JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Líder balu pronunsia koligasaun foun ilegál, Kalohan: Ne’e interfere ona kompeténsia PR

Líder balu pronunsia koligasaun foun ilegál,  Kalohan: Ne’e interfere ona kompeténsia PR

Sekretáriu Jerál Partidu Demokrátiku (PD), António da Conceição “Kalohan”, konsidera, líder partidu polítiku ne’ebé halo uluk  pronunsia hodi reklama koligasaun foun ne’e ilegál, interfere kompetensia Prezidente Repúblika (PR), Francisco Guterres Lú Olo nian atu foti desizaun ba situasaun polítika atual.

Tanba ne’e, Kalohan sujere atu Xefe Estadu tetu didi’ak,  nune’e labele afeta ba futuru. Kalohan mós konsidera problema koligasaun FDD, hanesan asuntu internal, ne’eduni sei la implika ba koligasaun foun.

“ Ida ne’e kestaun internu, ba partidu sira ne’ebé mak halo koligasaun iha FDD, ba fins eleitorais, buat ne’ebé tenke halo diferensia mak iha koligasaun ne’ebé mak halo organiza ka regula ba eleisaun jerál, maibé agora dehan katak, tenke kumpri no tenke konferensias, ne’ebé hatur iha lei PARPOL, ida ne’e mak PR husu ba ami, ami kumpri ona, agora ami husik, tanba ema ne’ebé iha pozisaun atu pronunsia ida ne’e mak Tribunal. PR pronunsia tanba PR mós bele husu ba Tribunal, maibé kuandu laiha liu dalan mós ami bele ba husu rasik ba Tribunal atu pronunsia ida ne’e, maibé impaktu mak ita hakarak estende impase polítiku ne’e rasik, to’o bainhira mak ita atu halo kotu buat ida ne’e. Buat ne’ebé mak koligasaun foun halo ne’e, hanesan alternativa ida, atu oferese solusaun ba nasaun, solusaun ne’ebé ami oferese ne’e la signifika ami mak determina, ida ne’e iha nafatin PR nia liman atu pronunsia, ami halo ida ne’e tanba ami hatene katak, PM hatama tan ona nia pedidu demisaun, se PM mak la halo hanesan ne’e mós, ami laiha pozisaun ida atu hanoin halo koligasaun ne’e, tanba ema hotu-hotu hanoin ba Timor-Leste nia ukun rasik aan ne’e, la’os fali atu halo golpe Estadu hanesan PLP ko’alia ne’e. Golpe ne’e normalmente eseptu Estadu ne’e vakum hela, ou la’o ladiak hela, maibé  ida ne’e loos hela, orsamentu sumba tiha ona, PM hatama tiha ona nia pedidu demisaun, maibé Prezidente Repúblika mak rai hela buat ne’e atu tetu, maibé ami mós ajuda atu dehan katak, Prezidente sekarik laiha dalan ruma atu tetu, ami oferese dalan ida mak koligasaun ne’e, tetu took ba, ne’eduni ami hein, laiha buat ida mak atu obriga, tanba desizaun tomak ne’e iha PR nia liman. Maibé reklamasaun sira dehan koligasaun foun ilegal, ne’e mak interferensia ba kompetensia Prezidente nian atu pronunsia, ne’e interferensia, katak mencampur tangan iha urusan Prezidente nian, sira ne’e mak komenta atu PR bele hola desizaun tuir, maibé koligasaun koopera tebes, to’o maun bo’ot Kay Rala Xanana Gusmão ne’ebé ema dehan durante ne’e hases aan bebeik husi PR, koligasaun foun ne’e halo lori maun boot Xanana bele ba hasoru ona PR”, hateten Kalohan ba GMN iha nia rezidénsia Sábadu (14/03/2020).

Lee hotu :   PN hahú diskute espesialidade lei KAK

Kalohan afirma, kona-bá ezistensia koligasaun fou legal ka la’e, kompetensia Tribunal mak bele pronunsia, la’os partidu polítiku sira mak kontesta fali.

“Legal ka la legal ne’e, depende ona interpretasaun sei mai husi Tribunal,  maibé ami hanesan polítiku para atu kontesta malu, ami bele kontesta malu nafatin, ho prinsípiu ida legal no la legal ninian ne’e, maibé Tribunal mak iha direitu atu bele pronunsia ida ne’e. Agora ami tenta responde ona ba situasaun atual ne’ebé mak TL hasoru, impase ida ne’ebé mak la’o kuaze tinan rua resin ona, tanba ne’e ita tenke buka solusaun, tanba PR rasik mak fó dalan, maske soe bola ne’e tama ba kampu laran, la determina jogadór mak se, tanba ne’e mak ami buka dalan, interpreta saida mak PR ko’alia, atu ami bele hamosu. Buat ne’ebé mak ami halo ne’e mós, partidu 6 tiha ona, se hela de’it partidu 2, ne’e mós buat ne’ebé ami konsege halo mak ne’e, agora ami hein de’it, to’o bainhira loos mak PR bolu ami hodi dehan katak, ita bo’ot sira-nia ne’e ilegal, para depois PR hodi forma fali ida legal ne’e ba, maibé sem iha komunikasaun, ohin tama ona loron tolu, laiha chamamentu ba iha koligasaun foun, posivel atu ami rona de’it hanesan partidu sira seluk rona de’it dehan katak koligasaun ida ne’e illegal. Sira (Partidu PLP/FRETILIN) nia liafuan ida ilegal ne’e mós hanesan polítika ida, ne’eduni ami hein”,tenik Kalohan.

Atual xefe bankada PD ne’e akresenta, koligasaun foun laiha hanoin atu halo uluk destituisaun meza PN, tanba presiza iha uluk primeiru ministru ida hodi rezolve buat hotu.

Lee hotu :   CNE aprova ona kalendáriu ES ba eleitor "Alcino Barris: Hakarak vota tuir hela fatin, muda eleitoral

 “Ida ne’e hanoin kloot, hanoin ida partidarizmu nian, hodi partidariza PN, ne’e hanoin ida hanesan lenuk nian, lenuk hanoin badak no subar ulun, tanba sira haluha iha tempu ne’ebé FRETILIN ho PD iha hela opozisaun, situasuan la’o normal hela, kuandu sira forma meza ne’e, PD ho FRETILIN propoin atu iha mós opozisaun nia ema ida iha meza PN, ne’e hanoin ne’ebé dook, atu dehan katak, PN ne’e reprezenta povu, ida ne’e konsidera tenke iha reprezentasaun hotu, tanba ne’e mak agora ami la obriga atu halo lai destituisaun ba meza, ami hanoin dehan katak, PR bele ko’alia lai buat ruma kona-bá koligasaun ne’e, no ami sei iha pozisaun atu ko’alia iha PN, para oinsa mak atu bele iha reprezentasaun ida di’ak”, Subiliña deputadu PD ne’e.

Maske nune’e, Portavoz koligasaun foun ne’e mós realsa, la fasil atu hakotu impasse polítiku ida ne’ebé la’o tempu naruk ona, maibé importante rekoopera uluk konfiansa ba povu.

“Impase ne’e mai tiha ona husi ukun ida AMP nian tinan rua resin tiha ne’e, lakonsege hakotu, agora dehan ida foin mak atu mosu ne’e bele hakotu,? ne’e presiza tempu, hodi bele devolve konfiansa ne’e ba povu. Liu husi hala’o dezenvolvimentu, para povu ne’e bele dehan katak, iha mudansa ba sira nia moris, devolve mós konfiansa ba setór privadu sira, tanba sira sai mós parseiru ba governu ba dezenvolvimentu nasionál, tanba ohin loron ema barak mak lakon servisu, tanba ne’e mak ami hanoin au oferese alternativu ida ne’e, maibé mós ho prosesu, la’os harí atu fó de’it, ka’er tiha orsamentu tinan rua nian mós ladauk rezolve impase, hein fali ida foin mosu semana ida ne’e, ne’e mak dehan mimpi di siang bolong. Pedidu demisaun husi Primeiru Ministru rasik, PM koopera tebes, preokupa ho saida mak vida nasaun nian, avo Prezidente mak tenke hanoin, nia (Prezidente Repúblika) mak tenke hanoin kritériu sira ne’e, mosu rasik husi governu, la presiza atu dehan fila fali agora, se avo Prezidente hakarak rai nafatin, ne’e sala ne’e la’os iha koligasaun ninian, se justisa loloos hanesan ne’e”, polítiku ne’e salienta.

Lee hotu :   PN preokupa dezenvolvimentu RAEOA laiha kontinuasaun

Entertantu, iha aprezentasaun karta ba dahuluk, husi koligasaun foun ne’ebé forma husi CNRT, PD, KHUNTO, PUDD, UDT no Frente-Mudança ba Xefe Estadu, maibé Xefe Estadu seidauk simu, tanba seidauk priense rekezitus, tuir lei partidu polítiku artigu 9 haruka.

Hafoin ne’e, partidu polítiku sira ne’ebé inklina iha koligasaun foun ne’e, konsege realiza konferénsia kada partidu, hodi responde no priense rekezitus ne’ebé Prezidente Repúblika husu, nune’e, aprezenta hikas karta refere, maibé Prezidente repúblika deklara, sei tetu no halo konfirmasaun ba Tribunal, kona-bá pozisaun koligasaun FDD ne’ebé inklina mós partidu balun husi koligasaun foun refere.

Maske nune’e, líder másimu koligasaun FDD, Agostino Gomes rasik deklara ona katak, koligasaun FDD ne’e, la eziste ona, bazeia ba konkordansia partidu membu hotu nian.

Antes ne’e, Sekretáriu Jerál Partidu FRETILIN, Marí Alkatiri hatete katak, koligasaun foun ne’ebé forma husi partidu neen hanesan CNRT, PD, KHUNTO, PUDD, UDT, Frenti Mudança, ilegál.say

Add to Comments Here!!!!

error: Content is protected.
Secured By miniOrange
You might also like:
Postu UPM Covalima kondisaun grave

Postu  Unidade Polísia Marítima  (UPM)  iha...

Embaixadór TL ba RI: Bruno akuzadu viola kódigu penal Indonézia

Embaixadór Timor-Leste (TL) ba Repúblika Indonézia...

PM Taur husu FRETILIN solusiona impase polítiku ■Alkatiri: Krizi hahú husi sistema

Primeiru Ministru (PM), Taur Matan Ruak,...

Close