JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kalohan: Dalan metin ba FRETILIN-PLP kontrata subar deputadu Adriano

Kalohan: Dalan metin ba FRETILIN-PLP kontrata subar deputadu Adriano

Sekretáriu Jerál Partidu Demokrátiku (PD), deputadu António da Conceição Kalohan deklara, PD sei la fó fatin ba partidu FRETILIN ho PLP atu halo kontratu subar ho pesoal deputadu PD, Adriano do Nascimento, maske deputadu refere nu’udar indikasaun ida ba Partidu katak, sei kontra polítika partidu nian.

Atual xefe bankada PD  hato’o deklarasaun ne’e, relasiona ho deputadu Adriano ne’ebé fó votu a favór ba pedidu urjénsia husi proposta alterasaun lei jestaun finanseira, kompara ho deputadu husi koligasaun Aliansa Maioria Parlamentar (AMP) foun 33 seluk.

“Deputadu Adriano hanesan indikasaun ida ba ami, saída mak ami hanoin, maibé mós deputadu ne’e halo ona nia kompromísu antes katak, nia sei fó votu a favór. Tanba ne’e mak ami sei ko’alia ho nia, maibé ida ne’e la dehan katak atu fahe Partidu Demokrátiku, ka atu harahun PD, pior liu tan sei la fó fatin atu Partidu FRETILIN ho PLP halo kontratu pesoal fali, kuandu sira (FRETILIN-PLP) halo kontratu pessoal mak lori ba melamar servisu iha BP-7 ka Metinaro, ne’e bele lori Adriano ba, maibé iha PN sei deputadu PD nian. Kona-bá sansaun, ita bo’ot (jornalista sira) hein,”afirma Kalohan ba jornalista sira iha PN, Kinta (26/03/2020).

Hatán ba asuntu ne’e, deputadu PD, Adriano do Nascimento argumenta katak, nia parte fó votu a favor, tanba interese ba povu no Estadu ne’ebé iha hela situasaun emerjénsia, parte ida votu diferente ne’e atu promove demokrasia tuir naran partidu nian, maibé nia parte sei la vota kontra Orsamentu Jerál Estadu no programa nono governu nian.

“Ha’u la halo opozisaun ba programa ka orsamentu husi koligasaun foun nian, koligasaun foun seidauk iha orsamentu, ne’e sei governu AMP tuan nia polítika, ba ida ne’e tanba kestaun urjente ba rezolve problema corona no povu sira ne’ebé uma afeitadu inundasaun ne’e, maibé ba ida ne’e rasik ba nia pedidu karakter urjénsia ne’e, seidauk to’o nia konteudu, seiduk deside lei ne’e oinsa. PD ne’e partidu demokrátiku, se partidu demokrátiku mak laiha diferensia, ne’e la’os naran demokrátiku ona, PD ne’e tenke promove diverjensia no diferensia ideia, maibé nia esensia mak ba Estadu ne’e ida de’it, ba Estadu nia di’ak, ne’e la signifika PD ne’e fahe rua tolu. Ita hotu hatene, durante ami sai opozisaun, na’in tolu sempre vota a favór ba governu nia programa, tanba PD ba Estadu, ha’u ho deputadu Dudu sempre vota kontra, hodi hatúr hanesan opozisaun no hatudu ba públiku katak, PD ne’e demokrátiku duni. Ami la’os foin mak halo votus kor diferente ne’e, maibé hahú dezde kedas ami sai opozisaun, ami atu hatúr buat ida foun ba nasaun ida ne’e, demokrasia hahú husi partidu demokrátiku, iha ninia ideia diferente mak ne’e, maibé ba povu no nasaun nia interesse sai ida de’it. Ne’e lasignifika PD ne’e nakfera, se PD mak nakfera karik, nakfera uluk kedan, tanba diferente uluk kedas. Tuir ha’u nia intendimentu mak ne’e, regras ne’e ba OJE no programa koligasaun nian, maibé iha ne’e ami diskute ne’e oitavu governu nia polítika, la’os nono governu nia polítika. Ba ha’u nia intendimentu, konferensia AMP foun nian ne’e, atu unifika pensamentu ho asaun ba nono governu nia programa. Ha’u la marka prezensa iha konferensia ne’e, ha’u hateten ba ha’u nia Prezidente Asanami katak, ha’u iha konferensia konsellu administrasaun PN, ami hein iha ne’e, tanba ajenda ne’e hanesan iha três oras hotu, hodi ko’alia ba asuntu balun ne’ebé importante mós”, tenik Adriano.

Lee hotu :   Ramos Horta: Simples liu fó ba CNRT forma koligasaun foun

Deputadu PD ne’e mós justifka, nia parte la marka iha konferensia imprensa koligasaun foun ne’ebé hala’o iha Tersa lorokraik, tanba partisipa iha reuniaun konsellu administrasaun PN, la’os atu ses husi koligasaun.

Maske nune’e, prezidente konsellu polítika nasionál PD ne’e konsidera, prinsípiu PD mak fó biban ba nia atu bele apoiu kualker inisiativa lei ka polítika ne’ebé ba interese povu no Estadu sem rezerva.

“PD nia prinsípiu ne’ebé mak ami hanorin malu, hosi Prezidente Asanami mak ne’e, PD ne’e ba Estadu, maubere oan prontu atu serví, singifika serví povu no nasaun, PD ba Estadu mak ne’e, kuandu inisiativa ruma ou proposta lei ka kualker inisiativa polítika, ne’ebé mai ba interesse povu, prinsípiu mak ne’e, PD ba Estadu. Lei ida ne’e, lei ida ne’ebé inisiativa lei ne’ebé mai husi governu, espesífiku atu atende ba necessidade povu nian, tanba ita moris hela iha duodésimu, ne’ebé laiha fleksibilidade ba governu, atu uza osan,  lei ne’ebé ha’u a favór ne’e atu foti osan, hodi hetan autorizasaun para foti osan, tanba lei jestaun finanseira ne’e hateten, kuandu orsamentu jerál Estadu laiha, mak aplika duodésimal, ne’e signifika katak, ita tau osa juta ida, tenke gasta ba fulan 12, ne’eduni ita labele kompra hotu dala ida. Ezemplu konkretu mak ba deputadu sira nian, ne’ebé PN aloka osan USD 1500 atu sosa roda kareta nian, ba tinan ida, maibé finansa labele fó hotu USD 1500 ne’e, nia tenke fó fulan-fulan de’it. Aplika ba situasaun emerjénsia corona ho inundasaun agora dadauk atu hadia povu nia uma ne’e, labele aplika ida ne’e, iha duodésimu ne’e labele halo projetu foun, so projetu tuan ne’e mak iha kontinuasaun, tanba iha item 12, ne’ebé mak atu governu husu esesaun, tanba ne’e mak ha’u vota a favór, tanba ha’u sente katak, buat ida ne’e di’ak ba Estadu no governu ida, tanba sei laiha esesaun ba ida ne’e, maske PN aprova USD 250, ne’e maibé governu sei iha difikuldades, tanba labele gasta hotu dala ida, tenke fahe oituan-oituan,   tanba nia formula ne’e seper 12, singifika, montante x dividir ba 12 mezes, Tanba ne’e mak ba ha’u problema, ne’e mak ha’u a favór”,subliña Nascimento.

Lee hotu :   PN aprova rezolusaun kontra nomeasaun PTR no ezonera PJR PD-FM konsidera CNRT-FRETILIN iha interese

Entertantu, iha diskusaun karakter urjénsia ba proposta alterasaun lei orsamentu jestaun finanseira ne’e, deputadu Adriano ho deputadu FRETILIN no PLP vota a favór, hamutuk votus a favór 31 no deputadu husi bankada koligasaun 6, CNRT, KHUNTO, PUDD, UDT, FM no PD rasik vota kontra hamutuk votu kontra 33, maibé deputadu PLP, Sabino Soares Guntur la marka prezensa iha plenária.

Antes ne’e, liu husi konferénsia imprensa, estrutura koligasaun AMP foun deklara ona katak, deputadu husi partidu membru koligasaun ne’ebé la kumpri orden ka polítika koligasaun nian, sei hetan sansaun husi partidu.say

Add to Comments Here!!!!

error: Content is protected.
Secured By miniOrange
You might also like:
PR dekreta Estadu Emerjénsia, Traballadór iha kompañia privada la book osan seguransa sosiál

Prezidente Conselho Administrasaun Seguransa Sosiál, Ministériu...

Limita liberdade sirkulasaun komunidade, PM Taur: Presiza iha Estadu Emerjénsia

Primeiru Ministru (PM), Taur Matan Ruak...

Estadu Emerjénsia sei implementa iha loron 28 Marsu

Prezidente Parlamentu Nasionál (PN) Arão Noe,...

Close