JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Debate osan falsu ho MDI, FRETILIN abandona plenária

Debate osan falsu ho MDI, FRETILIN abandona plenária

Bankada FRETILIN, Tersa (10-03-2020) abandona plenaria konabá osan falsu ne’ebé virál iha média sosiál.

Tuir Xefe bankada FRETILIN, Aniceto Guterres, asaun ne’e akontese, tanba kestaun ne’e rumoris no sensitivu. Tan ne’e, tuir Aniceto, Ministériu Públiku (MP) mak iha kompeténsia ba kestaun ne’e.

“Krime osan falsu bai-bain akontese iha rai, ita-nia kazu krime ida ne’e, krime organizadu, kuandu informasaun sai agora dau-daun sei iha investigasaun ita la konsege kombate rede nia husu tulun, to’o nia autór intelektual ita labele hetan, sé problema tanba informasaun bocor ne’e, basta ita halo rezolusaun ba Ministériu Públiku (MP), MP prosesu ida ne’e, tanba ne’e sensitivu, la presiza ita mak ko’alia iha ne’e to’o ona, ita ko’alia tanba saída mak bocor hotu hala’i ba subtánsia, entaun  ida ne’e loos ou la’e, debate oras ida alastra ba hotu iha ne’ebá, sé ita husu MDI no Polísia Nasionál Timor-Leste (PNTL) ba halo investigasaun iha Indonézia, ita husu mak PNTL de’it ka, investigasaun polísia Indonézia ni’an mak PNTL kolabora iha Indonézia, ita bele deskonfia PNTL, maibé kestaun prosesu justisa ni’an”, Xefe bankada FRETILIN ne’e liu husi ninia intervensaun iha plenária.

Nia akresenta, kazu refere sensitivu, tanba ne’e liga ho nasaun seluk, la’ós fatin ida iha nasaun ida nia laran, nune’e presiza halo rezolusaun ba MP hodi prosesa.

“Ha’u konkorda ita halo rezolusaun ida haruka ba MP hodi prosesa no razaun saída mak informasaun refere fó sai iha MedSos, liu-liu facebook, sé la’e informasaun alastra rede ne’e envolve ema barak ita la konsege detekta sira seluk eskapa ona”, hatuir Aniceto.

Husi sorin seluk, Xefe bankada Congresso Nacional Reconstrução de Timor (CNRT), Duarte Nunes, hateten, relasiona ho kazu refere, antes ne’e komando PNTL buka ona no asegura  katak, dadus refere la’ós  mai  husi ekipa ne’ebé PNTL  haruka ba  Indonézia.

Lee hotu :   Orsamentu sosa asaun Shell seidauk prevé iha OJE 2019

“Ita la asegura, la fó informasaun ne’ebé loos ba Polisi Republik Indonesia (POLRI) dalaruma tempu seluk ema lakohi servisu hamutuk ho ita, tanba ita hetan dadus, ita públika iha ita-nia rai ida ne’e mak ami preokupa dehan sei investiga iha tempu seluk, bele fó kredibilidade PNTL, ita kaer nafatin nasaun viziñu halo intendimentu ho ita, fiar katak ita hetan dadus, maibé ita asegura to’o nia prosesu hotu mak foin sai ne’e normal, tanba   julgamentu liu ona nia hetan pena ona. Kona-bá kazu refere laiha esplikasaun, ema barak bele iha asumsi katak, PNTL nia ema sira mak fó, sé laiha esplikasaun konvense, bele iha dalan seluk, ema hanoin PNTL la professional. Ho ida ne’e, ami preokupa, karik iha intensaun di’ak bele husi kolega sira, ami la hanoin atu bolu mai atu investiga instituisaun, maibé justifika, tanba haruka ekipa lori mai hetan dadus públiku iha média, ema seluk uza ba interese polítika“, afirma Duarte.

Deputadu bankada Partido Democrático (PD), Adriano do Nascimento, lamenta ho deklarasaun Ministru Defeza no Interior (MDI) interinu, Filomeno Paixão, tanba konsidera vídeo ne’ebé virál iha MedSos hodi temi líder nasionál nia naran ne’e hanesan rumoris.

“Ema sira ne’ebé temi ita-nia líder sira-nia naran ne’e rumoris, de faktu Timor-Oan na’in hira, ida tama ona rede kriminozu hodi halo falsifikasaun osan dólar, faktus segundu POLRI kaptura ona no ita-nia polísia sira mós ba ona iha ne’ebá, hodi sai sasin katak, ema rua ka tolu tama ona iha detensaun. Faktu mós hatudu katak, vídeo ne’e virál iha MedSos ema hotu hatene no rona, ema na’in hira ne’ebé polísia ka’er ne’e temi ita-nia líder nia naran no ema sira ne’e husi Timor mak ba, nune’e ita tenke hatur nu’udár preokupasaun signifika rede krimi organizadu iha duni rai Timor”, tenik deputadu PD ne’e.

Lee hotu :   FRETILIN-PD mantein kompromisu polítika VII Governu

Hatan ba kestaun ne’e, MDI Interinu, Filomeno Paixão, hateten, kazu  refere hanesan ru moris, tanba laiha faktus.

“Ha’u dehan rumoris, tanba la’ós dehan ha’u la kuidadu, ha’u haruka Komandante PNTL investiga ona, ha’u dehan rumoris sira ko’alia baze dehan faktus, ha’u la dehan faktus, tanba tribunál Indonézia seidauk dehan ne’e iha duni ou la’e, ainda não julgadu a dizer ouve falsifikasaun osan sira ne’ebé ko’alia tutan tan mai tudo mentira, tanba mentira em sima mentira ne’ebé ha’u la liga, ha’u kontinua refere ne’e rumoris“, afirma MDI interinu ne’e.

Entretantu maske bankada FRETILIN abandona plenária, maibé bankada CNRT, PLP, PD, KHUNTO, PUDD, UDT no FM kontinua halo diskusaun no MDI kona-bá rumoris osan falsu ne’ebé viral iha MedSos.

Antes halo diskuasaun PN deside halo votasaun ba ajenda refere, maibé rezultadu votasaun faze primeiru ho votus a favor 31, kontra 28,   abstensaun 0, bankada FRETILIN la simu no deside abandona plenária. Hafoin abandona plenária, Prezidente PN foti desizaun halo votasaun ba segunda ronda, ho votus a favor 31, kontra 28, abstensaun 1.

Enkuantu, vídeo kona-bá osan falsu ne’e, virál iha MedSOs ka facebook iha loron 29, fulan Febereiru, tinan ne’e. ety

Add to Comments Here!!!!

error: Content is protected.
Secured By miniOrange
You might also like:
Alfándega sujere MTCI kria lei regula importasaun OB

Alfándega husu ba Ministériu Turismu Comersiu...

Alfándega sai risku krime iha TL, José: Konkorda ho lamentasaun husi PJR

Alfándega konkorda ho lamentasaun Prokurador Jeral...

ANPM asina akordu ho kompañia Marble Timor, atu peskiza marmore iha Manatuto

Autoridade Nasionál Petroleu no Minerais (ANPM)...

Close