PR sei dekreta Estadu Emerjénsia bainhira PN aprova

Chefe Casa Civíl, Francisco de Vasconselhos, hatete, Prezidente Repúblika (PR), Francisco Guterres Lú Olo, sei dekreta Estadu Emerjénsia iha tempu badak, bainhira Parlamentu Nasionál (PN), aprova ka autoriza atu Xefe Estadu foti medida Estadu Emerjénsia.

“Relasiona ho pedidu governu nian ba Estadu Emerjensia, Prezidente Repúblika horiseik (horibainrua), iha tuku 12:45, simu pedidu ne’e, wainhira simu tiha, Prezidente Repúblika konvoka kedan reuniaun ba konselhu rua, hanesan konselhu superior defeza no seguransa, ho konselhu Estadu, alende ne’e Prezidente Repúblika mós konvida ema tékniku rua, doutor Ruir Araújo ho Doutora Danina Coelho, atu fó opiniaun ba konseleiru sira”, dehan Xefe Casa Sivíl ba Jornalista sira Tersa (24/03/2020), iha Palásiu Prezidensial Nicolau Lobato, Bairo  Pité Díli.

Nia subliña, depois Prezidente Repúblika, Francisco Guterres Lú Olo, rona tiha opiniaun konseleiru sira nian, konsellu rua ne’e, fó hotu opiniaun ne’ebé favoravel ba Prezidente Repúblika, atu hato’o karta ba Parlamentu Nasionál, atu autoriza Prezidenti Repúblika dekreta Estadu  emerjensia.

“Depois hotu ida ne’e, ohin (horseik) tarde liu aban (ohin), mas ita tenta haruka ba Parlamentu Nasionál, tanba ne’e urjenti, pontus importante sira ne’e mak ha’u hanoin rezolusaun ne’ebé ita bo’ot sira asesu ona iha governu nian, diskuti iha ne’eba ona, ida ne’e  mak sai pontus hato’o  ba Parlamentu Nasionál, wainhira sira autoriza, Prezidente Repúblika sei dekreta Estadu de emerjensia”, relata Xefe Casa Sivíl ne’e.oly