JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana oin koligasaun foun aprezenta fali karta ba PR, Alkatiri: Hanesan inan hahoris bebé maibe mate fali

Semana oin koligasaun foun aprezenta fali karta ba PR, Alkatiri: Hanesan inan hahoris bebé maibe mate fali

Sekretáriu Jeral Partidu Demokrátiku (PD), António da Conceição, informa, semana oin koligasaun foun lideradu Kay Rala Xanana Gusmão, sei aprezenta fali karta ba Prezidente Repúblika, Francisco Guterres Lú Olo hodi kompleta estrutura legal no jurídiku ninian. Tanba ne’e, Sekretáriu Jerál Partidu FRETILIN, Marí Bin Amude Alkatiri, hasai lian hodi deklara, koligasaun foun ne’e hanesan inan ne’ebé konsege hahoris duni bebé ida, maibe mate fali tanba iha moras.

Alkatiri deklara asuntu ne’e, relasiona ho koligasaun foun ne’ebé konsege aprezenta ona ba xefe Estadu, maibe seidauk iha posibilidade ba forma Governu, tanba seidauk priense rekezitus balun, hodi halo konferénsia kada partidu nian.

“Hahoris no moris, kuandu hahoris ne’e mate tiha mak hanesan ne’e, iha rai ida ne’e, iha partidu ida mak prontu ba eleisaun aban mak FRETILIN. Ne’e hanesan labarik ida iha inan nia kabun, maibe inan kala hetan moras ruma, labarik ne’e hahoris duni, maibe mate tiha fali,”dehan ALkatiri, hafoin partisipa iha II kongresu nasionál Partidu KHUNTO, iha CCD, Sesta (06/03/2020).

Maske nune’e, Sekretáriu jerál Partidu Demokrátiku (PD), António da Conceição, ne’ebé parte husi koligasaun foun ne’e garante, semana oin konjuntura foun ne’e bele aprezenta hikas karta ba xefe Estadu hodi priense rekezitus, tanba rekezitus ne’ebé seidauk kompleta ne’e fasil hela.

 “Ne’e oportunidade ida ona tanba KHUNTO halo ona kongresu, sertamente KHUNTO mós sei hola nia desizaun kona-bá ida ne’e, no partidu sira seluk mós tenta atu organiza ona, bainhira sira finaliza no hasai desizaun ida, depois desizaun ne’e mak halo ami atu bele halo fali karta foun ba PR, hodi dehan katak ami prontu ona hodi forma governu. Semana oin koligasaun foun bele mós iha dispozisaun fila-fali ona atu hato’o karta fila-fali tan ba PR. Ita la presiza atu dehan katak tenke halo konferénsia ka kongresu ida boot hanesan ne’e, ida hanesan KHUNTO halo hela ne’e, la’e! maibe mekanizmu sira ne’e atu regula iha kada partidu nian, atu halo sira-nia estatutu bele define forma ida atu hola desizaun polítika, tanba lei ne’e bele konferénsia, bele kongresu, konferénsia oras ida ou rua mós konferénsia ona, ne’e duni laiha problema ida, ne’e fasil,”António realsa.

Lee hotu :   SERVE hetan krítika husi públiku

Iha Sesta-feira ne’e, koligasaun foun ne’ebé kompostu husi Partidu Demokrátiku, KHUNTO, UDT, Frente-Mudansa, PUDD ne’ebé lidera husi, CNRT ne’e, hasoru malu ona ho xefe estadu, hodi aprezenta konjuntura foun.

Maibé xefe Estadu konsidera koligasaun refere, politikamente legál, maibé juridikamente seidauk priense rekezitus.Say

Add to Comments Here!!!!

error: Content is protected.
Secured By miniOrange
You might also like:
Mari: FRETILIN rekoñese saudozu Rangel nia kontribuisaun ba TL

Sekretariu Jerál partidu FRETILIN, Marí Alkatiri,...

Karantina infetadu COVID-19, PM Taur husu MS tenke buka fatin diak

Primeiru Ministru (PM), Taur Matan Ruak...

Laiha orsamentu, dezenvolvimentu iha TL la’o hakdasak

Implementasaun projetu sira iha Timor-Leste (TL),...

Close