JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estadu Emerjénsia sei implementa iha loron 28 Marsu

Estadu Emerjénsia sei implementa iha loron 28 Marsu

Prezidente Parlamentu Nasionál (PN) Arão Noe, hateten, PN aprova no autoriza ona Estadu Emerjénsia implementa iha Timor-Leste iha loron 28, fulan Marsu ne’e.

“Xefe Estadu haruka mensajen atu husu deklarasaun Estadu emerjénsia tuir konstituisaun no tuir lei númeru 3/2008 hateten, PN tenke autoriza, tanba ne’e, mak aktu ida ohin halo autorizasaun PR nia karta mai atu husu komesa ohin (26/3) madrugada tuku 00:00 oras ita tama ona Estadu Emerjénsia, mais tanba prosesu foin hala’o, ami adia data ne’e nia tama em vigor komesa 00:00 oras, iha loron 28, fulan Marsu aban (27/3) dader ami prepara haruka ba Prezidente Repúblika (PR)”, Prezidente PN ne’e ba jornalista sira hafoin PN aprova no autoriza Estadu Emerjénsia husi Prezidente Repúblika (PR), Kinta (26-03-2020).

Xefe Órgaun Lejislativu agradese mós ba Primeiru Ministru (PM), Taur Matan Ruak nia pasiensia no deputadu sira mós fó votus ho unanimidade ba PR, bele dekreta Estadu  Emerjénsia relasiona ho COVID-19 ne’ebé komesa alarga iha nasaun hotu, inklui TL mós rejista ona kazu ida.

 “Ita presiza antesipa prepara, hodi prevene alastra ba ema seluk. Iha mensajen Xefe Estadu ne’e hateten, iha limitasaun ita iha lei númeru 3/2008 ne’ebé regula hodi deside Estadu Emerjénsia, regras sira iha ne’ebá atu aplika oinsa ne’e sei liu husi dekretu Governu pontus prinsipais sira ne’e iha tiha autorizasaun ne’e  kabe ba Governu mak sei halo dekretu para implementa, nune’e labele sai husi autorizasaun sira ne’e”, tenik Arão.

Entretantu pedidu Estadu Emerjénsia pasa iha PN ho votus a favor 64, kontra no abstensaun 0.

Fo hanoin fali mós katak, Estadu Emerjénsia sei hahú husi loron 28, fulan Marsu to’o loron 26, fulan Abril, tinan ne’e.

Lee hotu :   Veteranu Osório ‘Mausoko’ : Labele fahe unidade Xanana - Lú Olo - Alkatiri -Taur

PN apoia implementa Estadu Emerjénsia iha TL

Relasiona ho sistema saúde iha Timor-Leste ladun di’ak atu atende pasiente coronavirus COVID-19, reprezentante povu iha uma fukun Parlamentu Nasionál (PN) apoiu implementa Estadu Emerjénsia iha Timor-Leste (TL).

“Ha’u fó apoiu tomak ba medidas ida ne’e, nu’udár medidas prevene espansaun coronavirus ni’an loos duni deklarasaun Estadu Emerjénsia, hanesan medidas drástika, maibé péritu iha mundu tomak rekoñese medidas ida ne’e mak efetivu hodi funu hasoru COVID-19, tanba rai barak ho kapasidade finanseira boot no servisu sistema saúde kualidade as, ohin loron hili Estadu Emerjénsia, hodi evita propagasaun Covid-19 atu hada’et ba ema seluk”, Xefe bankada FRETILIN, Aniceto Guterres liu husi ninia intervensaun iha PN, Kinta (26-03-2020).

Nia esplika, ezemplu nasaun Vietnam no Xina foti medida prevensaun liu husi Estadu Emerjénsia ne’e, prova katak konsege izola COVID-19 ne’e.

“Ita iha Timor ema balun hanoin katak, situasaun sei normál hela, sira hanoin katak seidauk presiza deklara Estadu Emerjénsia, maibé ita keta sala no haluha, di’ak liu ita prevene do que situasuan krize ona mak ita foin book-an kombate, ne’e susar liu, tanba ita-nia rekursu pesoál saúde no médiku menus, sistema saúde mos la di’ak, tanba TL laiha kondisaun natoon atu kombate wainhira moras ne’e komesa tama ona iha situasaun krítiku prevensaun importante tebes  ita hotu, tanba kapasidade saúde ita-ni’an limitadu. Atu  prevene propagasaun vírus ka moras at ida ne’e da’et ba Timor-Oan hotu, ikus mai bele lori konsekuensia, presiza foti medidas sériu, hodi prevene propagasaun pandemia ida ne’e”, tenik Aniceto.

Nia akresenta, ho Estadu Emerjénsia Governu bele hanorin disiplina ba Timor-Oan sira, atu asume responsabilidade hodi kumpre regras prevensaun ne’ebé MS hanorin.

Lee hotu :   ALKATIRI: FORMASAUN GOVERNU SEI IHA NEGOSIASAUN

“Estadu Emerjénsia sai nu’udár dalan ne’ebé TL tenke hola nu’udár nasaun ida atu prevene no hakotu vírus ne’ebé lori risku ema nia vida, tanba ne’e, FRETILIN apelu ba ema hotu atu kolabora ho autoridade, hodi luta kontra pandemia COVID-19 luta ida ne’e ita la haree oin no bainhira maka atu hotu”, subliña Xefe bankada FRETILIN ne’e.

Husi sorin seluk, Xefe bankada CNRT, Duarte Nunes, konkorda ho deklarasaun bankada FRETILIN ni’an, tanba iha situasaun hanesan ne’e Órgaun Estadu hamutuk hodi tau enerjia no hanoin hodi ultrapasa situasaun ida ne’e.

“Situasuan ne’ebé ita hasoru ne’e situasuan emerjénsia, ha’u konkorda ho Primeiru Ministru (PM) no deputadu Aniceto katak, iha situasaun ida ne’e ita presiza órgaun Estadu hamutuk oinsa maka tau enerjia  no hanoin hamutuk hodi bele ultrapasa husi situasaun ida ne’e ita hetan ameasa, tanba haree ba situasaun ne’e la’ós  normál, ukun na’in sira tau esforsu  hamutuk, hodi bele ultrapasa klamidade no buat todan ne’ebé atu mai (Covid-19) ne’ebé nasaun barak afeta ona. Tanba ne’e, presiza halo prevensaun ne’ebé di’ak, sé mak tama tenke karantina iha uma laiha”, tenik Duarte.

Entretantu tuir dadus mundiál ba loron 26, fulan ne’e, rejistu ona kazu pandemia COVID-19 hamutuk 486,592 no hamate ona ema 22,020 no ema ne’ebé rekopera ona husi pandemia COVID-19 hamutuk 117,446. ety

Add to Comments Here!!!!

error: Content is protected.
Secured By miniOrange
You might also like:
Falta materiál protesaun COVID-19, SEPS suspende provizóriu apoiu emerjénsia ba vítima inundasaun

Sekretaria Estadu Protesaun Sivíl (SEPS), suspende...

Evita COVID-19 labele daet, SAS sei monta tanki be’e iha fatin públiku hotu iha Díli laran

Diretór Jeral, Servisu Agua no Saneamentu...

MS-Austrália prepara fatin ba teste COVID-19

Governu liu husi Ministériu Saúde (MS)...

Close