JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR husu PN aprova lalais alterasaun lei jestaun finanseira

PR husu PN aprova lalais alterasaun lei jestaun finanseira

Prezidente Repúblika, Francisco Guterres Lú Olo, husu ba deputadu sira iha Parlamentu Nasional (PN), atu aprova lalais alterasaun lei jestaun finanseira, hodi fó dalan ba governu foti osan, atu responde lalais ba povu sira nia nesesidade, liu-liu ba populasaun  sira ne’ebé afeta ba inundasaun.

“Husu ba Parlamentu atu aprova lalais proposta lei alterasaun ba lei orsamentu jestaun finanseira, atu governu bele foti osan lalais, hodi responde ba povu nia susar no país tomak nian”, deklara Prezidente Repúblika Francisco Guterres Lú Olo, Sesta (20/03/2020) iha Palásiu Prezidensial Bairo Píte, Díli.

Xefe Estadu ne’e salienta, ho dezastre naturais ne’e, nakfilak Díli sai sidade tahu laran, uma naksobu ka aat, família barak lakon sasan no aihan, agora rai rahun sae maka’as, ema nia saúde mós tama iha risku, afetadu sira presiza hotu-hotu nia apoiu, presiza hahán, bee mós , roupa, aimoruk material ba harii ka hadi’ak uma.

“Prezidente Repúblika, hato’o hakuak bo’ot no solidariedade ba maluk afetadu sira, iha tempu halerik ba susar oi-oin, ne’ebé hatodan sira-nia moris, ha’u nia hakuak bo’ot mós ba família ne’ebé lakon joven dia husi uma laran”, subliña Lú Olo.

Prezidente Repúblika husu ba ema hotu atu fó liman ba malu, servisu hamutuk, iha tempu susar ne’e, no husu ba entidade relevante  sira atu haree oinsa hadi’ak sidade Díli ho Planu Urbanizasaun, ne’ebé fasilita populasaun nia moris diak, iha  tempu saida deit.

“Dezastre natural bo’ot ida, iha Munisípiu Díli, iha loron 13 fulan Marsu liubá, udan bo’ot no bee-sae, iha mota Maloa, Becusi, Becora no Hera, fó konsekuensia aat no bo’ot tebes ba ita-nia ema, tuir relatóriu ikus liu husi Servisu Protesaun Sivíl, ho data 19 fulan Marsu, bee-mota lori joven ida to’o mate, ema nain haat hetan kanek, no ita-nia ema rihun rua nulu resin haat, atus tolu rua nulu resin haat, mak afetadu husi bee-sae, iha Díli”, hakotu Lú Olo. Oly

Lee hotu :   TAUR GARANTE PROGRAMA GOVERNU BA POVU NIA DIAK SOSIEDADE SIVIL KONSIDERA “AMBISIOZU”

Add to Comments Here!!!!

error: Content is protected.
Secured By miniOrange
You might also like:
PR seidauk foti medida dekreta Estadu emerjensia

Prezidente Repúblika (PR), Francisco Guterres Lú...

TLCE apoia desizaun Governu la evakua Timor-Oan iha rai-liur

Koordenadór Timor-Leste Collection for Éducation (TLCE),...

koligasaun tandingan FRETILIN-PLP deklara ba públiku

Koligasaun tandingan versaun partidu FRETILIN ho...

Close