JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana oin PN sei diskute no aprova pedidu levantamentu FP

Semana oin PN sei diskute no aprova pedidu levantamentu FP

Segunda semana oin, Parlamentu Nasionál (PN) sei diskute no aprova pedidu levantamentu osan husi Fundu Petrolíferu (FP), ho montante millaun USD 250 hodi sustenta duodésimu ba fulan tuir mai.

“Komisaun C tenke halo audiénsia ho ministra das finansas no BCTL, atu bele hatene pedidu levantamentu USD 250 milloens ne’e, ba nesessidades saída de’it, atu aloka ba kategória saída, no oinsa mak atu ajuda rekursu ba kofre Estadu, atu bele hodi responde ba kombate coronavírus, no kalamidade dezastre naturais ne’ebé akontese. Tuir ajenda ne’ebé aprovadu, komisaun C sei elabora relatóriu pareser, hafoin halo audiênsia ho entidade rua ne’e, iha Segunda dader, komisaun C sei halo aprovasaun ba relatóriu pareser, no iha fali lorokraik, sei plenária iha  ne’ebé sei aprova pedidu levantamentu ne’e iha jeneralidade no espesialidade”, informa Maria Angelina Sarmento ba jornalista sira iha PN, Sesta(27/03/2020).

Aleinde ne’e, vise Prezidente PN ne’e subliña, Parlamentu Nasionál sei prolonga tan tempu ba Estadu emerjensia, bainhira situasaun ne’e aumenta grave no la rekopera.

“Estadu emerjensia ne’e ko’alia mós kona-bá sirkulasaun internasional, limita liberdade. Iha sirkulasaun internasional, liberdade, maibé rigorozu iha atendimentu ba vizitante sira husi rai no mós Timor-oan ne’ebé mak sei iha estranjeiru, liu-liu iha pontu entrada sira, hanesan portu, aeroportu no fronteira terrestre. Ita hotu hatene katak, pontu entrada ilegal sira ne’ebé iha fronteira terrestre, seguransa sei garante, atu tuir regras. Limite sirkulasaun, bandu ema atu halibur malu iha fatin ruma, hanesan halo movimentu ka manifestasaun ou konferensia, ne’e sei bandu ema atu halo atividades relijioza sira, inklui missa no liu-liu serimonia kultura sira hanesan halo lia no eskola. Estadu emerjensia ne’e governu sei avalia, bainhira ita tama iha situasaun ne’ebé grave liu, liberdade ne’e sei limite liutan”, tenik deputada PLP ne’e.

Lee hotu :   PN eziji PJR-PNTL investiga superior MAP "Hong Long rejista legal iha SERVE"

Pedidu emerjensia ne’e, aprova ona iha Parlamentu Nasionál, Kinta semana ne’e, no dekreta ona husi Xefe Estadu Sesta semana ne’e.

Nune’e, Estadu emerjensia ne’e, hahú husi loron 28 fulan Marsu to’o loron 26 fulan Abril tinan ne’e, nu’udar meius ida hodi halo prevensaun ba COVID-19, ne’ebé Timor-Leste mós konsege rejista ona kazu pozitivu ida.

Entertantu,  virus COVID-19 ne’e, mosu iha nasaun Xina iha sidade Wuhan, no transmite ka espalla ba nasaun kuaze atus rua ona, no ema afeitadu kuaze atus hat resin, iha ema rihun 18 lakon vida.

Maske nune’e, Maioria husi pasiente COVID-19 kuaze rihun  atus ida liu mak konsege rekopera ona husi moras refere.say

Add to Comments Here!!!!

error: Content is protected.
Secured By miniOrange
You might also like:
Governo gasta cerca de 11 milhões de dólares na compra de materiais de proteção e medicamentos

O Governo timorense vai adquirir materiais...

Kazu Kulu-Hun de Baixo, TDD aplika prizaun tinan 25 ba José no 20 ba Francisco

Tribunál Distritál Díli (TDD), iha Sexta,...

PM Taur: Governu sei hasai regras ba Estadu emerjensia

Primeiru Ministru (PM), Taur Matan Ruak...

Close