JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN-PLP prontu forma Governu minoritáriu, Kalohan: PR la tetu didiak, ami sei lori ba Tribunal

FRETILIN-PLP prontu forma Governu minoritáriu, Kalohan: PR la tetu didiak, ami sei lori ba Tribunal

Partidu FRETILIN ho Partidu Libertasaun Popular (PLP), ofisialmente asina ona plataforma entendimentu atu forma governu minoritáriu, bainhira Xefe Estadu fó konfiansa hodi lidera governu da-sia nian.

“FRETILIN la preokupa, tanba ita-nia esperiénsia maioria mós monu no minoria mós monu, entaun ita tenke buka solusaun ida, inkluzaun, inkluzivu, la’os grande inkluzaun hanesan ema balun ko’alia ne’e. Iha demokrasia iha adversáriu, laiha inimigu, tanba ita foti FRETILIN sai inimigu maka maioria mós monu no minoria mós monu, se ita bele iha intendimentu ida plataforma de intendementu ida, se mak manan iha urnas, husik nia ukun lai, aprova lai nia programa, aprova lai nia inisiativa inkluzaun, nia ukun laloos ne’e oin seluk, se ita hahú ho polítika ida ne’e, kultura ida ne’e, laiha inimigu iha demokrasia. Tanba ne’e ha’u fiar katak, agora hahú ho 31,  maibé ho kapasidade no filozofia ida atu labele esklui husi bo’ot”, hateten Sekretáriu Jerál Partidu FRETILIN ne’e ba jornalista sira iha, Sábadu (21/03/2020).

Alende ne’e, Prezidente Partidu Libertasaun Popular (PLP), Taur Matan Ruak reforsa katak, konjuntura foun ne’e, sei esforsu másimu atu bele kontinua garante governu ne’e ba futuru.

“Ha’u fiar, liu-liu tanba servisu foin mak hahú agora, no sei halo esforsu hotu para bele iha kapasidade asegura estabilidade governativa ida ba tempu oin mai”, afirma atual Primeiru Ministru ne’e ba GMN.

Iha seremonia asina plataforma intendimentu ne’e,  partisipa mós reprezentante husi partidu KHUNTO, maibé la partisipa husi partidu Demokrátiku no seluk tan.

Hafoin akompaña asinatura plataforma intendimentu husi Partidu rua ne’e, reprezentante husi partidu KHUNTO, Marito Magno deklara, prezensa KHUNTO nian iha serimonia refere, nu’udar partidu jerasaun foun nian, hakarak kumpri no respeita de’it líder nasionál hanesan Marí Alkatiri ho Taur Matan Ruak nia pedidu, hodi sai sasin no akompaña prosesu asina akta ne’e, maibe la’os atu inklina iha plataforma refere.

Lee hotu :   PN SUSPENDE PROPOSTA GOVERNU EXTENDE MANDATU KOMISARIU KAK

Entertantu, plataforma entendimentu ne’e, tuir planu, semana oin mak sei haruka ba Xefe estadu, hodi estuda.

Partidu FRETILIN iha nia istória forma ona koligasaun minoritária iha tinan 2017 ho Partidu Demokrátiku, iha ne’ebé momentu ne’eba la garante estabilidade Governativa, nune’e ikus mai lori duni programa Governu nian ba Parlamentu Nasional xumbadu tiha no Governu minoritária ne’e monu. Nune’e Primeiru Ministru, iha momentu ne’eba Marí Bin Amude Alkatiri, mos  la hodi tan programa Governu minoritária nian ba segunda vez. Iha fali tinan ida ne’e FRETILIN ho Partidu Libertasaun Popular hamutuk tiha hakarak ba ho Governu minoritária  karik PR Lú Olo fó ba sira lidera Governu dasia.

Iha parte seluk, partidu asentu parlamentar neen hanesan CNRT, PD, KHUNTO, PUDD, UDT, FM buka malu hamutuk tiha ona hodi atinji maioria parlamentar ho kadeira 34 iha ne’ebé garante ona estabilidade governativa no lori ona koligasaun foun ne’ebé kumpri ona rekezitus konstitusional katak liu ona husi konferénsia no kongresu ne’e hodi indijita Kay Rala Xanana Gusmão nu’udar Primeiru Ministru ba hato’o ba PR Lú Olo, maibe to’o ohin loron karta koligasaun foun lideradu funu nain Kay Rala Xanana Gusmão nian ne’e, seidauk hetan resposta klaru husi PR Lú Olo. Tanba ne’e halo partidu ne’ebé forma koligasaun ho CNRT ne’e preokupadu bainhira mak PR bele pronunsia sai, tanba nia rasik mak haruka ema halo tiha movimentu politiku iha Parlamentu Nasional.

Lori Ba Tribunal

Entretantu portavoz koligasaun foun husi partidu neen, António da Conceição “Kalohan”, hatete, akordu ne’ebé FRETILIN ho PLP hala’o ne’e devia akordu ne’ebé mak hala’o antes tiha ona, hodi nune’e labele fó tan fali espasu atu Prezidente Repúblika hala’o prosesu ida ne’ebé mak naruk liu.

Lee hotu :   Eleisaun antesipada sei hamosu konsikuensia boot

“Se iha ona akordu ida ne’ebé mak halo fila fali, ida ne’e akordu ida ne’ebé ita bele dehan akordu de kompetisaun ida ne’ebé mak tau ona pozisaun Prezidente Repúblika (PR)  nian rasik mak iha pozisaun dilemátika. Koligasaun foun (partidu neen) presiza atu hein resposta ida husi PR nune’e ami bele hatene dehan katak koligasaun ne’ebé maioria hodi hein komparasaun fila-fali koligasaun atuál (partidu rua) embora dehan katak ida ne’e plataforma de entendimentu, mas é sempre uma coligação ida ne’ebé mak halo ho objetivu no finalidade ne’ebé mak para uma nova Governação. Ida ne’e fila fali ba PR mak atu bele deside. Mas Muito dificil ba ami atu intende. Se iha koligasaun rua mak ezistente que ida ho maioria no ida ho minoria Prezidente Repúblika tenke hal;a’o nia ezersísiu maka’as hodi bele halo interpretasaun ba konstituisau repúblika”,dehan Kalohan.

Kalohan afirma, se PR Lú Olo hili koligasaun minoritaria FRETILIN-PLP ne’ebé ho deit kadeira 31 mak ba forma Governu dasia, sira nia parte sei lori ba Tribunal.

“Koligasaun hanoin ona no preparadu atu husu tribunal ninia hanoin oin nusa mak atu bele konfirma ilegalidade ida ne’ebé mak koligasaun ida ho kadeira 34 ne’e ninia ilegal iha ne’ebé atu nune’e ami mos bele simu saida mak Prezidente Repúblika pronunsia, porque ami hatene,Prezidente Repúblika mos labele asume responsabilidade das kompetensia do Tribunal baze ba separasaun de poderes. Ida ne’e ami sei husu. Mas kazu ami fó fila fali ba segunda koligasaun ne’ebé mak iha ona asinatura de plataforma quanto mais ba ho partidu ida ne’ebé mak sempre vota kontra orsamentu, ba tan ho finalidade atu viabiliza Governu ida, ne’e questionavel não é. Tanba ne’e mak ami sei apura informasaun ida ne’e liu husi Tribunal”,afirma Kalohan.say

Add to Comments Here!!!!

error: Content is protected.
Secured By miniOrange
You might also like:
Pesoal voluntáriu ba atendimentu COVID-19 seidauk iha uniforme

Diretór Klínika  Hospital Nasionál Guido Valadares...

Governu haruka proposta ba PR hodi dekreta Estadu emerjénsia

Relasiona ho coronavirus ne’ebé daet ona...

Hakotu impase polítiku, Manuel Tilman: Simu maun bo’ot Xanana nia koligasaun

Jurista Timor-Oan, Manuel Tilman, hatete, atu...

Close