PM Taur husu PN altera lei jestaun finanseira

Primeiru Ministru (PM), Taur Matan Ruak husu apoiu ba Parlamentu Nasional (PN),atu altera tiha lei orsamentu jestaun finanseira.

“Ohin (horseik-red) haruka ona proposta alterasaun lei orsamentu jestasun finanseira ba PN, hau husu para PN husi bankada hotu para fó sira nia apoiu ba alterasaun lei ida ne’e, hodi fó dalan ba governu atu bele selu komprimisiu iha rai laran nomos rai liur, ne’ebé iha sistema orsamentu agora duodesimal ne’e labele halo”, dehan, Primeiru Ministru Taur Matan Ruak, bainhira oferese apoiu umanitaria, ba komunidade Santa Cruz, Tersa (17/03/2020).

Governante ne’e hatutan, aban (Ohin-red) konsellu ministru deside husu autorizasaun PN atu foti osan, la’os deit haree ba problema dezastre naturais, no komprimisiu husi rai liur no rai laran, maibe prepara aan mos ba Corona Virus ne’ebé mai.

“Hau fiar metin katak PN sei halo, ha’u husu sira bele fo apoiu ida ne’e, tamba se lae ita nia nasaun hetan difikuldade bo’ot liu tan”, afirma, Taur Matan Ruak.Cin