JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana ne’e, PR sei hasoru malu ho estrutura koligasaun foun

Semana ne’e, PR sei hasoru malu ho estrutura koligasaun foun

Xefe Casa Civíl, Francisco de Vasconselos, hatete, Prezidente Repúblika (PR), Francisco Guterres Lú Olo, sei hasoru malu ho líder estrutura koligasaun foun, ne’ebé lídera husi partidu CNRT, hodi fó resposta kona-ba koligasaun foun refere iha semana ne’e.

Antes ne’e, koligasaun foun ne’e, entrega ona karta id aba Prezidente Repúblika, maibé nia resposta Xefe Estadu sei fó iha sorumutu ho líderansa sira husi koligasaun foun ne’e.

“Konteudu husi karta ne’ebé koligasaun foun ha’u la bele hatete sai, maibe sira haruka karta ba duni, Prezidente Repúblika hakarak semana  ida ne’e nia laran,  bele hasoru sira, depois mak Gabinete Prezidente fó sai”, deklara Xefe Casa Civíl ba Jornalista sira, Tersa (03/03/3030) iha Palásiu Governu.

Enkuantu iha loron sanulu fulan Fevereiru,  Prezidente  Repúblika, Francisco Guterres Lú Olo,  deklara ona pontu  importante  tolu hodi solusiona impase polítiku iha rai laran  mak  hanesan, eleisaun antesipada hanesan rekursu ikus,  fó fiar ba partidu polítiku sira ne’ebé hetan asentu iha parlamentu dezempeña polítika,  no ikus mak  Taur Matan Ruak kontinua  asume kargu nu’udar Primeiru Ministru.

Nune’e  iha  loron rua nulu resin rua  fulan  Fevereiru,  partidu polítiku  sira ne’ebé hetan asentu iha parlamentu hanesan CNRT,  KHUNTO,  PD,  PUDD,  UDT,  no Frenti Mudança, asina ona akta koligasaun hodi hakat ba forma governu da-sia.

Koligasaun foun entrega ona karta ba PR

Prezidente Partido Democrático (PD), Mariano Assanami Sabino, informa, koligasaun foun ne’ebé kompostu husi partidu CNRT, PD, KHUNTO, PUDD, UDT no FM, entrega ona karta koligasaun ba Prezidente Repúblika (PR), Francisco Guterres “Lú Olo”, iha Kinta semana kotuk.

Maske koligasaun foun aprezenta ona karta refere ba PR Lú Olo, maibé PD lakohi husu kadeira ba partidu, tanba hakarak asegura de’it Governu, hodi kompleta tinan rua (2).

Lee hotu :   PN presta omenajen ba saudozu La Sama

“Ha’u hanoin karta ne’ebé entrega ona ba PR sei fó karta ofisiál, bainhira loos mós halo enkontru ofisiál ida, aliansa foun forma prosesu la’o hela ba, PD husu povu tomak ita hein rezultadu no rezultadu saída de’it ita prontu. PD prontu foti risku hamutuk ho partidu sé de’it, hodi salva situasaun, ho sé de’it PD prontu kontinua asegura situasaun hodi bele hakotu impase polítiku ne’ebé to’o ohin loron seidauk iha serteza nia-laran”, Prezidente PD ne’e ba jornalista sira iha sede PD, Kolmera-Díli, Segunda (02-03-2020).

Assanami afirma, ho prinsípiu hirak ne’e, PD la haree situasaun ida ne’e hanesan oportunidade, tanba PD rasik sempre ko’alia ukun no responsabilidade iha impasse ida ne’e la’ós PD nia hakarak, maibé sé de’it mak hamosu aliansa salva situasaun, PD prontu.

“Iha situasaun ida ne’e PD labele hanoin atu sai Prezidente Parlamentu Nasionál (PN) ou atu sai Primeiru Ministru (PM), tanba ne’e ita utiliza oportunidade, PD triste ho situasaun ida ne’e no laran susar governasaun ne’ebé monu, PD labele aproveita utiliza ita-nia situasaun atu husu kargu ou fatin ba kuadru sira. PD nia  intensaun atu iha mudansa iha PN tenke ko’alia ba malu, oinsá mak di’ak liu atu iha Governu ou fó saída de’it, PD la husu kadeira ou la ezije buat ida, PD hakarak normaliza ho ukun ida ne’ebé iha nafatin konfiansa husi inan-aman  sira, normaliza  ekonómia no komunikasaun”, apelu Prezidente PD ne’e.

Nia akresenta, PD nia pozisaun husu nafatin Governu nakloke ba partidu seluk no mós envolve governasaun ne’e aberta hotu no rona ema hotu nia ideia, inklui relijiaun sira, nune’e ukun ida ne’ebé tuir hotu-hotu nia hanoin.

Lee hotu :   TL-AUSTRALIA HAMETIN KOOPERASAUN BILATERAL ■ KONTINUA DISKUTI GS

“Ita aprezenta ukun ne’ebé lori fali estabilidade no paz ba ema hotu, ukun ne’ebé tenke dignifika nafatin ita nia maun sira, tanba ne’e, PD kaer metin nia prinsípiu ba povu laiha rezerva”, tenik Assanami.

Antes ne’e, PR Lú Olo deklara ona, iha pontu importante tolu hodi hakotu impase mak Eleisaun Antesipada nu’udár rekursu ikus liu, fó opsaun ba Partidu Polítiku iha asentu parlamentar, hodi dezeña solusaun ba impase polítiku no pontu ikus mak Taur Matan Ruak kontinua mantein pozisaun nu’udár Primeiru Ministru to’o governasaun foun. Oly/ety

 

Add to Comments Here!!!!

error: Content is protected.
Secured By miniOrange
You might also like:
PR Lú Olo husu Timor-oan hakruk ba memória luta veteranu sira nian

Prezidente Repúblika (PR), Francisco Guterres Lú...

Kooperativa Solidáriu Ba Futuru realiza primeira Asembelia Jerál

Fundador no órgaun Ezekutivu, organizasaun rezisténsia...

Ema deskoñesidu estraga fasilidade iha Jardin B.J Habibie.

Governu tenta halo reabilitasaun no mós...

Close