JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana: TL-Austrália hakotu disputa FM bele sai ezemplu ba nasaun seluk

Xanana: TL-Austrália hakotu disputa FM bele sai ezemplu ba nasaun seluk

Xefe Negosiadór Prinsipál Fronteira Marítima no Terrestre, Kay Rala Xanana Gusmão, hatete, esperiénsia negosiasaun Timor-Leste konaba rezolve disputa Fronteira Marítima (FM) ho Austrália bele sai ezemplu ba nasaun sira seluk.

Kay Rala Xanana Gusmão hato’o nia diskursu espesiál iha forúm rejionál ASEAN Ne’eb’e hala’o husi Ministériu Negósiu Estranjeiru no Kooperasaun iha salaun Ministériu Finansa Ai-tarak Laran, Díli, Kinta (27/2/2020).

Forúm rejionál ne’ebé hala’o durante loron rua ne’e hodi koalia konaba rezolusaun ba disputa no direitu tasi nian.

Iha nia diskursu Xanana hateten, Timor-Leste hetan fronteira marítima permanente ho Austrália ne’e hanesan pasu ikus ida hodi luta ba soberania kompleta.

Tuir Xanana konkista ne’e hanesan testamuñu ida ba povu Timor-Leste ne’ebé aten barani hodi hili prosedimentu ida ne’ebé ema nunka uza antes ne’e.

“Ha’u fiar katak susesu konsiliasaun obrigatória nian ne’e bele sai hanesan ezemplu ba nasaun sira seluk ne’ebé iha situasaun hanesan. Tuir lenda, ami Timor-oan ne’e avó lafaek nia bei oan bainhira nia hakotu iss, nia isin fila an ba Timor, meik iha nia kotuk sai foho, no tasi mak fatin ikus ba nia deskansa. Timoroan barak depende ba tasi ba sira nia moris loroloron. No dezenvolviementu ekonomia azul no indusutria petroleu ida bazeia ba rezerva

mina no gas iha tasi-kidun sei apoia ba ami nia ekonomia iha futuru. Atu atinji ami nia mehi ba soberania politika no ekonomia, no realiza kapasidade nasaun nian tomak, ami presiza soberania ba tasi no rai maran. Tamba ne’e mak delimitasaun fronteiras marítimas permanentes ne’e importante tebes ba ami no tanba ne’e mak ami nia disputa no Austrália ne’e signifikante tebes. Dezde ami nia independensia iha 2002, Austrália lakohi atu konkorda ba fronteira marítima ida tuir lei internasional. Ida ne’e husik hela ami ho dalan ida deit

Lee hotu :   KM aprova proposta OJE 2020 billaun USD 1.950 • Millaun USD 459 ba kapitál dezenvolvimentu

mak atu haree ba konstituisaun tasi nian, konvesaun Nasoen Unidas nian konba lei tasi nian hodi hetan solusaun ida”, subliña  Xanana Gusmão.

Xanana mos hatete, Timor-Leste sempre apoia maka’as ba orden, regra no sistema insternasionál ne’ebé komunidade husi nasaun barak tane ho aas. Líder nasionál ne’e mos reforsa tan katak, luta ba fronteira marítima ne’e nia rezultadu, tuir lei internasionál no justu ba povu no nasaun.

Forúm Rejional ASEAN diskute peskaria no ambiente

Xefe negosiadór prinsipal Fronteira Marítima no Terrestre, Kay Rala Xanana Gusmão, defende Jestaun ba rekursu naun petrolífera sira iha tasi-laran no mos kontente tanba forúm rejional ASEAN (Association of South East Asia Nation) tau importánsia ba peskaria no ambiente.

Eis Prezidente Repúblika, Kay Rala Xanana Gusmão hato’o lia hirak ne’e durante nia diskursu iha forúm rejional ASEAN ne’ebé hala’o iha salaun Ministériu Finansas Ai-tarak Laran Díli, Kinta (27/2/2020).

Líder nasional hateten, ema liu husi biliaun 3 mak sira nia moris depende ba tasi inklui Timor-oan sira. Alén de ne’e esplorasaun ba iha rekursu tasi nian makas

liu ona no tasi nakonu ho poluisaun no nakonu plástiku.

“Hanesan nasaun barak, protesaun ba ambiente tasi nian ne’e importante tebes ba Timor-Leste nia desenvolvimentu sustentável. Timor-Leste hanesan membru ida ba Coral Triangulo, servisu hamutuk ho nasaun vizinho sira hodi proteje ekosistema espesial ida ne’e no espesie 3.000 iha nia laran. Iha ita nia tasi feto, Ombai ho Wetar Straits hanesan dalan ba baleia sira- inklui baleia azul- nune’e mos ikan boot sira seluk. No iha USAID nia peskiza ikus-ikus ne’e hetan katak Ilha Ataúro nia koral mak ho biodiversidade liu iha mundu. Ha’u hein katak ita boot sira balu sei iha oportunidade bele ba nani hodi haree ami nia koral no ikan tropikal nian. Iha Junu hau sei partisipa iha ONU nia konferensia Oceanu 2020 iha lisboa. Ida ne’e oportunidade ida hodi aprezenta Timor-Leste nia vizaun konaba-azul no ami nia planu hodi atinji SDG14”.dehan Xanana Gusmão.

Lee hotu :   Komisaun D konsidera dívida sai problema Governu

Reprezentante espesiál Governu Timor-Leste ba ekonomia azul ne’e mos louva no kosidera importante tebes ba ema nia moris objetivu dezenvolvimentu sustentável ONU nian atu konserva no utiliza rekursu sira iha tasi laran ho didi’ak.

Xanana Gusmão mos sei levanta kestaun mudansa klimátika ne’e iha forúm mundial ne’ebé deit mak nia partisipa.Oct

 

Add to Comments Here!!!!

error: Content is protected.
Secured By miniOrange
You might also like:
Padre Ruben Martines husu sarani jejun hodi hametin fiar iha família

Padre Ruben Martines, Dominikanu,husu ba sarani...

PN la realiza plenária, Fó impaktu ba ajenda importante sira

Vise Prezidente Parlamentu Nasionál (PN), Maria...

Xefe Suku Kaikoli husu Governu halo manutenusaun ba valeta

Xefe Suku Kaikoli, Hipolito Margues, husu...

Close