JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana: Koligasaun partidu neen sei la fó fatin ba Governu minoria ukun

Xanana: Koligasaun partidu neen sei la fó fatin ba Governu minoria ukun

Prezidente Koligasaun Aliansa Maioria Parlamentar (AMP), Kay Rala Xanana Gusmão, hatete, koligasaun partidu neen hanesan CNRT, PD, KHUNTO, PUDD, UDT, ho FM, sei la fó fatin ba FRETILIN-PLP ukun ho minoria, karik Prezidente Repúblika, Francisco Guterres Lú Olo hakarak fó duni ba minoria.

“Prezidente Repúblika ne’e, ida be tur iha Aitarak-Laran ne’eba ne’e. Ami ezije ba PR atu fó ona demisaun ba Primeiru Ministru, Taur Matan Ruak. Primeiru Ministru demisionáriu haruka fali proposta altera lei ba fali Parlamentu Nasional, nia demisionáriu, laiha kompetensia. Ami la’ós minoria, ami maioria. Plataforma intendimentu (entre FRETILIN ho PLP foin lalais) maka espekula, habosok povu, tau foer iha povu nia matan. Sira iha deit 31 votus dehan katak, ami nia parlamentares sira ne’e, sira fó osan karik atu vota ba sira, tanba ida ne’e (lalos) ne’e mak ami tur iha ne’e (Halo konferensia ba imprensa) hodi dehan katak, sei laiha ida fa’an-án ba (sira). Ho ida ne’e mak ohin ami tur hamutuk iha ne’e, deputadu sira (Aliansa Maioria Parlamentar) laiha ida mak simu osan ba votu. Sira iha ne’e (deputadu AMP) mak ne’e (sei la simu osan), ne’ebé lalika bosok povu ”,dehan eis Prezidente Repúblika, Kay Rala Xanana Gusmão, iha konferensia ba imprensa ne’ebé hala’o iha Bairu Grilus, Díli, Tersa (24/3/2020), hodi responde jornalista kona-ba koligasaun tandingan FRETILIN-PLP ne’ebé ba ho minoria, maibe hakarak ukun.

Líder karismátiku Kay Rala Xanana Gusmão afirma, objetivu AMP ne’ebé kompostu husi partidu neen ne’e halo konferensia ba imprensa, tanba plataforma intendimentu entre FRETILIN ho PLP ninian ne’ebé minoria.

“Rua mesak iha 31 kadeira sei minoria, labele temi partidu mais votadu. (Iha mak) partidu mais votadu ou maioria parlamentar. Ne’e katak, partidu bele mais votadu, maibe la’os maioria parlamentar. Iha 2017, FRETILIN labele ukun tanba iha minoria. Agora temi dehan, ami FRETILIN, partidu mais votadu, aaaiiiieeee. O bele kari rai-henek mai ami-nia matan, ha’u tenta haree ho oklu. Ho tan Primeiru Ministru (Taur) ne’ebé karik Prezidente Repúblika la fó demisaun, aiiiiie neé para ema hot-hotu rona dehan ne’e maka’as. Ne’e ami hakarak halo los kedas, tanba nia buka bo’ok ami partidu neen ne’e, dehan katak, nia konta hela votu haat ka lima husi deputadu sira ne’e (AMP nian). Katak sira fó uang rokok sira bele vota kontra fali partidu neen ne’e ninian, laiha. Ami sei metin. Plataforma intendimentu (FRETILIN-PLP) 31 ne’e ami sei liu. Ou ita tuir saida mak sira hakerek (iha konstituisaun) ou entaun Estadu sai demisaun”,dehan Xanana ho hirus maka’as.

Lee hotu :   Informasaun FRETILIN la simu proposta CNRT, deside ba opozisaun lalos ■XANANA la husu saláriu ba VII Governu

Kay Rala Xanana Gusmão mos haree track record PR Lú Olo nian durante ne’e la halo tuir nia dever hanesan Prezidente Repúblika ne’ebé defende konstituisaun ne’ebé nia rasik mak hatete iha momentu ne’eba. “nia la kumpri”,dehan Xanana.

Eis Primeiru Ministru, Kay Rala Xanana, mos kaer konstituisaun hodi esplika katak, iha artigu 86 hatete, kompetensia kona-ba orgaun sira seluk hanesan iha alinea F haktuir, disolve Parlamentu Nasionál iha krizi institusional grave la husik forma Governu ka aprova orsamentu jeral estadu nian iha periodu naruk liu loron 60. Maibe Xanana dehan, ba nia (Prezidente Lú Olo) la grave tanba simu hela osan Estadu nian.

“Iha nia (Lú Olo) nia pose dehan katak, ha’u sei kumpri konstituisaun, ha’u sei haree buat hotu sei kumpri, maibe nia la kumpri konstituisaun ne’e.  Nia rasik mak la kumpri. Nia ba hasai tiha ona direitu kumlaude tan, seidauk hatene nafatin saida mak nia hakerek iha 2002 ne’e ka (kona-ba konstituisaun). Nia prezidente asembleia konstituente, la’ós deputadu asembleia konstituente”,dehan Xanana tan.

Iha fali artigu 112 kona-ba demisaun Governu, Xanana haktuir, kuandu Primeiru Ministru husu demisaun, Prezidente Repúblika tenke konsidera karik ida ne’e nesesáriu hodi asegura normal instituisaun demokrátika.

“Ami kumpri tiha ona rekezitu hotu-hotu, nia (Lú Olo) ba kuda-ai. Nia Prezidente asembleia konstituente estuda direitu, hetan tan kumlaude ne’e mak ami tur iha ne’e ami la simu tanba Prezidente  Repúblika nonok hela deit, la kompriende nia devér, nia obrigasaun katak nia asegura funsionamentu regular instituisaun demokrátika. Tanba sa? Tuku rua (Lorokraik) nia (Lú Olo) fila ona ba uma, tuku 10 dader, ita haree ba ne’e uiuiui Polísia lori nia ba tau iha Prezidensia (fatin nia hala’o kna’ar ba), ne’ebé lahatene povu nia terus ne’e saida”,dehan tan Xanana.

Lee hotu :   Sara Lobo Brites : Lei fó dalan ba governu foti osan Fundo Petroleu liu 3%

Entretantu, portavoz koligasaun Aliansa Maioria Parlamentar (AMP), António da Conceição “Kalohan”, hatete, koligasaun AMP kompostu husi partidu neen ne’e sei la fó fatin ba tentativa Governu minoritáriu ida atu ukun.

“Koligasaun partidu neen nian sei la fó fatin ba kualker tentativa atu forma Governu minoria ida. Ida ne’e klaramente viola prinsípiu konstitusionais país nian artigu 106 konstituisaun da repúblika no sei lori Timor-Leste ba situasaun inserteza ho konsekuensia negativa ba povu doben ida ne’e, nune’e mos bele loke fali dalan ba eleisaun antesipada”,deklara Kalohan.

“Koligasaun partidu neen mos kondena Sekretáriu Jeral Partidu FRETILIN Marí Bin Amude Alkatiri nian ne’ebé dehan, sei konvense deputadu husi koligasaun Aliansa Maioria Parlamentar (AMP) atu fó apoiu ba oin. Ne’e tentativa Partidu FRETILIN ho PLP forma governu minoria. Koligasaun nia kareira polítika iha nia partidu rasik, basá koligasaun partidu neen sei hamutuk  foti asaun ba deputadu ne’ebé viola”,dehan Kalohan.

Koligasaun partidu neen mos hein desizaun husi Prezidente Repúblika, Francisco Guterres Lú Olo ba hakotu impase polítiku ida ne’e.ety

Add to Comments Here!!!!

error: Content is protected.
Secured By miniOrange
You might also like:
Amu Martinho Gusmão: PR Lú Olo fatal interpreta konstituisaun

Dosente Filozofia Polítika, Amu Martinho Gusmão,...

PNTL sei asegura desizaun Estadu Emerjénsia

Polísia Nasionál Timor-Leste (PNTL) sei asegura...

Tanba COVID-19, Faustino suspende aniversáriu PNTL

Komandante jerál Polísia Nasionál Timor-Leste (PNTL)...

Close