JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Seidauk pronunsia destinu koligasaun foun, Kalohan: PR mak prolonga inserteza polítika

Seidauk pronunsia destinu koligasaun foun,  Kalohan: PR mak prolonga inserteza polítika

Portavoz Koligasaun foun ne’ebé lidera husi Partidu CNRT, António da Conceição ‘Kalohan’, konsidera, Prezidente Repúblika (PR), Francisco Guterres “Lú Olo”, pronunsia desizaun tarde, atu prolonga de’it inserteza polítika ne’ebé la’o dadaun iha rai-laran to’o ohin loron.

 “Ita hotu preokupa, tanba agora dadaun ne’e ita hasoru hela situasaun ne’ebé mak governu inkompletu, governu demisionáriu, maske PR sei tetu hela PM nia pedidu demisaun, maibé ida buat ne’ebé mak bele hatudu ona dehan katak, governu ida ne’ebé la estável hela, tanba tempu ida ba tempu seluk governu ne’e bele para ona, agora ne’e situasaun ida krítiku, situasaun agora corona ne’ebé afeta ba mundialmente ba rai hotu-hotu, depois ita Timor ne’ebé mak kapasidade tékniku ladauk di’ak, em termus rekursu finanseiru ho tan impase polítiku, ne’e iha situasaun ida ne’ebé mak vulnerável tebes. Ida ne’e hanoin PR bele tetu di’ak saída mak nasaun ne’e hasoru, tempu ona ba PR atu pronunsia simu ou la simu ninian, maibé ida nonook ne’e mak hanesan halo fila fali inserteza ne’e naruk tan, tanba ita laiha kepastian ba ita-nia polítika ne’ebé mak dinámika iha rai laran ne’e rasik,   ne’e preokupasaun bo’ot husi koligasaun foun nian”, hateten Kalohan ba jornalista sira, hafoin partispa iha diskusaun meza redonda IRI nian, iha Tower Fatuhada Díli, Sesta (20/03/2020).

Sekretáriu jerál Partidu Demokrátiku ne’e afirma, koligasaun foun hein hela desizaun Xefe Estadu nian, no bainhira deklara ilegal, koligasaun foun ne’ebé kompostu husi partidu 6 ne’e, sei husu ba Tribunal, hodi hetan rezultadu loloos.

 “Ami hein de’it PR atu halo ona pronunsia ruma kona-bá ezistensia koligasaun foun ninian, atu dehan ilegal, ami labele rona de’it husi Dr. Marí,  ami hakarak ne’e rona husi Prezidente Repúblika, ilegal ne’e mai husi PR mak loos, ilegal tanba sekretáriu jerál FRETILIN mak ko’alia ne’e hanesan mós ami, ami bele dehan sira mós ilegal hela, ilegal ne’e buat barak ne’ebé ami identifika hela, koligasaun ida ne’e preparadu atu hasoru oinsa, se PR mak dehan ilegal mós ami sei buka dalan oinsa mak atu defende koligasaun ida ne’e ba interesse nasionál, situasaun ida ne’e obriga ona atu ita hola medidas polítikas ne’ebé mak tenke ho keras  atu halo, koligasaun prontu ba ida ne’e. Ami hein tebes PR atu halo ona pronunsiamentu ba ida ne’e, semana ida liu ona, Tersa-feira mai tan semana rua ona, PR labele tetu bebeik hanesan ne’e, enkuantu PR kumpri hotu-hotu ne’ebé hatur ona iha konstituisaun, artigu 86 aliñea F nian, atu dissolve PN nian, ne’e PR hatene hela, PR halo tuir ona prosesu, rona tiha ona partidus polítikus, no sosiedade sivíl sira hotu. Sei Prezidente la pronunsia tan, tama ba situasaun ida ne’ebé mak ita boot sira (jornalista) bele rasik, kuandu governu ko’alia tan ona Estadu emerjensia, Estadu emerjensia ne’e kumpul hanesan agora ne’e mós labele, ne’e signfika saída, saída tan mak atu mosu ba rai ida ne’e, ho deklarasaun ida atu hamosu Estadu emerjensia, ema hotu tenke paradu tanba coronavirus laiha buat ida, maibé ema hotu para tanba de’it Estadu emerjensia de’it, ne’e oinsa mak agrikultór sira atu lori sira-nia produtu mai faan hodi selu nia oan ba eskola, oinsa mak ekonomia rai laran la’o di’ak, ita tenke tetu sasán sira ne’e. Ami suspeita hela katak, buat sira ne’e hotu hanesan atu prolonga de’it tempu, hodi impasse ida ne’e bele naruk nafatin, ne’e la manan buat ida, ita estende tan ida ne’e, Xanana mak ba ka’er mós Xanana ne’e Timor-oan, atu Marí mak ba kaer mós Marí ne’e Timor-oan, importante mak hakotu tiha lai situasaun polítika ida agora ne’e, halo prosesu ne’e normal tiha ba mak ita haree fila fali kondisaun sira ne’e. Dezenvolvimentu la la’o oinsa mak atu dehan ita-nia país ne’e moris hakmatek, se ita-nia merkadu sira kapasidade atu ema iha osan ne’e laiha, Se dezenvolvimentu fíziku mós laiha, laiha empregu, signifika laiha osan. Ami preparadu, la’os atu hasoru PR ho oinsa, maibé ami tenke buka aktus ne’ebé mak legal, hodi dehan katak, ami ilegal, ami buka aktu legal para atu dehan katak, ilegal ne’e iha ne’ebé, ida ne’e sei iha órgaun kompetente ne’ebé sei rekorre no ami mós sei husu pareser Tribunal nian”, afirma António.

Lee hotu :   Kansela viajen PR la fó impaktu negativu ba relasaun internasional

Nia haktuir, koligasaun foun mós hakarak atu haree, Tribunal ko’alia ba  koligasaun  kona-bá PR nia kompetensia no buat hotu-hotu ne’ebé PR fó sai.

António haktuir, se desizaun ne’e ilegal, signifika iha alternativa ba partidu seluk, maibé partidu seluk mós tenke hatudu katak, nia halo buat ne’ebé hanesan  koligasaun foun ne’e halo, laiha buat ida ne’ebé mak espesifiku,  tanba nasaun ne’e tenke trata ema hotu hanesan, trata partidu polítiku hotu hanensan, tanba Timor-oan hotu laiha ema ida ne’ebé mak eroe liu, no laiha ida mak penghianat liu iha rai ne’e.

Tuir konstituisaun RDTL artidu 86 kompetensia Prezidente Repúblika nian, alínea F hateten, hakotu Parlamentu Nasionál iha kazu krime bo’ot institusional nian ne’ebé labele iha formasaun governu ka la aprova Orsamentu Jerál estadu nian, iha tempu naruk liu loron neen-nulu, wainhira rona tiha partidu polítiku ne’ebé hetan kadeira iha Parlamentu Nasionál, no rona tiha konsellu Estadu iha tempu ne’ebé laiha kdasar jurídiku atu halo disolusaun.say

 

 

Add to Comments Here!!!!

error: Content is protected.
Secured By miniOrange
You might also like:
Governu suspende Timor-oan ba servisu iha Austrália no Korea ■ Deskonfia Timor-Oan ida infetadu COVID-19

Governu liu husi Sekretaria Estadu Formasaun...

PM Taur: Inundasaun estraga infraestrutura atinji millaun USD 20

Primeiru Ministru (PM), Taur Matan Ruak,...

Pandemia COVID-19 implika sasán folin sa’e, Estudante Timor-oan iha RI ameasadu

Pandemia Corona Virus Disease 2019 (COVID-19)...

Close