JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN Arão Noe: Presiza iha solusaun sériu hakotu impase polítiku

PPN Arão Noe: Presiza iha solusaun sériu hakotu impase polítiku

Prezidente Parlamentu Nasionál (PN), Arão Noe, hateten, presiza iha solusaun urjente hodi hakotu tiha impase polítiku ne’ebé Timor-Leste (TL) enfrenta durante tinan tolu (3), atu nune’e bele foka ba dezenvolvimentu nasionál.

“Ha’u lakohi komenta ba ida ne’e, ba pontu situasaun polítika husik ba Partidu polítiku (ParPol) no bankada sira mak iha direitu atu fó komentáriu, hanesan Prezidente ha’u haree de’it asuntu ne’ebé kona-bá  funsionamentu PN ni’an, nu’udár sidadaun Timor no sidadaun hotu  preokupa ho situasaun polítika, tanba ita moris hela iha inserteza polítika ida, maibé presiza iha solusaun ho la-lais no sériu, atu nune’e bele normaliza fali situasaun, nune’e dezenvolvimentu rai ne’e bele la’o nafatin“, Arão Noe ba jornalista sira iha PN, Sesta semana ne’e.

Xefi Órgaun Lejislativu ne’e akresenta, presiza iha solusaun sériu ba situasaun ne’ebé TL enfrenta, tanba atu garante povu nia moris di’ak mak liu husi dezenvolvimentu.

“Ha’u hanoin kona-bá situasaun ida ne’e, la’ós preokupasaun ha’u ni’an de’it, ha’u fiar katak sidadaun tomak, ita hakarak no mehi ba moris di’ak, nune’e presiza dezenvolvimentu. Dezenvolvimentu atu la’o ho di’ak tenke iha serteza polítika, ida ne’e mak importante”, tenik Arão.

Entretantu antes ne’e, Prezidente Repúblika (PR), Francisco Guterres “Lú Olo” deklara katak, iha opsaun tolu atu hakotu inserteza polítika, hanesan husu partidu sira ne’ebé hetan asentu iha PN (V lejislatura), atu dezeña hanoin, oinsá fó solusaun ba impase polítiku ne’e, Primeiru Ministru (PM), Taur Matan Ruak sei mantein nafatin to’o hetan governu foun no ida seluk EA mak nu’udár rekursu ikus hodi solusiona situasaun ne’e. ety

Lee hotu :   FRETILIN preokupadu koligasaun AMP hodi temi Calistro Gonzaga

Add to Comments Here!!!!

error: Content is protected.
Secured By miniOrange
You might also like:
Governo deve a SACOM 22 milhões de dólares de combustível

O Presidente da SACOM, Abílio Araújo,...

Hornai: CAC atua com firmeza para garantir princípios de boa governação

O Comissário Anti-Corrupção (CAC), Sérgio Hornai,...

Xanana: Conciliação obrigatória entre Timor-Leste e Austrália pode servir de exemplo

O Chefe Negociador Principal para as...

Close