JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD: Ami sai husi FRETILIN tanba demokrasia

PD: Ami sai husi FRETILIN tanba demokrasia

Vise Prezidente Partidu Demokratiku (PD), Felicidade Guteres hateten, partidu Frente Revolusionariu Timor Leste Inpendente (FRETILIN) mak hun ba PD, maibé momentu ne’eba sai husi partidu FRETILIN tanba Demokrasia.

“Ami PD ami hun mak FRETILIN, ami sira ne’e kuadru FRETILIN  ami sai tanba saida, demokrasia mak halo, se karik iha tempu ne’eba ami la sai husi FRETILIN ita hotu- hotu hamutuk ita hotu FRETILIN no mós maluk sira seluk la sai ohin loron ita laiha eleisaun, tanba ita hotu-hotu hamutuk, ne’ebé dinámika polítika mak halo ita la’o duni hanesan ne’e, atu hatete deit katak Partidu Demokratiku ohin hamrik iha ne’e ambiente ida ne’ebé ke ba ha’u senti konfortavel tebes ba ha’u no kolega sira ba ami konfortavel tebes, tanba ambiente ida ke uluk mós ami iha laran”,

Lia hirak ne’e hato’o husi, Vise Prezidente PD, Felicidade Guteres, liu husi nia diskursu iha Konferensia Nasional Partidu FRETILIN ni’an iha Salaun Katedral Díli, Sabadu (14/03/2020).

Iha fatin hanesan mos, reprezentante partidu KHUNTO, Jose Turquel hateten, Partidu Kmanek Haburas Unidade Nasionál Timor Oan (KHUNTO), hanesan jerasaun foun, aprende mós polítika husi fundador sira partidu FRETILIN  ni’an.

“La’os bainaka tanba ha’u hola parte husi prosesu ne’e, partidu KHUNTO ne’e partidu ki’ik partidu joven sé ami la hateten katak ami la aprende polítiku husi FRETILIN entaun ha’u tilun diuk no matan tomak hela, ami hakarak sekunda ho PD hateten FRETILIN mak sai na’in sai fundador ida ne’e duni mak ita nia mestre”, dehan, Jose Turquel.

Nune’e mos, Fernando Gusmão hateten, observasaun ne’ebé mak durante nia haree, partidu FRETILIN mak hanesan sentidu Estadu ni’an atu bele solusiona situasaun inserteza, ne’ebé la’o iha rai laran kuaze tinan rua resin ona.

Lee hotu :   FRETILIN-PD tama lista membru governu foun, PM Taur: Ha’u la hasai CNRT maibe depende sira

“Ha’u fiar katak prolema ne’e rezolve hahú husi FRETILIN  katak partidu FERETELIN mak bele fó solusaun oinsa mak atu hala’o ita nia governasaun tanba husi liur ami haree katak partidu ida ne’ebé mak konsisten hatudu ninia sentidu estadu mak partidu FRETILIN”, hateten, Fernando Gusmão.

Liu husi konferensia nasionál partidu FRETILIN nian ne’e, partidu hirak ne’e husu ba lideransa sira atu fó liman ba malu, nune’e bele solusiona lalais impase polítiku ne’ebé la’o iha iha rai laran kuaze tinan rua resin ona, lori sofrimentu ba povu tanba laiha dezenvolvimentu.Ina

Add to Comments Here!!!!

error: Content is protected.
Secured By miniOrange
You might also like:
Autoridade munisípiu Ermera preokupa agrikultór tesi kafe

Prezidente Autoridade Munisipiu Ermera, José Martinho...

MOP sei esforsu rezolve inundasaun iha sidade Díli

Udan bo’ot ne’ebé akontese, Sesta (13/03/2020)...

Líder balu pronunsia koligasaun foun ilegál, Kalohan: Ne’e interfere ona kompeténsia PR

Sekretáriu Jerál Partidu Demokrátiku (PD), António...

Close