PM Taur: Governu sei hasai regras ba Estadu emerjensia

Primeiru Ministru (PM), Taur Matan Ruak hatete, bainhira Prezidente Repúblika (PR), Francisco Guterres Lu Olo, dekreta ona Estadu emerjensia, no govenru mós sei foti medidas hodi implementa regras balu ba Estadu emerjensia ne’e iha tempu badak.

“Kontrolu hanusa mak ita halo ba ita-nia sidadaun sira, labele hasoru malu halibur malu barak, mais pelu menus nia sei iha asesu ba fatin ne’ebé povu sira sei presiza hanesan komersiu no seluk tan, sei ba sosa sasan ruma  iha supermerkadu, ami sei estabele regras hotu kona-ba ida ne’e, aban ka bainrua hanesan ne’e ami implementa ona”, dehan Taur Matan Ruak ba Jornalista  sira, hafoin remata enkontru ho Prezidente Repúblika Francisco Guterres Lu Olo, sesta (27/03/ 2020) iha Palásiu Prezidensial Nicolau Lobato, Bairo  Pité, Díli.

Taur Matan Ruak afirma, governu sei ajuda para  hetan asesu kondisaun ida deit hanesan, família ida ema ida deit sai ba sosa sasan, loja sira mós tenke iha seguransa iha ne’eba, hodi halo atendimentu, no sei iha orientasaun atu loke loja sira.

“Ami sei iha kontrolu ida ké diak, haree ba esperensia sira seluk ita haree katak, governu mak  tau matan karantina ne’e, laiha kondisoens ba hotu  hotu, tanba ne’e mak lockdown ne’e, hanesan haree ba Italia lockdown 600 milloens fatin hotu, País tomak karantina iha uma deit, para  labele iha kontazia”, akresenta PM Taur.

Xefe Governu ne’e afirma, Governu sei haree kondisaun hotu, tanba Estadu emerjensia, Prezidente Repúblika dekreta ona, entaun preparativu sira ne’e, Governu sei halo  hodi tau kondisaun ba PNTL, F-FDTL, no médiku sira hotu atu bele servisu ho diak.

“Mas ami-nia apelu mak ne’e, sidadaun hotu tenke fó kontribuisaun, se família  ida foun foin mai husi  estranjeriu, di’ak liu hatete, sai duke taka subar, ami hakarak hatete sai depois ba fatin tes nian seguru ona mak ba  fali uma, ne’e buat  ida ké sériu no labele halimar, tanba nasaun seluk ita mate deit mós ema la besik, tanba ne’e ha’u  nia apelu ba sidadaun Timor-ona tomak” salienta  taur.

Taur fundamenta, governu sei halo deseminasaun  kuandu Estadu emerjensia tama em vigor, no Governu prepara hela dekretu governu nian para halo implementasaun.oly