JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu aprova rezolusaun bandu nasaun 147 afetadu pandemia COVID-19 tama TL

Governu aprova rezolusaun bandu nasaun 147 afetadu pandemia COVID-19 tama TL

Governu liu husi Konsellu Ministru (KM) aprova rezolusaun, bandu nasaun 147 ne’ebé afetadu ba pandemia Corona Virus Disease (COVID-19), labele tama mai Timor-Leste (TL) provizóriu, liu husi fronteira Terrestre no Aeroportu, maibé la bandu transporte ne’ebé transporta ai-han no ekipmentu médiku nian ne’ebé lori mai TL.

“KM rona aprezentasuan ida husi, MNEK kona-ba situasaun Corona Virus, no MNEK aprezenta rezolusaun ida iha relasaun ho kombate COVID-19, rezolusaun ne’e nia durasaun ba fulan ida, depois de fulan ida governu sei halo fali revizaun, rezolusaun ne’e deside no aprova husi KM, atu aplika bandu ema sira ne’ebé iha semana 4 kotuk liu ba, vizita ona nasaun hirak ne’ebé mak OMS rekoñese, rejista ona kazu infesaun ba COVID-19, no ema hirak ne’e la permite atu tama, husi aviaun, ró no rai maran, mai iha teritóriu nasionál,” hateten, Ministru Reforma Lejislativa no Asuntu Parlamentares, Fidelis Leite Mangalhães, iha Palasiu Governu, Kuarta (18/03/2020).

Fidelis esplika, nasaun hirak ne’e hamutuk 147 ne’ebé rejista kona COVID-19, rezolusaun bandu ne’e sei la aplika ba nasionál, sidadaun nasionál, ka sidadaun estranjeiru ne’ebé moris iha teritóriu nasionál, bele mai Timor-Leste, sidadaun estranjeiru ne’ebé nia familia ne’ebé moras iha ne’e, ne’ebé tenki mai hodi kuida labarik ne’ebé mesak iha iha TL.

“PM mos iha fundamentu, ne’ebé iha relasaun ho defeza no interese nasionál, bele autoriza ema estranjeiru atu bele mai teritóriu nasionál, maibé ne’e presiza autorizasaun antes husi PM,  iha nasaun balun iha futuru COVID-19 kona ita, ita sei presija ajuda externa ruma, dala ruma apoiu sira ne’e mai husi nasaun sira ne’ebé mak rejistu ona kazu, espesialista sira ne’e maske sira nia pais, rejistu ona kazu maibé ita presija loke dalan ba sira atu, tama mai TL,” hateten, Fidelis.

Lee hotu :   OJE sumba la hamate funsionamentu PN

Fidelis subliña, ba efeitu transporte maritima terestre sira sei la bandu atu transporta ai-han, tamba ne’e tranporte ne’ebé lori ai-han no medikamentus bele mai nafatin, maibé iha protokolu foun, ró sira bainhira mai sira sei para iha zona rezerva ida hanaran Internasionál ponte kais, atu bele evita sidadaun rai seluk ne’ebé mai ho ró, atu tun no kontazia ema sira ne’ebé servisu iha ró.

Tamba ne’e, ró no sasán bele mai, maibé ema labele tun mai, nune’e bandu mós traballador Timor-oan sira atu sae ró sira ne’ebé mai, no presija iha apoiu medikus iha pontu entrada atu ema bele hetan teste ba moras ne’e, ne’e sei aplika iha fronteira rai maran nian, no bandu ró cruzeirus sira ne’ebé lori pasanjeirus sira mai.

Bainhira ró kruzeiru balun mai, tenki para emerjénsia ruma no sidadaun TL, iha ró ne’e nia laran, presija atu tun ne’e ita obrigadu simu sira.

“Ita mós bandu sidadaun sira ne’ebé servisu direita no indireita iha administrasaun Estadu nian, funsionariu, membru governu, entidades sira hotu atu labele viajen ba rai liur,” dehan, Fidelis.

Governante ne’e salienta liu tan, KM deside tenki iha karantina voluntária obrigatáriu, ba ema ne’ebé foin tama husi rai liur durante loron 14, no funsionariu Estadu nian ne’ebé mai husi estranjeiru, labele tama servisu durante loron 14, no ema ne’ebé tama mai husi, fronteira maritima, terestre no aero tenki, aprezenta aan ba Ministeriu Saúde hodi halo akompañamentu, medidas  hirak ne’e sei aplika diurante fulan ida nia laran, depois de ida ne’e mak halo renovasaun.Cin

Lee hotu :   Agostino Gomes : Jurídikamente FDD disolvidu ona

 

Add to Comments Here!!!!

error: Content is protected.
Secured By miniOrange
You might also like:
FRETILIN husu Governu evita ajudu umanitária ho tipu plástiku

Deputada bankada FRETILIN, iha Parlamentu Nasionál...

PN ladauk simu proposta lei alterasaun orsamentu no jestaun finanseira

Prezidente Parlamentu Nasionál (PN), Arão Noe,...

Evita Timor-oan husi COVID-19, Mandati: Governu tenke evakua estudante ne’ebé estudu iha estranjeiru

Reprezentante povu iha uma fukun parlamentu...

Close