JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu muda estatutu EDTL ba Empreza Públika

Governu muda estatutu EDTL ba Empreza Públika

Governu liu husi Konsellu Ministru (KM), aprova ona estatutu Eletrisidade De Timor-Leste (EDTL), sai hanesan Empreza Públika (EP). 

Proposta estatutu ne’e aprezenta husi, Ministru Óbras Públikas (MOP), Salvador dos Reis Pires, ne’ebé aprezenta proposta dekretu lei 2, koalia kona-ba estabelese EDTL sai hanesan empreza públika (EP), no harii entidade reguladór iha setór eletrisidade.

“Proposta husi MOP rua ne’e hetan aprovasaun iha KM, atu halo EDTL sai EP ida, hodi bele hadia diak liu tan prestasaun servisu  hodi jere didiak setór ida eleitrisidade, no hasa’e reseitas ba setór eletrisidade nian”,hateten, Ministru Estadu Prezidénsia Konsellu MinistrusAgio Pereira, iha Palásiu Governu, Kuarta (11/03/2020).

Iha fatin hanesan, Minitru Óbras Públikas, Salvador dos Reis Pires hateten, EDTL durante ne’e hanesan departamentu Governamental ida, ne’ebé mak halo atendimentu, kualidade no sustentável, iha burokrasia barak.

Maibé ho meius ida ne’e, bele eleva prestasaun servisu no kualidade iha EDTL hanesan EP.

“Ohin ami apresenta dekretu lei 2, ida kona-ba estabelese EDTL sai hanesan empreza públika, no ida kona-ba hari’i entidade regulador iha setór eletrisidade, Autoridade Nasionál Eletrisidade, hetan ona aprovasaun ho intensaun katak, EDTL durante ne’e hanesan departamentu Governamental ida, ne’ebé mak ita atu halo atendimento ne’ebé diak kualidade no sustentavel, iha burokrasia barak, ho meius ida ne’e ita bele eleva prestasaun servisu kualidade iha EDTL hanesan EP”, hatutan,  Salvador dos Reis Pires.

Salvador esplika, haree investimentu iha setór eletrisidade nomós prestasaun servisu fornesimentu eletrisidade ba povu, alende ida ne’e, autoridade nasional eletrisidade, atu haree no assegura katak setór empresa públika ne’e nomós entidade sira seluk ne’ebé mak hakarak investe iha setór eletrisidade  sira, presta duni servisu kualidade no fo protesaun ba konsumidor sira.

Lee hotu :   PM orienta kria ekipa interministeriál hala’o estudu viabilidade ba Baía Nova Díli

“Dalaruma ahi mate sasan balun hetan estragus, buat hirak ne’e bainhira iha ona entidade regulador diak sira bele haree, kria regulamentu hakarak ne’e, hodi mellora assegura EDTL no entidade sira seluk ne’ebé hakarak investe iha setór eletrisidade hanesan enerjia renováveis, tuir  kualidade ne’ebé mak sei haruka sira halo”, dehan, Salvador.

Salvador realsa liutan, iha artigo 18 empreza públika (EP) komisaun instaladora ne’ebé nia servisu tinan ida, ne’e inklui mós kria regulamentu EDTL sai hanesan EP, nomós haree rekrutamentu pesoal sira ba empreza foun ida ne’e.

“Klaru ke iha ne’eba komisaun instaladora ne’e, iha mós komisaun funsaun públika, ne’ebé sira servisu hamutuk Gabineti Ministeriu nian inklui mós, diresaun jeral administrasaun finansas MOP nian, hodi haree oinsa halo transferensia pesoal sira husi funsionariu EDTL ba EP,” afirma, Salvador.

Maibé, Salvador haktuir, ida ne’e sei halo levantamentu dadus, no sosializasaun ba sira, no haree meius sé mak hakarak hela hanesan funsionariu públiku, sira hela ho funsionariu públiku tamba ita servisu hamutuk ho KFP, sira ne’ebé mak hakarak muda ba EP, sei muda sira ba EP.

“EDTL sai ona hanesan EP espera katak, birokrasia menus sira iha independensia barak hodi foti desizaun no halo atendimentu avarias ne’ebé lalais liu, no sustentavel atu nune’e konsumidor labele kestiona barak kona-ba funsionamentu eletrisidade,” reafirma, Salvador.

Governate ne’e aprofunda katak, ba prosesu muda estatutu ne’e, durante tinan ida halo preparasaun, tamba tuir proposta dekretu lei husi MOP, efetivamente sei komesa iha loron ida fulan Janeiru-2020.Cin

Add to Comments Here!!!!

error: Content is protected.
Secured By miniOrange
You might also like:
Implementa lei kódigu estrada, Polísia Tránzitu halo operasaun ba transporte sira

Ekipa konjunta husi polísia Unidade Tránzitu...

PR husu Governu entrega kazu osan falsu ba Tribunal Indonézia

Ministru Defeza no Interior Interinu, Filomeno...

Governu hasai rezolusaun, bandu sidadaun husi nasaun tolu tama TL

Governu liu husi Konsellu Ministru aprova...

Close