foun ida atu ba partisipa iha reuniaun líder sira nian iha Palasiu Prezidensial, Oinsa ho Maun Boot nia simu no Pozisaun Maun Boot nian?

Xanana Gusmão: Sim, hau simu dunik. Hau simu no hau lee, Prezidente informa katak rona tiha oan Conselho do Estado, rona tiha ona Partidos ho Asento Parlamentar, rona tiha ona Konsellu Veteranos, rona tia ona Sosiedade Sivil ho organizasoens oi-oin, rona mos Entidades Religiosos oi-oin. Portanto ita bele dehan katak; rona ona kamada boot ida iha ita nia sosiedade boot ida ne’ebé bele fo hanoin ba  Prezidente da Repúblika.

Prezidente da Repúblika nudar chefe do Estado, no agora aman ba Nasaun, defensor ba Constituisaun RDTL, garante ba soberania no Estabilidade Nasional, garante ba funsionamentu regular institusoens Demokratikas nian.

Depois de rona segmentu sira nee hotu, hau fiar tebes katak; Prezidente da Repúblika iha ona nia persepsaun Global ida, Objektiva katak; “ hatene lolos ona realidade nee saida nian”. Hau fiar mos katak  tuir kompetensia konstitusional ne’ebé nia hetan  no hamahon hela ita tomak, hau fiar katak Prezidente  sei hasai solusaun ne’ebé ‘’hau tenke dehan; Justa no Demokratika”. Tambá mak hau temi bei-beik “Demokratika” ?  Se ita nia rain ka Estado naran ‘’Repúblika Demokratika’’ entaun solusaun tenke ser Justa no Demokratika.

GMN : Se hanesan nee, pozisaun Maun nian ba iha konvite ida nee mak hanesan Maun Boot Explika nee? ka bele ba Partisipa?

Xanana Gusmão : Ema barak ona, hau fiar katak Prezidente iha ona persepsaun. Mas Conselho do Estado nee mak hau hanoin órgão ne’ebé diak, laos fali bolu hanesan kolegas-kolegas nee.

GMN : Dala barak iha opiniaun Públiku, balun sempre hateten kauza hosi impasse nee, maka : bele maun boot?  Bele CNRT ? Tamba dala barak sira sente dehan katak iha poder informal iha Estado nia leten ? Maun Boot iha komentario ba ida nee?

Xanana Gusmão: Hau la komprende saida mak poder informal, at liu mak dehan fali iha Estado nia leten. Prezidente la fo pose ita hotu hakruuk, ne’ebé laiha ida fali iha fali Estado nia leten. Nudar Prezidente do partido, ohin hau dehan tiha ona, se Orsamentu  fou-foun hatama  iha parlamentu,  hau dehan katak hau tenke  hakruuk  no Louva , apresia teb-tebes Partido deputados bankada CNRT nian. Tambá hatene  ho ninia maturidade politika hatudu katak;  nia hatene konstituisaun,  hatene Lei, hatene Finansas, hatene sistema. Tambá se hau la sala, hau bele dehan CNRT Partido ida que la hatene ukun, hau tenke dehan nunee tambá nee mak husu apoio husi  Partido sira seluk, hau mos rekonhese.

Kuitado partido ida foin mosu. Ita haree hosi 2007 too 2015 ita haree parado hela, Dili kuitadu at boot liu.  So depois de bolu tan FRETELIN  mai ajuda ukun iha 2016 ida nee mak ita mos bele buat sira nee lao iha SETIMO GOVERNO no agora OITAVO GOVERNO. CNRT uluk nee halo lerek buat saida? La halo buat ida.  Hau rona, CNRT la hatene ukun, mesak koruptus, ne’ebé ami simu no ami halo konferensia ida. Tambá ; ita la hatene ukun, tambá ita mesak koruptus agora ita opozisaun, prontu agora demokrasia. Mas poder informal,  significa saida? Katak iha remot Kontrol?

Lee hotu :   AMP: Laiha poder informál iha VIII Governu • La nesesáriu halo diálogu ba fahe poder

GMN : Poder informal ne’e katak la tama Estrutrutura maibe manda liu fali ?

Xanana Gusmão: Hau la manda, se hau manda karik hau nia ema sira toma pose tiha ona. Iha Estado nia leten hau manda karik, hau nia ema sira toma pose tiha ona. Mas como hau la manda, hau laiha poder informal iha Estado nia leten ami simu hela dehan Pasensia.  Agora partido representa  iha ninia programa , representa intereses povo nian mak ba tur iha neba. Ne’ebé buat ida solusaun agora nee, hau senti nee laos “poder informal” maibe nee “analize informal” iha akta reuniaun alargada ne’ebé mosu iha… DIARIO nee, dehan iha neba; “representantes partidos tolu (3)  mak tau programa iha neba programa AMP nian.

Katak; programa nee laos hau nian, hau ba kaer governo agora , programa Governo nian. Ida uluk-uluk nian,  agora nee hau nian. Ne’ebé hau ladun hanesan iha konfiansa katak partidu sira seluk menus CNRT hamutuk hotu ba sira sei han malu ida bulak rai.  Tambá primeiro sira tenke iha programa hamutuk. Mas partido ida mak hetan Primeiro Ministro, too ba nee prontu nee hau nia programa, hau nia programa oin seluk.

Programa aprova tiha hosi parlamentu too iha neba dehan fali lae, tambá nee mak ami ekslui an lakohi tan problema iha neba, ate sunu tan partidu seluk nia kareta. Ne’ebé poder informal nee komprende hosi hau nee, hau partido funcional iha parlamentu iha neba deit. Sira halo buat ruma liu, ohin hau temi tiha ona. Halo komisaun ida dehan; hau rona katak haruka ba Ministério Publico, Prokura Jeral dehan fó sai tok buat nee oin nusa, como la mosu ami nonok. Ne’ebé poder informal nee oin nusa ?

GMN : Iha  situasaun ida agora,  hanesan Prezidente ba partido CNRT ita bolu hanesan Maun Boot . Iha hanoin ruma liu-liu kona ba situasaun ita agora hasoru. Hanoin ne’ebé povo bele sente katak ida nee mak los, tamba povo presija dezenvolvimentu, povo presija saúde diak, povo presija estrada, bee moos, eletricidade. Oinsa maun nia hanoin atu ita bele rezolve ou soluciona ho impasse polítiku ida nee?

Xanana Gusmão: Ohin ita mai hosi analize informal, agora husu fali ba hau kona ba hanoin ruma buat sira nee hotu. Hau nia laran taridu no fuan tuku-tuku fali. Hau nia fuan tuku-tuku nee tambá hau nia analize informal barak sei la gosta, nee beik ten.

Hanoin informal nudar sidadaun comum ida, sidadaun hanesan ho sidadaun sira seluk, hau la hatene iha valor ga lae?  Bele ajuda ga lae? Tambá informal teb-tebes. Tambá hau laos bolu malu hodi soluciona. Ida nee mak bele dehan katak; “poder informal”  mais lae  hau la soluciona. Hau buka enkoraja tok hau nia an rasik, membranikan diri fo hanoin ida ne’ebé hau hatene katak laiha liu iha valor.

Hanesan, tuir hau rona, foin hau mai ho táxi , condutor dehan maun hau hosi Maussiga, Maun Boot uluk iha neba? Hau dehan los dunik. Agora nee ami susar teb-tebes. Ne’ebé hau atu dehan karik nee foin daudauk nee. Atu dehan katak Oitavu Governo laiha dunik kapasidade atu kaer nafatin ukun, tambá provoka daudauk ona Ekonomia tun demais.

Iha setor Privado barak ne’ebé taka, la selu tan trabalhadores. Hakarak faan kareta laiha ida sosa tambá, atu baratu too iha ne’ebé mos hau sosa tiha Parado iha ne’ebé? Tambá hau laiha osan atu sosa mina ba tau iha kareta. Ne’ebé ita haree buat sira nee hotu, hau mak halo konfuzaun informal ida, katak; Oitavu Governo laiha dunik, iha akta reuniaun alargada nee dehan; tamba maioria inexperiente hotu.

Hau tenke rekonhese katak Primeiro Ministro entrega tomak ona ba Prezidente da Repúblika atu buka ka fo solusaun. Tambá Prezidente Repúblika nia jura atu defende konstituisaun no ejize ba sidadauns hotu-hotu atu tuir konstituisaun. No mos Prezidente Repúblika sai hanesan garante  ba estabilidade no garante ba funsionamentu regular das institusoens democráticos. Nee Prezidente Repúblika nia funsaun dunik. Ita dehan katak prezidente atu rona, rona. Mais tenke iha hanoin ida ona tau ba, nee analize informal, laos poder informal.

Se ita haree ba situasaun Politika,  buat ida impasse Polítiku mais buat ida iha ninia fatin politika ida, ita koalia-koalia hela nee. Iha politika ida dehan katak AMP mate ona no hakoi tan tiha ona, nee ba hau significa katak; iha Parlamentu Nasional AMP la ejiste ona, tambá CNRT ses an tiha oan.

Quanto mais, deputado CNRT mak oho se nia oho tiha ona , halo nusa mak ita bele hamutuk tambá mate tiha ona. Nee katak  Koligasaun ida AMP nee laiha ona. Menus CNRT, tambá ohin hau temi bei-beik ona, CNRT atu tama Governo ida nee, tama ho ida neba nia ema sei la toma pose.

Ita ba halimar fali forma Governo. Ne’ebé menus CNRT, Partido sira seluk mak tenke buka malu, ka koalia ba malu, laos hau atu ba halo Diálogu . Dehan tiha ona CNRT iha certeja absoluta ho sese deit nia ema sira sei la toma pose. Buka seluk? Lae nee ami nia kompetensia. Poder informal nee mak dehan; “o nia kompetensia nee hau mak manda “ nee formal tan. Tambá iha Estado nia leten o tenke hili ema sira nee.

Ohin mos hau temi tiha ona katak hau dehan tiha on aba Prezidente CNRT eksklui nia an  ba atu fó alternativa, CNRT tenke sai hosi nee. Atu ba fó alternativa saida? Ou imi hamutuk… eih o mai manda hau? Ida nee mak poder Informal nee.

Ne’ebé CNRT eksklui nia an ohin hau esplika tia ona, ho Governo se se deit. Governo foun nee laos ho ami ona, hotu tia ho Governo foun ba too iha neba la toma pose. Como CNRT eksklui tiha nia na ba ida neba , ita husu ba sira ne’ebé ema moos hotu, santo, sira nee mak buka took malu ba hodi haree took hodi forma Governo oinsa. Hau dehan fila fali CNRT la hatene ukun, lahatene ukun mak bolu partidu sira mai ajuda, ikus ona bolu tan FRETELIN mai ajuda. Se CNRT la hatene ukun, ba estraga fali ema, hanorin tan korupsaun ba ema, buat sira nee hotu. Haree didiak ba ita nia cenário politico, hau bele hanoin hanesan nee partidos haat (4) kiik iha neba, sira nain haat  labele hamutuk tambá laiha maioria Parlamentar.

Tambá ida nee hotu, CNRT sente katak sem impedido atu halo parte integral iha governo foun ho sese deit, no ita atu temi karik dehan katak; fatin, loron to’o ona. Tambá CNRT iha situasaun hanesan nee, nee laos influensia, maibe nee analize informal ida , Partido Historico ho sira ba, nee maioria absuntisma. Ne’ebé ba took ba, no hau fiar katak ho tan sira hamutuk hotu, ita nia rai nee sei lao kapaz.

Tambá hau tenke rekoñese hau nia Partido kiik ida, Partido foin mak mosu buka kadeiras, la halo buat ida too agora, nunee hela deit, koruptu naok osan barak, 3000, 4000, no tama kadeia. Prezidente rona ona Konsellu Veteranos, Conselho do Estado, Conselho Relijiosos, Sosiedade Civil, buat sira nee hotu. Hau hanoin katak Prezidente Repúblika sei iha presepsaun “objektiva”katak; hatene lolos buat sira nee hela iha ne’ebé ou oinsa. Para bolu Partidu seluk, atu koalia ba malu hodi forma Governo foun karik. No ida nee tuir hau nia analize informal, ida bele sai hanesan solusaun Demokratico ida, ho ida nee mak ita haree took.

Mas ida fali, ita haree took kona ba Governo inkluzaun, laos problema fasil ida. Tambá primeiro tenke depende ba partido ida-idak, laiha regra ida dehan katak o tenke tama, depende ba partido ida-idak. Ohin temi CNRT hanoin oinusa? Buat sira nee CNRT iha problema ida nee,  nia atu inkluzaun ka, Eksluzaun ka Formasaun, koligasaun ka, Aliansasaun ka, nia ema sei la toma pose.

Se nunee entaun, ami labele sai hanesan alternativo ida atu fo solusaun. Ami labele dehan; ami lae beh, imi mak halo, nee mos lae, labele liu nee poder informal. Agora hau nia anilize informal sira nee mak hatudu obsoens sira nee, alternativo sira hanesan nee. Ne’ebé karik, no fim Prezidente haree ba tambá rona ema barak ona, segmentos importantes hotu no ita nia sosiedade no agora atu rona tan líder sira. Prezidente haree katak solusaun laiha, tambá partido sira.

 Agora ho problema ida sai vitima ho problema ida dehan; sunu kareta halo  hotu-hotu tauk ona. Se laiha karik  konsensu  iha partido sira seluk (Laos CNRT ona) , hau sente katak dalan solusaun ba solusaun “JUSTA NO DEMOKRATICA” maka Eleicoes Antessipadas.

Nee tuir CNRT nia hanoin, tambá ami aprende português oituan iha ditado ida dehan nunee; ‘’Para Grandes Malis, Grandes Remedios’’ nee analize informal.

GMN : Se Maun Boot hatoo Cenario rua ida ohin, hanesan Prezidente Partido CNRT no hanesan Maun Boot , hanesan ema ne’ebé merese respeito. CNRT prefere cenário ida primeiro ou segundo?

Xanana Gusmão: Iha primeiro CNRT Eksklui tiha ona katak sai tiha ona. Sai tambá sa ? iha absoluta certeza nia ho FRETELIN mesak, nia ho Partidos hotu-hotu. Iha Inclusão mos nia ema sei la toma pose. Tambá Prezidente da Repúblika  tenke Menjaga katak; garante kredibilidade nasional, tambá  ema CNRT mesak koruptos. Tambá nee labele tama.  Atu responde ita boot, ba CNRT ba ami deit. Ba imi hotu nee poder informal. Analize informal hosi CNRT ba ami mak eleisões Antissipadas maka dalan los “ Justa no Demokratico”. Tambá ita Republica Demoktratika de Timor-Leste.

GMN : Maun Boot fó menssagem ida ba povo tomak, liu-liu kona ba ita nia situasaun? Fó mensagem ba ita nia jovem sira no inan-aman sira?

Xanana Gusmão : Inan-Aman sira, Jovem sira, Katuas-Ferik sira. Situasaun nee husu ba ita atu kalma. Laos deit ita nia rain mak iha problema sira hanesan nee, iha fatin barak no iha mundu tomak, iha rai sira ne’ebé demokraticos kleur tiha ona hanesan iha EUROPA. Hau fiar problema nee sei la lori ita ba rai kuak, ho ida nee mak hau husu ba jovem sira ho kalma, lalika soran malu, lalika hatene malu dehan hau partidu ida nee no partidu ida neba. Husik ba instituisões do Estado Soberania nian atu rezolve no ita fó fiar ba Prezidente da Repúblika, fó fiar ba Governo, ba Parlamentu, ba Conselho do Estado.

Hau sinte katak foin temi no Prezidente rona tiha ona segmentos importantes iha ita nia sosiedade comissões religiosas no buat sira nee hotu. No nia agora  iha kbiit ona para atu hasai solusaun ruma, ne’ebé husu ba jovem sira kalma. Ita iha ita nia vida laran, dala ruma ita moras, dala ruma ita kolen, dala ruma ita baruk, dala ruma ita ativo, ne’ebé hanesan hotu. Nee duni maka husu ba hotu-hotu ho kalma hein ita nia Estado ida.

Ohin hau temi tiha ona dehan; “Frakejas”  frakejas nee bele mosu iha fatin hotu-hotu, rai sira agora demokrasia makas mos iha problemas. Problemas mais nunka tun ba iha violência, nunca tun ba iha baku malu, nee lae. Ita hotu husu took ba Maromak, primeiro garante estabilidade iha ita leet, labele hateke ba malu hanesan inimigo fali. Ita hotu Timor oan, iha Problema ita buka hodi ajuda instituisoens Estado  atu rezolve. Ita fiar katak ita sei bele rezolve instituisões Estado. Ho calma ita lao ba oin. ***

 

Add to Comments Here!!!!

error: Content is protected.
Secured By miniOrange
You might also like:
Suku Manelobas “halerik” ba eletrisidade, estrada no bee moos

Komunidade sira iha Suku Manelobas ,...

FRETILIN defende demissão de Taur

O Vise-chefe da Bancada do Partido...

Bolseiru 17 husi Wuhan-Xina fila mai TL, MS sei kontinua halo observasaun ba sira

Diretora Jerál Prestasaun Saúde, Ministériu Saúde...

Close