JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estensaun EE aprovadu la ho unanimidade ■CNRT UDT/FM vota kontra

Estensaun EE aprovadu la ho unanimidade  ■CNRT UDT/FM vota kontra

Parlamentu Nasionál (PN) autoriza tan estensaun Estadu Emerjénsia (EE) hodi halo prevensaun ba transmisaun pandemia COVID-19 ho votu a favór 37, kontra 23, no abstensaun 4, falta deputadu Adriano do Nascimento husi PD la marka prezensa. Ne’e katak estensaun EE ne’e aprovadu la ho unanimidade husi deputadu sira.

Hahú husi diskusaun ba estende EE ne’e deputadu asentu parlamentar hamosu idea pro-kontra. Tanba COVID-19 ne’e moras importadu, entaun presiza haforsa iha lei no lockdown de’it ba teritóriu ne’ebé fronteira ho rai seluk Indonézia hanesan Covalima, Bobonaro no mos Oecusse, no la presiza aplika ba munsípiu hotu hodi implika ba sosiu ekonómiku hanesan populasaun hamlaha no seluk tan. Maibe idea seluk husi deputadu sira presiza estende EE atu kontra peste COVID-19 ne’e.

Iha períodu primeiru EE ninian deputadu sira vota unanimidade ho esperansa ida katak, Governu bele trata asuntu COVID-19 ne’e ho sériu, maibe infelizmente iha fulan ida nia laran ezekusaun orsamentu ne’e rasik la ezekuta ho urjénsia no povu hamlaha dadaun ona, tanba ne’e deputadu sira fó hanoin katak, la presiza estende tan ona EE ne’e.

Bankada CNRT, fó votu kontra, tanba governu husu PN aprova osan ho urjénsia maibe governu la ezekuta ho urjénsia, kontinua haterus liu tan povu.

Razaun ida seluk vota kontra tanba COVID-19 seidauk iha transmisaun komunitáriu, tanba ne’e ladun iha risku boot, ameasa povu hamlaha no konsidera laiha planu preparasaun ba Estadu Emerjénsia.

“Iha loron 30 liu ba, bainhira governu husu autorizasaun, bankada CNRT haree katak deklarasaun Estadu Emerjénsia la mai ho planu preparadu, atu oinsa iha tempu 30 dias bele halo prevensaun atu moraz COVID-19 labele tama mai TL, karik bele ida ne’ebé moras bele kura lalais. Prevensaun ne’e realmente importante tebes, atu moras labele tama iha rai laran no hada’et ba ema seluk iha Timor laran tomak, bainhira taka portu sira ne’e, ba ema estranjeiru labele mai Timor, ita bele dehan ne’e desizaun ida ne’ebé loos, tanba satan ona ema tama, embora tarde. Tarde tanba, bainhira taka fronteira, ita iha moras lubuk ida, maibe iha tempu hanesan, iha 30 dias nia laran, ami rona mós halo ona akizisaun ba ekipamentus médikus  no kontratu ona rekursu humanus mak ita bele dehan di’ak ona. Koa’lia kona-bá kombate, durante ne’e ami haree tratamentu ladun iha informasaun, liu-liu inan-aman ne’ebé nia oan nia família ka oan halo hela tratamentu presiza hetan informasaun ne’ebé klaru para sira hatene, tratamentu ne’e la’o loos ona ka no iha esperansa katak iha tempu badak nia oan sira bele sai”,dehan Xefe bankada CNRT, Duarte Nunes.

Lee hotu :   FRETILIN LAMENTA MC-CNRT AKUZA PR

“Ko’alia kona-bá estensaun EE, deputadu no deputada bankada CNRT haree katak, iha problema rua, problema COVID-19 no hamlaha, COVID-19 tama ona TL no infeta ona ba ema na’in 24, no halo tratamentu rezultadu na’in 6 rekuperadu, Ida ne’e pergunta ida mak presiza ita hotu hatene, kapasidade atu halo tratamentu ne’e no kontrola ne’e di’ak ona kala’e, bainhira PN aprova $250 milloens ba iha fundu atu atende ba situasaun ne’e, governu halo akizisaun ba médikamentus kalae, ne’ebé mai akompaña aviaun Air-north lori ona balun, no rona husi Xina sei lori tan balun mai hodi kompleta. Servisu halo vizilansia iha fronteira Covalima, Bobonaro no Oe-cusse ba PNTL ne’ebé Ministeriu Insterior iha alokasaun osan liu millaun $6, atu atende de’it sira nia nesesidade. Vizilansia rai-maran no tasi, sei hetan apoiu husi F-FDTL ne’ebé mós hetan alokasaun osan hanesan ho PNTL, hodi hametin atu ema labele tama ilegal. Bankada CNRT preokupa, karik estende ba 30 dias tan, sei lori mós problema ba ema nia moris, se ita haree ba ekonomia ne’ebé mak rahun ona,”deklara xefe bankada CNRT, Duarte Nunes plenária, bainhira debate ho governu ba estensaun EE, Segunda (27/04/2020).

Alende ne’e, xefe bankada FRETILIN, deputadu Aniceto Guterres Lopes, deklara, FRETILIN vota a favór, tanba COVID-19 preokupasaun mundial, no nasaun avansadu de’it sei infeta duke TL ne’ebé nakonu ho difikuldade ba ekipamentu médiku nian.

“FRETILIN deklara a favór ba estensaun Estadu Emerjénsia ne’e ba interese nasionál, tuir FRETILIN nia hanoin, ho Estadu Emerjénsia ne’e de’it mak ita bele implementa medida prevensaun ba surtu COVID-19 ne’e, hanesan distansiamentu fíziku, no limita liberdade, limita direitu kultura ka halibur malu, medida konfinamentu obrigatóriu no medida seluk ne’ebé presiza. Maibe ita hotu akompaña, implementa estadu Emerjénsia periodu da-huluk, lori mós konsekuensia ba Timor-oan ne’ebé ho kondisaun ekonomia no sosio vulneravel, kondutores transporte públiku, vendedores no traballadór informal sira, ne’e barak  mak lakon sira nia servisu no rendimentu lor-loron nian, nune’e lori sira ba situasaun difisil, no susar liutan, ita hotu tenke rekoñese. Konsekuensia sira ne’e mai hosi medidas protesaun, sosio ekonomiku ne’ebé tarde husi ezekutivu.  Tanba ne’e Fretilin husu ba governu, atu iha periodu foun Estadu Emerjénsia ne’e, tenke implementa medida prevensaun no medida estimula ekonomia no protesaun sosial, la’os simultanea ka dala ida de’it, liu-liu medidas sira hanesan distribuisaun hahan ba uma kain sira ne’ebé presiza tebes, transferensia osan ba familia ne’ebé laiha rendimentu no sira ne’ebé ho rendimentu ki’ik, pakote insentivu sira seluk tan, atu realiza ho lalais ona ba sira ne’ebé presiza tebes.”hateten Xefe bankada Fretilin ne’e.

Lee hotu :   Armanda Berta eleita ba Prezidente KHUNTO 2020-2024

Nune’e, Prezidente Parlamentu Nasionál, Arão Noe Amaral deklara sei haruka kedas  rezultadu apresiasaun Parlamentu Nasionál nian ba xefe estadu atu dekreta no determina tempu hahu no remata estensaun estadu Emerjénsia ne’e.

Pedidu estensaun estadu Emerjénsia ne’e, pasa ho votus a favor 37, kontra 24 no abstensaun 4, maibé deputadu Adriano do Nascimento la marka prezensa.Say

Add to Comments Here!!!!

error: Content is protected.
Secured By miniOrange
You might also like:
PNTL hala’o pasa revista, prende sasán kro’at no binókulo kilat manu

Polísia Nasionál Timor-Leste (PNTL) munisípiu  ...

COVID-19: Ema 81 hein rezultadu teste laboratóriu

Nune’e iha loron, Domingu (26/04/2020), Porta...

Livre husi COVID-19 sidadaun nain 10 fila ba sira nia munisípiu

Diretór Apoiu Jurídiku Kontajiozu Ministériu Saúde,...

Close