JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN adia diskusaun LOJF ■FRETILIN kestiona, CNRT haree normal

PN adia diskusaun LOJF ■FRETILIN kestiona, CNRT haree normal

Vise Xefe bankada FRETILIN, deputadu Francisco Miranda Branco, kestiona, meza Parlamentu Nasionál (PN), adía diskusaun ba pedidu urjensia ba proposta alterasaun Lei Orsamentu Jestaun Finanseira (LOJF), artigu 31, ne’ebé konsidera prioridade tebes atu bele hetan aprovasaun. Maibe Xefe bankada CNRT haree katak, adiamentu ba diskusaun LOJF ne’e normal hela, tanba deputadu barak partisipa iha reuniaun konsellu Estadu.

Tuir FRETILIN, PN adía bebeik alterasaun lei refere, hanesan tentativa atu politiza situasaun emerjensia ne’ebé TL enfrenta dadaun.

“Tuir ami nia haree ne’e importante liu mak ida PN atu deside debate urjensia altersaun lei jestaun finanseira ne’e,  para viabiliza fasilita governu atu bele hetan asesu ba orsamentu hodi responde ba situasaun emerjensia nasionál ne’ebé estadu hasoru, liu-liu ba COVID-19 ne’ebé mak sai kalamidade global ida,No partikulamente, ita mós iha kapitál Díli hasoru inundasaun ne’ebé lori prezuizu barak ba ita nia populasaun sira ne’ebé oras ne’e dadauk sei iha hela situasaun difisil ba konsekuensia husi inundasaun ne’e, tanba falta bee moos, presiza hadi’a uma, halo limpeza no seluktan. Tanba ne’e, ami hanoin katak ida ne’e importante liu, maske PR presiza konsellu estadu no konsellu superior defeza seguransa, maibe importante liu mak ida oinsa atu autoriza no fasilita governu foti osan hodi responde ba situasaun emerjensia nasionál ne’ebé TL hasoru dadauk, problema COVI-19 no konsekuensia husi dezastre ne’ebé foin dadaun ita nia populasaun sira hasoru, husi inundasaun boot ne’ebé akontese iha loron 13 fulan Marsu ne’e.”afirma deputadu Branco ba jornalista sira iha PN, Tersa(24/03/2020) ne’e.

Deputadu Fretilin ne’e mós akresenta, alterasaun lei ne’e  adía bebeik, sei fó impaktu liu tan estadu TL, tanba vírus COVID-19 ne’ebé sai preokupasaun global, tama ona iha TL no fó risku ba sidadaun hotu iha TL.

Lee hotu :   Pandemia COVID-19, Governu husu PR dekreta Estadu emerjénsia

“ Ida ne’e adía bebeik, nia impaktu ne’e mak, lori tan problema, tanba ita labele responde ba situasaun ne’e, evita ka alastra husi vírus corona no mós kondisaun atu responde ka melloramentu ba situasaun liu-liu ita nia populasaun sira ne’ebé afeitadu husi inundasaun ne’e.

Agora dadaun diskute kona-bá urjensia, horseik loron tomak ida diskute kona-bá urjente kala’e, PN tenke deside, labele halimar ho situasaun ida emerjensia hanesan ne’e, labe;e politiza situasaun hanesan ne’e,

Tanba ita ko’alia kona-bá  vírus corona ne’e laiha tan ema ki’ak no riku, ema boot no kiik, hotu-hotu hetan risku hotu, nasaun boot ou kiik mós hetan hotu ameasa hanesan de’it,

Entaun TL labele halimar ho situasaun emerjensia nasionál ne’e, hanesan agora dadauk ita hasoru, maibe kuandu polítiku sira hakarak politiza sasán hotu-hou, envovez dehasai desizaun hodi deklara deha ida ne’e iha duni razaun atu responde urjensia, maibe ita dada fali,

Horseik estraña oituan, durante nunka akontese, maibe derepente de’it eletisidade mate, ida ne’e estrañu ba ami oituan.”subliña vise xefe bankada ne’e.

Tuir polítiku ne’e, vise prezidente PN bele preside hela plenária, hodi aselera prosesu, tanba PPN mak ba halo reuniaun.

“ Iha artigu 31 iha lei orsamentu jestaun finanseira nian, buat simples ida tempu naruk, karik iha vontade polítika di’ak, loron ida de’it bele rezolve situasaun ne’e.

Ba ami nia haree ne’e importante liu mka agora daduan PN reuni,  PR konvoka konsellu estadu ne’e ba rona de’it, maibe xefe estadu mak foti desizaun, ne’eduni importante liu mak agora dadaun atu fasilita governu bele asesu, para bele halo polítika ida atu responde lalais ba ita nia situasaun atual,”tenik  Francisco Miranda.

Lee hotu :   Harii koléjiu militar, Dom Duarte hakarak halo kooperasaun ho TL

Aleinde ne’e, xefe bankada CNRT, deputadu Duarte Nunes, deklara, diskusaun no foti desizaun ba pedidu ruma presiza prezensa deputadu hotu nian atu fó votus, tanba ne’e normal hela tenke adía duni diskusaun bazeia ba pedidu husi xefe estadu atu halo reuniaun Konsellu Estadu.

 “Ne’e interpretasaun ema ida-idak ninian, ba hau polítika ne’e interpreta tuir ida-idak nia  hakarak, maibe realidade  mak ne’e, horseik lakonsege aprova, maibe ohin ne’e iha ajenda Prezidente atu iha konsellu superior seguransa ho konsellu estadu, ne’e deputadu balun partisipa,

Depois tuir mai PPN mós partisipa, e deputadu balun mós partisipa iha konsellu estadu,

Tanba iha votasoens sira hanesan nene’e presiza prezensa deputadu sira hotu, tanba ne’e mak PPN deside atu adía ba aban, ba aban laiha problema to’o,

Hanoin ne’e kolega deputadu sira intende tuir sira nia ideias, ne’e sira nia direitu.

 Não, tanba votasaun ne’e, ida de’it mós afeita, satán rua tolu tan, ne’e problema, tanba ne’e mak PPN deside adía.”argumenta deputadu CNRT ne’e.

Maske nune’e, Duarte rekoñese, alterasaun lei jestaun finanseira ne’e pertinente,  maibe prioridade liu atu diskute mak autorizasaun governu halo levantamentu osan husi fundu petrolíferu, la’os alterasaun lei ne’ebé presiza han tempu naruk.

Tanba situasaun atual emerjensia tebes, presiza duni governu hola medida ho urjensia hodi responde ba problema hirak ne’e, duke hein prosesu naruk hodi alter atan lei.

“ Maske lei ne’e pertinente, maibe importante agora iha momentu ida ne’e mak pedidu autorizasaun ba halo levantamentu extraordinária ne’e mak importante,

Ida ne’e komu mai ona, orsida loraik komisaun C halo aprova pareser, PPN baixa tiha ohin dader, loraik komisaun C aprova, aban mak diskute dala ida.

Lee hotu :   Governu hahú prepara diploma konjunta limita sidadaun sira tama TL

Sim alterasaun ne’e atu fó fleksibilidade, maibe agora ita tenke haree uluk ba autorizasaun ne’e, maibe karik aban ne’e (ohin) ne’e mak hotu-hotu aprova katak ne’e urjente, ne’e prosesu la’o nafatin, maske iha situasaun rua,

Ida pedidu foti osan ne’e ou alterasaun ne’e, entaun iha situasaun rua, ita hili ida ne’ebé, iha hadi’a lei ne’e ka ida foti osan ne’e, depois sei mai tan, ida kolega deputadu sira ba partisipa reuniaun ho PR ne’e, kona-bá estadu emerjensia ne’e, ne’e mós sei mai,

Tanba ne’e mak ita tenke haree uluk ida ne’ebé mak importante ne’e, tuir ami importante liu mak tenke foti osan, estadu presiza osan, PN fó osan para estadu ba atende situasaun ne’ebé ita hasoru dadaun ne’e.

Ami fó urjensia mak ida atu foti osan ne’e, ida ne’e mak ami nia pozisaun, ita sei haree aban(ohin-red).”hateten Nunes.

Enkuantu, pedidu governu ne’e ho karáter urjénsia, no parlamentu konsege diskute ona, iha Segunda loraik, maibé lakonsege halo votasaun, tanba eletrisidade iha sala plenária mate derepente.

Tanba ne’e, plenária desidi adía ba Tersa-feira ne’e, maibé kontinua la konsege diskute, tanba deputadu balun ho Prezidente Parlamentu, responde pedidu xefe estadu hodi partisipa iha reuniaun urjente konsellu estadu no konsellu superior defeza seguransa.

Antes ne’e Prezidente Repúblika mós husu ba Parlamentu atu aprova terseira alterasaun lei jestaun financeira, hodi fó dalan ba governu atende situasaun emerjénsia ne’ebé Timor-Leste infrenta ohin loron.say

Add to Comments Here!!!!

error: Content is protected.
Secured By miniOrange
You might also like:
Sidadaun Timor-oan 400 auto-karantina iha uma

Diretóra Jeral Prestasaun Saúde, Ministériu Saúde...

PR sei dekreta Estadu Emerjénsia bainhira PN aprova

Chefe Casa Civíl, Francisco de Vasconselhos,...

Xanana: Koligasaun partidu neen sei la fó fatin ba Governu minoria ukun

Prezidente Koligasaun Aliansa Maioria Parlamentar (AMP),...

Close